يا معشر العشاق..
حنا ذبحنا الفراق
لأسباب ماتسوى..
والبعد ماينطاق
كم من حبيب وحبيب
عاشوا الهجر والنحيب
وانا من اللي بكوا..
خوف..
ورجا..
وصل
وفراق
وعناق
مشاكل الحب والعشاق ذباحه الفين مره يموت العاشق بهمه
يا كم عاشق فقد قلبه ومفتاحه طال الطريق وطريق الوصل ماتمه
يوم المشاعر عذاب وفتنه وراحه وحروف واّماال منثوره وملتمه
احد نزفها وشب الوجد مصباحه واحد كتمها بصدره وانحرق دمه
واحد ماغير الوهم يلعب بمسباحه واحد يمشي العنا من قهره بكمه
ناس جمعها هزيع اليأس واشباحه ولكل قصه..كلام وغصه ويمه
الله ياكثر القصص
في كل دمع..
وكل نبض..
وكل نص
الله مااقوى الدرب
يا هي ماّسي حب
ومدري الحب قاسي
او هو الوصل ناسي
(( إن أكرمك عند الله أتقاكم))
هذي ايه..
ايه كريمه
فيها شموخ
ينبض عدل
ويرف شيمه
ياما كتبناها
ياما سمعناها
ياما قريناها
ونقول حنا مسلمين!!
بس للحين
يدمع القلب
وتخفق العين
إيه نعم..للحين
وبرغم إننا من طين
اكرمنا رب العالمين
بنعمة الاسلام
لكن حراااام
للحين هذا قبيلي
وللحين هذا حضري
وبرغم انا في القرن
الواحد والعشرين
بس للحين
متوقفين
عند الاصفار
والله عااار
ابونا واحد
واصفارنا واجد
هذا صفر سبعه
وهذا صفر واحد
وبرغم من اننا من قبيله
ليه العدل
يموت غيله!!
عشان شي ماله...داعي
هذا ولد شيخ وهذا ولد راعي
وبرغم انا ابناء وطن
ااااّه يالحزن
تنبت حواجز
والحب عاجز
عشان هاذولا بدو
وعشان هذولا حضر
والله قهر
/////////////////////////////////////.......................//////////////////////////////////
تحياتي
الموضوع الاصلي
من روعة الكون
آخر 10 مشاركات
27-08-2007, 06:37
العرض العادي
