لحظة ندم...

كتبت الشعر مو لجلك ولكن فاض بي بركان ..... اما انتي فلا تسوي قصيده في نظر عيني ...

حلفتي لي تصونين واذا صار الزمن خوان ... .. واول ماعثر حظي على دربك خذلتيني....

كسر رمح الزمن صدري وجيتك اشتكي حيران .... نزعتي الرمح من صدري وفي ظهري طعنتيني ...

خساره كيف حبيتك !! ؟؟ نعم والله انا ندمان .. غبي أدري نعم ادري مادام سكنتيني ...

ثلاث سنين من عمري وانا في لعبتك غرقان .... اشيل الشوك من دربك وجرحي كان يدميني ...

كنت ابكي اذا تبكي واكون لبسمتك فرحان .... وكنت اقرب من رموشك لعينك يوم تبغيني ..

عرفتك للاسف صحرا وحولتك الى بستان .... وشلتيني غصن اخضر وفي صخرك زرعتيني ....

حفرتك داخلي ظني تصوني عشرتي أزمان .. .. وكنت احفر قبر موتي على ساحل شراييني ..

على كف الشقا نامت جروحي والالم سهران .. يحطمني .. يبعثرني .. وفي صحراك يرميني ...

ولكن عزتي تفرض اكون بدنيتي سلطان ... وان ظنك اجي اركع لرجلك .. ماعرفتيني ...

انا ماعادتي اشحت من امثالك رضا واحسان .. اموت بعزتي ارحم ولا لك يغطيني ...

مادام الوفا عندك يدور له على عنوان .. بدور لي على قلب يصون الحب وسنين ....

ولو قلبي ذكر حبك بولع فيه نيران .. وبكسرها انا رجلي اذا صوبك توديني ...

ولو دار الزمن ضدك وجيتي تطلبي الغفران .. وجبتي الشمس في كفك لعندي .. مابتلقيني ..

تقول الناس في وصفك جميلة مثل عود البان .. وانك اجمل واحلى بشر مخلوق من طيني..

وانك غاليه واثمن من الياقوت والمرجان .. يقوم الكون من شانك وتقعد لك بلاديني ...

حسافــــــــــــــه غرهم شكلك وياما تخدع الالوان .. عموما .. قد بقت كلمه اخيره لك وسمعيني ..

أذا كنتي بنظر غيري مـــــــــــــــلاك .. في شكل انسان ..

قســــــــــم بالله ماتسوى قصيده في نظر عيني ...

الموضوع الاصلي  من روعة الكون