واللــه وصرت اكتبـ في مجلــة ..((من ابداعاتي)) <=- اضحكـ مع التخلفـ ..

بما ان الجو رايق واللمبه طافيه بالمقلط
فقد خمتني حالة اسمها ( متلازمة داون جونز للاسهم السعوديه ) وقعدت اتخيل اني كبرت وصار لي شنب وتحققت امنيتي ورحت للحلاق وقلت له / تكفى حلق شنبي كلاسيك
ومن زود خققاني مع نفسي بهالتخيل تخيلت اني صرت اكتب في مجله وصارت عندي زاوية واول ماطلبو مني ارسل لهم مقال انبطحت على بطني وجلست ارسم بيت كبير ولونته باللون البني وقعدت انتظر العيال يروحون لكارفور و يشترون الوان مائيه عشان ارسم شجره وألونها باللون الاخضر <-- قمة الطموح

المهم ماامداني اغمض عيوني الا وانا اتخيل اني كتبت الزاوية وارسلتها للمجله عشان كذا دحدرو تحت اقرأو زاويتي اللي كتبتها وانا مغمض

<-- سكر الباب حق الغرفه وحط المخده تحت الباب عشان مااحد يخرب عليه جوه



الله وناسة كبرت وصار لي زاوية في المجله وياليت ادارة المجله كما عودتنا تشتري مرايه كبيره وتحطها هنا عشان كل مامر احد من عند زاويتي يقعد يشخص <--اطلق حركه يطبقها السعودي ان مر جنب اي مرايه حتى لو بسوق الغنم

عشان اقهر صقيقي ( ابو سن ) اللي كان يعايرني ايام الدراسه ويقول : والله ماتستفيد منك الامه العربيه والاسلاميه بشيء خاصه انه كان المشهور عند شياب ديرتنا شهره غير طبيعيه لانهم كانو اذا راحو للرياض يأخذونه معهم عشان اذا اشترو علبة ببسي من أي بقاله يجيبون ( ابو سن ) ويخلونه يفك العلبه بضروسه
وكان هالشيء اللي يسويه هو سبب اعتزازه وافتخاره عند اقرانه ( اللي هم انا وعيال عمتي عبطا )

بس فاتكم اول ماقررو وعطوني هالزاوية وقالو نبيك تكتب معنا بالمجله رحت وعلمت امي اللي فرحت مررره وقعدت تجهز شنطة كبيره وحطت فيها انواع البطانيات يوم سألتها ليش تسوين هالحركه قالت / هماك بتروح للمجله وبيسكنونك بالزاوية حطيت لك هالاشياء كود تدفيك في هالبرد

اما اخوي الكبير اول مادرى قعد يناظر فيني من فوق لتحت ثم قال / ان ثوبك مسبل

مدري وش دخل الاسبال بذاك الوقت بس شكله كان يتابع قناة (اقرأ ) قبل ادخل عليه عشان كذا قبعني بهالجواب اللي خلاني افكر اتحجب وارفض ادوار الاغراء

وأخوي ( ابو خشم ) هذا اللي اعتبره تؤام روحي مع انه مرات يقهرني خاصه اذا شرى هامبورغر وماحسب حسابي معه يعنني احسبك تبي تنام خفيف
اول ماعلمته بهذا الخبر قعد يبكي بصوت عالي جيت وغطيته بالبطانيه وحطيت المخده في فمه عشان يسكت مدري وش اللي جاه ويوم هدأ شوي قعدت اسأله اقول / وش فيك ياوجه البومه ؟
جاوبني وبكل فهاوه وقال / كنت ابي افرح لك وماعرفت شلون يفرحون الناس وقعدت ابكي :sm201:

ادري بتستغربون ليش مايعرف يفرح بس زي ماقال الشاعر الجاهلي ( حمد المنتشري ) / اذا عرف السبب بطل العجب ..

والسبب اللي خلاه مايعرف يفرح هو انه نصراوي عشان كذا نسى طعم الفرح منذو مبطي وماقدر يعبر الا بذيك الحركه
وهالايام بديت بحمله واسعه وصرت ادور شباب هلاليين عشان يماشون اخوي ( ابو خشم ) ويعلمونه شلون يفرح مهوب يفضحنا لو بكرا صار راعي منصب في وزارة التخطيط والعماره ثم سافر بعثه في كندا شلون بيفرح عند اصدقائنا الكنديين <-- علقو يوزره تراه مندس :mo13:



المهم بما انها اول اطلاله لي معكم ( ركزو على اطلاله وربي انفع موجه اللغه العربيه في الشرق الاوسط ) احب ان انبهكم الى انني انسان تدرجت في مناصب عده منذو نعومة اظافري
يعني ماهنا فرق بيني وبين غازي القصيبي اللي مر على كل الوزارات لا وبعد فيه شي نتشابه فيه انا وصقيقي ( غازي ) وهو اننا كلنا / لو نحفر من الحين الى اسبوع قدام مافي امل يطلع لنا شنب :eh_s(15):



وبالنسبه للي بيستغلون موضوع ( الشنب ) فأحب انبم الى نقطة مهمه وهي ان / عبا(ث) ابراهيم وصل الى فوووق بأغانيه مع انه محروم من الشنب وغازي القصيبي صار وزير وعنده سيارات كشخه وهو ماعنده شنب خخخخخ يعني لاتستغربون لو بكرا شفتوني في التلفزيون جايبين معي لقاء وكاتبين في الشاشه لقاء خاص مع رجل الاعمال / عبيطوة في مزرعته الواقعه في ولاية شنغهاي ماساماسو <-- الا الظاهر بيستضيفونك بقناة المجد ويحطون الكاميرا على ظهرك ويكتبون : اعترافات مدمن :eh_s(15):

وفي ختام زاويتنا لهالعدد احب اذكركم /
اني انا وعيال حارتنا نستقبل تبرعاتكم على صندوق الددسن لاننا مانعترف في شي اسمه صندوق بريد ( بلاكم ماشفتو صناديق في حياتكم الا صندوق الددسن ) واذا ادارة المجله تبي تزود راتبي ترى ماعندي مانع بس ياليت تخلونه بالدولار عشان يمديني اكشخ قدام ( ابو سن ) واقول له / شفني تعرفت على بوش وعطاني الاوراق حقت مذكراته

ويلاا خلوني أعط لان شكل رئيس تحريرنا ناوي يفصل علي عداد الكهرب لانها يبي يقنن في مسألة فواتير الكهرب عشان يجيه شهادة شكر

وقبل ان اختم ياليت ترجعون سطرين بس وتناظرون في كلمة ( يقنن ) قسم بالله تعبت وانا اتهجاها وصرت اسوي بروفات عليها عشان انطقها صح والحمدلله قدرت احقق هالانجاز عشان كذا ياليت تراعون هالنقطه وتركزون عليها وعطوني مرئياتكم




مايستفاد من هالزاوية مايلي /
1_ لاتخلي لمبتكم طافيه على القايله ترى تجيك هواجيس :mo13:

وووووووووبس خلاص ..





محبكمـ عبط ..:mo13:

tatu2006@hotmail.com

الموضوع الاصلي  من روعة الكون