كتاب المشاعر

...
..
.
أحبتي رواد ومبدعين منتدى " همس القوافي "
...
..
.
تحيه ملؤها الحُبـ والاشواق
اطلقها من حنجرة انفاسي
لعل مداها يصل لنبض قلوبكم
:
:::
،،’،، أحبـــتي ،،’،،
:::
:
هذهِـ اول "مشاركه" اضعها بين اناملكم
وكم اتمني ان تنال على إعجابكم و رضاكم
فـ أنا افتخر بوجودي بينكم
لأنني علي امل للبقاء في هذا
"... الصـرح العظيــم ... "
!!!
!!
كتاب المشاعر




في خفوقي لك حكايه ضمها كتاب المشاعر
وفي عيوني لك مدينه ياحلوها من مدينه

انت لوتامر على روحي من غلاتك بس تامر
فدوى روحي من غلاتك والله ماهي بالثمينه

شفت عاد اش قد غالـــــــي؟لا وعندي شي آخر
كل هالعالم بدونك اشبه بدمعـــه حزينـه

إحنا قصتنا قديمــه وحبنا صادق وطاهر
انقى من حبة رذاذ فوق خد الياسمينه

إحنا لونكتب محبتنــا ضاقت اوراق الدفاتر
وان كتبنا شي تبقى اغلب كنوزه دفينه

إنت تبحر في عيوني وانا في عيونك اسافر
فوق غيمه من محبه لا شراع ولاسفينه

جيت لك كلي وضوح بلا قناع ولامظاهر
وجيتني من طيب أصلك لاغرور ولاضغينه

تذكربأول لقانــا؟كيف خانتنا الحناجر؟
الحكي عيا...وحروفه في حناجرنا سجينه

وكانت عيونك مرايا بعثرت اوراق شاعر
وكنت اقرا في عيونك رعشة الشوق وحنينه

تصدق اني من بعدهــا صارت ضلوعي منابر
كم تعلاها خفوقي يشجب البعد ويدينه

بصرااااااحه:في غيابـــك تنغلق كل المعابر
كل هالدنيا بدونـــك تنقلب صحراء وشينه

أفتدي نظرة عيونك واشتريها بألف خاطر
ومن غلاتـــك بس عندي عيني صارت لك مدينه


لكم ودي

تخنقني العبرة

الموضوع الاصلي  من روعة الكون