قصيده اعجبتني للشاعر نادر بن مساعد

اسعد الله اوقاتكم بكل خير

قصيده للشاعر نادر بن مساعد

اعجبتني وحبيت انقلها لكم

وان شاء الله تعجبكم




ياحلو عقـل البنيـه لا غـدا ثقـل ورزانـه=يترس عيونك غلاهـا ماتـدور لـه بديلـه
وان غدا في عقلها خفه مع شويـت شطانـه=طاحت من العين في كبد الثرا وقحـه ذليلـه
ولا انا معشوقتي بنـت الرجـال ام التكانـه=عزوت اللي لا تعزوا بسمهـا فـك الأصيلـه
بنـت قومـن مايحبـون التكبـر والأهانـه=فالوازم ينطحون المـوت بسيوفـن صقيلـه
حلو عوده لا تمايل مثـل عـود الخيزرانـه=يسلب الخفاق مني غصب وعيونـي تخيلـه
والعيون ان سلهمت بالرمش قلت الموت عانه=ضاعت علومي وضاع الدرب ضيعت الدليلـه
وان تبسم مبسمه والنور شعشع مـن ثمانـه=قلت كيف الجمر فوق الثلج خلن مـع خليلـه
جيتها حب وفاء من دون كـذب ولا خيانـه=وجات لي مثل القمر لا بان نوره وسط ليلـه
اشهدني عاشق عيونه ومغـرم فـي حنانـه=عشقتن من دونها لمشي دروبـن مستحيلـه
عاذلي جعله بوسط النـار مقطوعـن لسانـه=ماعرف عشق الرجال اللي يحبـون الجميلـه
لاغدا وضع البنيه عقل مـع زيـن ورزانـه=حطها وسط العيون وفي غلاهـا زيـد كيلـه
وان غدا في وضعها خفه مع شويت شطانـه=دوسهـا بقدامـك الثنتيـن محقـوره ذليلـه






مغليكم / ســــ الغلا ـــم

الموضوع الاصلي  من روعة الكون