[[ الليــــالي الســرٍمديــه ]]

بسم الله الرحمن الرحيم



على ذكر الليال السرمدية والوفاء المنكوب= بديت ابحث عن اسباب الغياب وقلة الذمه

بديت انوخ ركاب الرحيل لثاري المطلوب= وراس (ن) ماعبر برّ الامان اولابه الجمه !

ابرحل واقهر ظروف الزمان 00وقسوة المكتوب = رحيل بلااا رجوع00 وفرقةٍ مابعدها لمه

ابطوي رحلة آمال السنين وحلمي المكذوب = وابطرد مابقالي من شتات الوقت والمه

مـلامح خوف تجتاح الشفق والشمس وقت غروب = وانا اسوق الدروب العوج لاوج ولايمه

مواجع ثار عجت بالضلوع ولالقيت دروب = توديني على حلم قتيل وجيت ابي دمه

تولم للرحيل ومابقى للراحلين ذهوب = ياقلب(ن)ٍ كل ماقلت الفراق يزيد به همه

تولم يلعن اسلااف القتيل وحسرت المغصوب = ورجل (ن) عاش خوفه وسط قلبه ( ينهدر دمه )

ترى للموت في عمر البنآدم وقته المحسوب = وترى ماتقصر اسباب المنايا عمر ماتمه !

انا نوب اتسلى بالقصيد اليا استضقت ونوب= يضيق الصدر والعن حظي المقرود وأذمه

انا ماقلت للعثرات درب وللنجاة دروب = انا اللي قلت للعليا رجال(ن) تعشق الهمه

ومدام ان الرجال اللي على وجهي ضعاف قلوب = اباصل لعنبو حلم(ن) قصر عن عالي القمه

وفيت وكان معدوم الوفاء يحسب وفاي عيوب= اجل وش عاد باقي للغدر دام الوفاء ذمه

تولم لليال السرمدية(( والوفي منكوب )) =ورجلٍ عاش خوفه وسط قلبه عاش مثل امه !!

الموضوع الاصلي  من روعة الكون