ناديت عقبك للفرح مالقيته

من زود همي كل رجمٍ رقيتـه
واقنب من الفرقى كما الذيب سرحان

على حبيبٍ طول عمري رجيته
بيني وبينه حالت حـدود واوطـان

سافر وانا بدموع عيني بكيته
عزّي لعينٍ فارقـت شـوف خـلان

ناديت عقبه للفـرح مالقيتـه
غاب بغيابه وامتلى قلبـي احـزان

غالي حبيبي نور عيني فديته
وين الزمان اللي معه كنت فرحـان

اللي بغاني بالحـلال وبغيتـه
على العهد وافي ولا هـوب خـوان

بلعون لو يطلب عيوني عطيته
وأمشي على دربه ولانيـب ندمـان

ماغيره أحدٍ في حياتي هويته
ولايمكن بقلبي يجي غيـره انسـان

انا حبيبي داخل القلـب بيتـه
يسرح ويمرح بين قلبي والاعيـان

لاواعذابي كان حلـمٍ بنيتـه
تلايمـت فيـه الزوايـا والاركـان

الموضوع الاصلي  من روعة الكون