دلعوا أخواتكم...........

من عمره راح يمشي أخواته بالمنتزه أو على البحر؟ أو راح يشتري لهم هدايا؟ أو قاعد يمزح مع أخته ويدلعها؟ أو يسمع منها هي تبغى شي منه أو بتقوله حاجة ؟أو .................
المهم أي شي يدلع فيها أخواته بالحلال وبما يرضي الله ويسمع منهم.

ياأخوان تدرون ليش أقول هذا الكلام؟
لأنه في يوم من الأيام اتصلت علي فتاه على الجوال واشغلتني ولاأرد عليها لأنه هذا الشي حرام ولاأرضاه لأهلي مثل ماأنتم ماترضونه لأهلكم حمانا الله وأياكم.
المهم وبعد محاولاتها المضنية أرسلت إلي رسالة تترجاني أني أرد عليها وتبغى شي مني ولا عاد تدق علي مرة ثانية .
رديت عليها وإاذا هي تجهش بالبكاء وقاعد تتكلم علي وتسخط أنت ماترد علي أنت ماتخاف الله .
رحمتها وكلمتها قلت لها أنت ايش تبين ؟قالت أنا ابغى واحد يسمعني ، أنا تعبانه نفسيا وشايله بصدري هموم الدنيا ، وأنا بصراحة اشتريت هذا الجهاز المستعمل ولا لقيت فيه إلا هذا الرقم ، وقلت هذا هواللي بيسمع مني.
سألتها طيب أهلك وينهم ؟
قالت أهلي لوكانو يعطوني وجه ماتصلت عليك.
كل ماجيت أكلم أبوي يقول لي ماني فاضي لك ، بعدين اهرجي ماني طايق سوالف الحريم.
وأخواني مع بعضهم لاهذا يسمع مني ولاهذا يتكلم معاي ، وكل مابغيت منهم حاجة قالو بعدين.
وأخواتي كلهم صغار مايفهمون اللي بأقوله ...
أنا عرفت أنها في هالوقت كانت محتاجة لشي اسمه[size=3] ( التنفيس الإنفعالي ) والمقصود أن عندها هموم في صدرها تبغى تفرغها لأي أحد يسمع لها..وبعدين بترتاح
قلت تكلمي لين مايطيح اللي براسك ثم قفلي الخط..قعدت تهرج وتتكلم لمدة ساعة تقريبا شي فهمته وشي مافهمته ، المهم ماخلصت كلامها إلا وإذا هي تطلق تنهيدة من صدرها وزفير قوي كأن لها سنين ماتكلمت.
قلت لها الحين انتهيت؟ قالت خلاص احس اني ارتحت والآن ابغى أنام .
قلت لها قبل لاتنامي صلي ركعتين وادعي ربك أنه يفرج همك ، واقرأي آيات من القرآن ولا عاد تتصلي علي...وحاولي تلقي رقم لقريباتك على شان تتكلمي معاهم[/size]....
وقفلت الخط وأنا مقهور من معاملة أهلها اللي هم إلى الآن متمسكين بعادات الجاهلية وكأنهم يعتبرون المرأة متاع، أو يحسبون أن البنت ماتحتاج للدلع والوناسة بما يرضي الله ، وكأن بعض الناس مايدري أن البنت إذا فقدت الحنان داخل البيت ، ستبحث عنه خارجا والعياذ بالله.

ولا أقول إلا رفقا بالقوارير ، ولنا في رسول الله أسوة حسنة
ودلعوا أخوااااااااتكم.....

الموضوع الاصلي  من روعة الكون