اول قصائدي

السلام عليكم ..
كيفكم ياحلوين حبيت اليوم اشاركم بأول قصائدي
يعني على قدي شخبطت ولخبطت لين طلعت هالكلمات
اللي محتاج لنتقادكم .. صدورنا رحبه لنتقاداتكم ونحن في
أمس الحاجة لملاحظاتكم ..فبكم ومعكم نصل الى القمة ...
اتركم مع القصيده لاعدمنااااااكم



لبيه ياللي في عيونـي لك اليــوم
أحساس ثانـي تفهمـه بس عينـك

تعـال خذنــي من مكانــي وبقــوم
وأطيــح ثانـي بـس فـي راحتينك

أعشقك وأهـواك وأتمناك أنا دوم
والقلب يسأل عنك بس أنت وينك

أسأل عليك بلهفه إنسان محـروم
همـه يجي يمـك ويحضـن يدينـك

مـن كثر ما أحبك تسليت بالنــوم
لأنــي وأنـا نايــم أحـس بحنـينك

الله عليك شلــون خليتني اليــوم
أحكــي بلهجات العرب في يمينك

لا تستحي لو قلت ياعيبه الشـوم
إن كـــان ما بــدك أقبــل جبينــك

يا ناس يا عالــم يا هــوه يا قوم
إني أرى السبع العجـاف بسنينك
مع فائق تحياتي واتمنى ان تنال اعجابكم اخوكم الساهري

الموضوع الاصلي  من روعة الكون