[[ قصــة نــوٍره ]]

قصة نــوٍره

للشاعر / مطبق النومسي

((قــصــة نــوره ))


إيـــه يـادنـيـا .. وهـــذي عـادتــك دوّارة
والغـلا تحـت الضلـوع الـعـوج .. كـمّـل دوره
فـي حكايـة .. تستشـف الكـذب منـهـا .. تــاره
وتاره .. ألقـى الصـدق فيهـا .. رايتـه منشـووره

قـصّــةِِ بأحـداثـهـا .. وفصـولـهـا جـبّــاره
وأستمـع ياوقـت فحـوى قصـتـي مــع نــوره
بنـت .. يثملهـا القصـيـد .. وتنتـشـي لأخـبـاره
روحهـا .. شاعـر فريـد .. وقلبـهـاا جمـهـوره

كـانـت تغـيّـر بأساميـهـا .. وهــي محـتـاره
كيـف تختـار إسـم .. يلبسهاالقصـيـد شـعـوره ؟
نوف ؟؟ .. وإلا شوق ؟؟ .. وإلا ريم ؟؟.. وإلا ساره ؟؟
المـهـم إن الأسـامــي .. دايـمــا مـشـهـوره

كانـت بعينـي غـريـبِِ مــا يـحـب .. ديــاره
وكنـت متـاكـد بــان البـنـت ذي .. مخـطـوره
لأانهـا .. طفقـة .. عنيـدة .. شامـتـه .. عـيّـاره
مايعـه .. ترفـه ..غنـوج .. مدلّعـه .. مطـيـوره

لـيـن طالتـهـا عـلـوم الـعـالـم الـثـرثـاااره
وصارت أشهـر مـن علـم .. بعلومهـا المذكـووره
وإبتديـت .. أحـس فـي كرهـي لـهـا وأخـتـاره
واتجاهـل .. كـل عـرقِِ بالـغـلا لــه ثــوورة

كنـت كــاره طبعـهـا .. إي والله إنــي كــاره
بـس مـدري ليـه نفـسـي .. يمّـهـا مـأمـووره
لـيـن جــات الليـلـة المـسـفـوره الـنــوّّاره
او بقـول أحـلا كــذا .. الـنـوّارة المسـفـووره

يــوم مرتـنـي تمـايـل مــع بـنـات الـحـاره
وأشـرت لــي مــن بعـيـد إشــارةِِ مخـبـوره
وإتفقـنـا نلتـقـي .. فــي سـاحـل الـبـحّـارة
والوعـد يــوم القـمـر يظـهـر عليـنـا نــوره

وإلتقينـا .. وإلتقـى فيـنـا الـهـوى .. وأســراره
خـل عنـك الطبـع يقـعـد .. وإنتـبـة للـصـوره
قمـت اسبـح بإسـم ربـي .. وأحتـمـي بـاذكـاره
وابتـدي بالبسمـلـه .. قـبـل ابـتـدي بالـسـوره

المهـم .. إنــا جلسـنـا .. وارخــت النـظـارة
فـوق ذيـك الطاولـة فــي جـانـب المقـصـوره
والرسبشـن .. خلفنـا .. والـبـاب كــان يـسـاره
ومـن يميـن البـاب الايـسـر كـانـت النـافـوره

وقـهـوة الاتــراك .. كـانـت بينـنـا فـــوّارة
وكــان سكّـرهـا يـحـاول .. يستـغـل الـفـوره
وإبتـدى هـرج العتـب .. يـقـدح عليـنـا نــاره
وكنـت مغـرورِِ شـوي .. وهـي بعـد مـغـروره

حـول ساعـه .. وإنتهـى الموعـد وفـل إسـتـاره
بـعـد مــا اعلـنـا الصـداقـة بينـنـا مغـمـوره
كـان هــذا الإتـفـاق ... وإعتـمـدت إحـضـاره
يعـنـي إنــك يالعـلاقـة بيـنـنـا مـحـضـوره

والغـريـب .. إن افترقـنـا .. فـرقـةِِ غـــدّااره
ليـه ؟؟ مـدري ..بـس حسيـت إنـهـا مـعـذوره
وكنـت امثّـل قصـة العـاشـق .. واجـيـد ادواره
وكـانـت تمـثّـل عـلــي الـعـشـق دوره دوره

وإستمريـنـا نكـابـر ... والـجــروح تـشــاره
والغـلا يكـبـر ... ونـفـس المنتـحـي مكـبـوره
ليـن جتنـي .. بنـت أبوهـاا .. للـغـلا منـهـاره
وجيتت انـا .. والعيـن مـن ضيـم الدهـر مقهـوره

ذي نتايـج دورتــك .. يــا حـضـرة الــدّوّاره
والـغـلا لا زال ثـابـت فــي حنـايـا نـــوره



وســلآمتكم..

الموضوع الاصلي  من روعة الكون