[[ سكـــر كنــــــــــــــــــافــهٍ ]]

بسم الله الرحمن الرحيم


يا زاكـي العرقيـن .. يـا أعـز منسـوب
يـا مرجـع أنسـاب الوفـا .. والنظـافـة
أزعلت من شانـك حكومـات .. وشعـوب
ولا لحقنـي مــن زعلـهـم .. حسـافـة
واللوم إبن عم الحسـد .. والحسـد ثـوب
لا طالـت كمـومـه .. تشـقـق كتـافـه
لوّامتي بك .. صاروا .. قـروب وقـروب
وإن زادوا .. أزيـد بهـواك .. المسـافـة
يعني عشاني متعـب .. قلـوب .. وقلـوب
تعلّقـي بـك .. صـار مثـل الخـرافـة؟؟
بس أنت غيـر .. وكـل مافيـك مرغـوب
والهـرج .. عقبـك بالصبايـا .. سخافـة
تحشم .. عن الرفلات .. والطفق .. والعوب
مخلـوق كامـل .. مـا يبيـلـك إضـافـة
طيب .. وابن ناس .. ومسامح .. وحبّـوب
وافـي .. طبيعـي .. ماتحـب الكـلافـة
أهيف حشا .. مغناج .. رقراق .. غرشوب
مزّاح .. سمـح قبـال .. مـا بـك لقافـة
ميّاس .. ليّن .. مورد خـدود .. رعبـوب
ثقل .. وعقل .. وأبعـاد فكـر .. وشفافـة
هرجك .. مسافة .. جمرة اشفاتك .. دروب
خلطـة عسـل دوعــن .. بسكركنـافـة
أما إنعطافـة خصـرك .. حكايةـبصـوب
يبغـي لهـا .. شـرح .. ودروس بكثافـة
ما أكذب لا قلت إنك .. مربرب .. ودبدوب
وما أكـذب لا قلـت إنـك زعيـم النحافـة
يا دوب .. أقاوم سحر عينيـك .. يـا دوب
ماني حمل .. خصـرك .. لا زاد إنعطافـه
اتركني أذنب .. في عيونـك .. ولا أتـوب
ذنبِِ .. ولا أحـلا منـه .. كـود أقترافـه
ذيك العيون .. اللـي بهـا بيـت مصبـوب
عيـن المهـا .. بيـن الجسـر والرصافـه
فيهـا آتذكـر مـا ورا معـتـق الـطـوب
وقلوبـنـا بـيـن الأمــن .. والمخـافـة
وصدري ..نزاعات .. وعداوات .. وحروب
وصدرك .. صراع الملك .. بعـد الخلافـة
والصمت سيّد .. والحكي عبـد مغصـوب
والــدم نــازل .. بالـعـروق بكثـافـة
والشوق جسم . وروح . طالب .. ومطلوب
واللـون .. بايـن بالوجيـه .. إنخطـافـه
باللحظـة هـذي .. ينعـدل كـل مقلـوب
وتقرب .. وأنا أقـرب .. منحنـي بالتفافـه
وأذوب .. وأنت تذوب .. وأذوب .. وتذوب
واذوب .. وتـذوب .. وذوبانـك .. آآآآفـه
إي والله آآفه .. تثمـل العقـل .. بإسلـوب
يعجـز خيـال .. أكبـر رمـوز الثقـافـة
ثمالـة .. بنشـوة صحـاوة .. بمـاجـوب
بعلـوم ظـفـرة .. بإنـشـراح بظـرافـة
يا كثر ما منّك .. ومـا فيـك .. والنّـوب؟؟
يبونـي أستـطـول .. علـيـك المسـافـة




اخـــوٍكــم..


شــأعر بـــلأ عنـــوٍان



ABD_2006_2008@HOTMAIL.COM





وســـلأمتكــم...



.

الموضوع الاصلي  من روعة الكون