وسميتهــــــا أسطــــــورة من أشعـــار أسطــــــورة

شيدت للفكرة من الشعر سبع قصـور
وأعلنتها حاكم على الشعـر وبحـوره

خيالي يغذيها ويسعـى لهـا مشكـور
ينقـي فرايدهـا بنهجـه ودسـتـوره

ترجمتها أبيات وإحساسهـا الجمهـور
يوصل صداها كـل جدبـا ومعمـورة

وشخصتها تشخيص ما يفهمه دكتـور
وسميتها أسطورة من أشعار أسطـورة

مهـره منقيهـا وتاريخهـا مشهـور
وأسلافها فـي يـوم حطيـن مذكـورة

إذا اصطفوا الفرسان يوم اللقا طابـور
أفعال راكبها على الـروس محفـورة

ما قلتهـا خايـف ولا قلتهـا مغـرور
ولا قلتها والنفـس للضيـق مجبـورة

إذا الشعر ما ينقل معانـاة أو منظـور
ولا يظهر الصورة بما تحمل الصـورة

فلا خير في نظمه إذا كان دون شعـور
وقايله يصغر غصب في عين جمهوره

يزيف ولا يصدق ويشهد بكلمـة زور
عسى كلمته توقف على باب حنجـوره

بعكس الذي شعره إذا جاك كنـه نـور
تشرق به أبياته ويـزداد بـه نـوره

إذا انك سمعت البيت تستوقفه مبهـور
وتثني عليه المـدح وأقـوال مأثـورة

أفكار تتسلسل حسب النسـق والـدور
عبر عن شعورك بما خالـج شعـوره

يحتار فيـه النقـد والناقـد المعثـور
يبطي وهو ماسك على حـد ساطـوره

إذا قلت له مستور يسألك عن مستور !
وإذا قلت مستورة سأل ليش مستورة ؟

ما يدري إن النقد له فلسفـه وجـذور
بستان و أشواكه توقف علـى سـوره

النقد ما هو صدر أو عجز فيه كسـور
النقد في الإبـداع والفكـر وحضـوره

إذا ارض الفكر خصبه وترابها ممطور
محصولهـا يـورد وتتفتـح زهـوره

يقصد لها البلبـل ويلحـن العصفـور
وتغنـي الورقـاء مواويـل ابونـوره

الموضوع الاصلي  من روعة الكون