محاورة حصريا وفقط على روعة الكون

السلام عليكم
جبت لكم اليوم محاورة لاحد اصحابي الشعراء من قبيلة قريش وهي حصريا على هذا المنتدى...ولأول مرة تطلع للنور...
المحاورة بين شاب يريد ان يتزوج من فتاة...فتحاور مع ابوها فأنصدم بالشروط والتي والله عقبه هي اليوم تقف بوجه الشباب..وهذا حال واقعنا اليوم..نترككم مع الابيات:

الشاب:



ياسلامي عد ماهلّت مزون الربيع
المحافل للكرام واللزوم حضورها


الشايب:



مرحبا ماطار طاير وماسمع سميع
المحافل عند شوفتك شعشع نورها


الشاب:



جيت ياعمي وانا فالنسب عندي شفيع
طالبٍ بنتك وانـا مقتـدر بأمورهـا


الشايب:



انت كفوٍ والكفو ينشري بسعرٍ رفيع
لكن شروطي عسى تقتدر تدبيرهـا


الشاب:



انت تامر بالذي تشتهي وحنا نطيع
والله يساعد ويكتب لنا تيسيرهـا


الشايب:



مهر بنتي مية الفٍ ولاقرشٍ يضيع
وسط مكه عرسها وبكبار قصورها


الشاب:



السيوله ماتساعد بتمويلٍ سريـع
والديون دروب محدٍ يحب يسيرها


الشايب:



والذهب رشرش وتاجٍ على الراس الرفيع
والبناجـر والحـزام وامهـا بنشورهـا


الشاب:



الشروط الظالمه نار تحرق للجميع
كم رياجيل انقصم بالشروط ظهورها


الشايب:



وفلةٍ تشرى وسايق وخدامه تطيـع
ولاتجي امك في بيت بنتي وتزورها


الشاب:



اترك امي عندي ومالكم فيها صنيع
وابنتك عندك ولك خيرها وشرورها


الشايب:



ابشر ابشر يالفتى الحر يالشهم الشجيع
ماقفك ماقـف رجـالٍ تقـوم بدورهـا

الموضوع الاصلي  من روعة الكون