[[ الطمـــــوٍح ]] <_ للشاعر ضيدان بن قضعان

الطموح اللي سرت من نجد وامست بالحـــويه
ضيقت صدر الرياض وسافر الطايف وجاها
وانثنى غيم الحجازوخد نجد النرجســــــــيه
يوم جاته من زعلها كنه تقصر خطــــــــاها
زعلوها وزعلت واخلت قصور الفاخــــــــريه
والحقتني شرهة الزعلان واخطاني رضاها
سافرت والله ماخبر اللي يزعلها علـــــــــيه
واستباحت يالله الخيره سهر عيني وماهــا
ليتها يوم استباحت دمعة العين الشــــــــقيه
استباحت دم قلبي من خلاها في خلاهــــا
سامح الله ظلمها وطعونها الخضر الـــــنديه
والله يسامح خناجرها ويعفو عن خطاها
عرضتني للهبايب والظماء والمهـــــــــمهيه
وتركتني للزعل والشوق والكبر وغلاهــــا
الغلا ماهو في يديــــــها ولا في يــــــــديه
الغلا شي(ن) من الله واشهد ان الله عطاها
ومن غلاها لو توردني على حوض المـــــنيه
كنه تسقيني الشهيد المصفا من شـــــفاها
ومن حلاها ما توصفها الحروف الابجــــــديه
كيف توصف وردة(ن)يبري من العله شذاها
الورود تغار منها مــــــزهريه مـــــــزهريه
وان تباهت عذرها معها يحق لها تبـــــاها
ما يشابا شبيه ولا يحاليها حلـــــــــــــيه
جل رب (ن) يوم صورها فرقها عن سواها
ان قبلت هيجنت وان اقفت جذبة الســــامريه
وعذابي ان عطتني وجا والا قــــــفاها
ان بدا لي وجا يشبه صباح اليوســــــــفيه
وان غشتني نفحه من ليلها يسعد لي مساها
دره بالموت محروسه والبحر محــــــــــــميه
البحر من دونها والموت الاحمر من وراهــــا
دونها ماغليت واسمح لي ولا شداد المــــطيه
مرخص بالقاع عمري والثريا في ســـماها
لايمي يبلى بحب الحضر في عيون بــــــدويه
في ظروف ما يقارن مستواه بمــــــــستواها
الله اقوى يافقير القلب ابو نفس (ن) غنــــــيه
مالك الا الصبر والجنه لاقاها من لقــــــــــاها
والهوى اللي يطرح الرجال في يدين اجنـــــبيه
عله بالجوف لا تبرأ ولا يلقــــــــا دوهـــــــــــا
والهنوف اللي رضت بالثار تاخذها الحــــــميه
شفتها بالعين في قلبي وهي تاخذ اقضـــاها
وشفتها تشتاق تطعني بلا ذنب وخـــــــــــطيه
كثر ما تشتاق لاعماقي وانا اشتاق لــــدفها
كل ما عرقت بنسمها تحريت لخـــــــــــــــويه
والحقت الميسم بميسم كذا على عمــــــــــاها
عاقبتني كل يوم تلحق الكيه بكـــــــــــــــــيه
واتعبتني وادركتني والحقت نفسي مدهــــــا
وان تمادت جهزو قبري وانا ابكتب وصــــــيه
ابكتب الله لا يعاقبها ويرضا لـــي علاهـــــــا
الاعمار تلفها الايام والدنيا مــــديـــــــــــــــــــه
والســــــنين تلف بي والنار تحرق من وطاها
علموها تلحق الباقي مادام الشمس حـــــــيه
وتغانم ما بقى مني وما تطلــــــــــب فداها
لاتمادا في جفاها والرياح الموســــــــــــميه
ما تقدر وقفت الاشجار وتثمن عطـــــــــاها
علموها ما بقى لي غير ادن الهاشـــــــــميه
كان ترضاها على والا تهون من جفــــــاها
وانصحوها لا تحمل نفسها نفس بـــــــــريه
وذكروها بالقبر لعلها والا عســــــــــاها
وعلموها وعلموها لاتطول بالحـــــــــــــويه
ديرت(ن)ماهي بديرتها لو اعجبـــها هواها

الحويه هي منطقه قريبه من الطائف والطموح يعني الحرمه اذا زعلت على زوجها وراحت لبيت اهلها




منقوله.... قصيدة اعجبتني حيل لضيدان بن قضعان


وســـلأمتكم...

الموضوع الاصلي  من روعة الكون