[[ مشــــــــــأوير الضيـــــــاع ]]

بسم الله الرحمن الرحيم


على الله يامشاوير الضياع وعثرة الاقدام=يعين الله على عوج الدروب وباقي ايامي!!
على الله كل ماشان الزمان !!وخانت الايام=على الله كل مااشوف الطريق يظيق قدامي
على الله كل ماصدري يظيق وخاطري ينظام=على الله.. كل ليله حزنها يعزف على انغامي
مقدر ياشقا عمري اسير برحلة الاعدام =واضم بداخلي نار الخفوق وجمرها حامي
حزين.. ولامعي غير الجرووح.. ولوعة الاعوام=على وجهي تقاسيم الضياع ..ونكبة اعوامي
حياتي كلها رحلة غموض .. ونقطة استفهام؟=طلاسم خطها كف الزمان.. لعثرة اقدامي
بقالي من مسافات السنين المقفيات حطام=بقايا امنيات.. وحسرتين "بسلة حطامي "
بقايا طفل رافقه الشقا من يوم عمره عام=تحدته الليالي والظروف وعاش منظامي
غرير ٍ لاكسا الكون الظلام.. اطفا السراج ونام=وصحى يحلم متى اكبر.. كبر ابوي.. وباقي اعمامي
عنيـــد.. ليا زعل شق الكتاب.. وكسر المرسام=وجلس يصرخ عبث .. وين الكتاب؟ووين مرسامي
شجاع ٍ ..!! مارضى يصبح ذليل ولارضى ينظام=رغم "كبر الظروف" وصغر سنه "موقفه سامي"
قدر يرسم بصفحة دفتره (قلب ) و (وطن) و (اعلام)=وكتب فوق العلم [عاش الوطن في ظـل حكامـي]
حفظ من ربك؟ الله لاسواه!! ودينك؟ الاسلام=ونبيك؟ هو رسول الله محمد خير الانامي
يمر العمر وتمر السنين برحله الآلآم=وجروحي تشرب اوجاع العذاب وخافقي ظامي
كبرت .. وكبر همي .. والجروح وكبرت الاحلام=وطموحي هو طموحي يازمن واوهامي اوهامي
نسف كف القدر رجم الطموح وبعثر الاوهاااام=وتلاشت مابقى غير القصيد .. وجرة اقلامي
وسلامتكم

الموضوع الاصلي  من روعة الكون