ثارت براكين الغضب والياس ومـوت الأمنيـات
واستجمعت عيني ألـم منظـر شتـات الأسئلـة
حاولت أجّسد صـورة الواقـع بأحـلام البنـات
كانن يتامـى وعمهـن أجبرهـن بخدمـة هلـه
أغلى الأماني عندهـن يـا رب عجّـل بالممـات
وكل السوالف بينهن دمعه .. وجرح .. ومكحله !!
وحاولت ألملم لو بعض جملة من حروف(ن) شتات
لقيـت نفسـي ألعـن الجملـه قبـل مـا اكمّلـه
يا شيخ كان هذي الحيـاة اللـي نسميهـا حيـاة
حـرام بالله الكريـم إن الحـيـاه ذي مهـزلـه
يا صاحبي يا صاحبي لا يا ولد عـذب الصفـات
جيتـك علامـات لتعجّـب فـي نهايـات أسئلـه
من علّم الدمعه تموت بعيني من تسـع سنـوات؟
ومن علّم الحزن المبيت بقلبي ولو ما استقبَلَـه ؟
ومن علّم الجفن السهر حتـى يُنـادى للصـلاة ؟
ومن علّم الحمل الثقيـل إنـي أشيلـه واحملـه ؟
ومن علّم لساني السكوت إليا ابتسم له مُعجبـات؟
ومن علّم النفس الأبيَّه الضحك بعـز المشكلـه ؟
ومن علّم الروح الكفاح والركض في كل الجهات ؟
ومن علّم القلب الصمود إليا ابتلى فـي مسألـه ؟
ومن علّم الحلم الرحيل على ضفاف الذكريـات ؟
ومن علّم القلب الجسـاره بالـدروب المذهلـه ؟
يا صاحبي هل من بعد هـذا سـؤال(ن) للحيـاة ؟
أو هل قلبي لـه أمـل يـدوّر علـى مستقبلـه ؟
لا تكون متوقّع أبيـأس مـن صمـودي والثبـات
أنـا أتوكّـل بالعزيـز اللـي يعـزّ مـن وكّلـه
كل العمـر اسمـه مراحـل والبقـا بالصالحـات
إليا رضى ربـي علـي أرضـى بأسـوأ مرحلـه
وانا لك الله شايف(ن) للعزّ فـي راسـي سمـات
والعزّ ما تفـرض عليـه السيطـره إلاّ تقتلـه !
ما تدري إن عزمي سما بعيون أرض المعجزات ؟!
وإنّي لو أجزع من ضيق .. أضيق لو ما أقبلـه !!
لو كنت أرى بنفسي مخاوف من دروب(ن) مهلكات
أرضى أكون التجربه .. ولااقبل بضرب الأمثله !!
أموت في حفظ الثقه ولو خانها نـاس(ن) ثقـات
ولو انجرح .. أزبـن علـى راس أبـوي أقبّلـه
والله لعيـش العمـر كلـه وليكـن كلـه شتـات
أصبـر ولا أرضـى بالتحطـم أو إثـارة بلبلـه
يا صاحبي يا صاحبي لا يا ولد عـذب الصفـات
لا يذهلك شوف الحزن مـا دام عينـك تجهلـه !!
أقسم قسم لو قلت لك عن ربـع مـوت الأمنيـات
والمقبره قلبي .. وعقلـي مـا تجـرأ يسألـه !!
إنـك لتعلـن هالحيـاة اللـي تسميهـا حـيـاة
اللي من أوّلها عذاب .. وآخرها ضيم ومهزلـه !!
للشاعر المبدع / موج الحزن
الموضوع الاصلي
من روعة الكون
آخر 10 مشاركات
31-08-2007, 02:32
نهايات أسئـــــلة ... لـــ موج الحزن
]
العرض العادي
