احتلال قلــ ب ــــ

احســ عابث ـــاس · #1 (**permalink**) 16-05-2007, 02:32

يابنت صـدق انـك بقلبـي خذيتـي
مكان ماغيرك وصـل لـه ولا جـاه
جيتي وفي عالـي سفوحـه وطيتـي
جيتي وخانوا جنـد واستسلـم رمـاه
في عالي حصون الخفـوق اعتليتـي
وانا بزعمـي ماحـدٍ يقـرب حمـاه
ماهـزه احـد مـن المـلا لا حييتـي
لوهـازه ذيـاب الهلالـي بشلـفـاه
وشلون لك دان وخضـع واستويتـي
للعرش والسلطه مع المـال والجـاه
لبستـي التـاج العظيـم ووليـتـي
قلبٍ ماحد يجـرا مـن النـاس يـالاه
وفرضتـي الجزيـه علـي وجبيتـي
ماتملكـه حواسـي الخمـس جبنـاه
وحكمك عليّه صـار سجنـي ببيتـي
ممنوع حتـى القلـب يدلـه بذكـراه
وممنوع لااتذكـر نفـوذي وصيتـي
وممنـوع مثلـي لايبيّـح بشـكـواه
وممنوع لا اجزع من خطاك ان خطيتي
غصـبٍ علـي اتقبّلـه واتحـلـواه
عن شوفتـي كـل الخلايـق حديتـي
وانا حديتينـي علـى غيـر مشهـاه
لكن بلحظـة طيـش منّـك نسيتـي
نسيتي اني حـرْ مـن حـرْ مجنـاه
ماصبر على الجفـوه لمنّـك جفيتـي
والظلم والـزلات والجـور مارضـاه
لي نفـس لاهنتـي بقـت مابقيتـي
دام احتـلال القلـب يستنـزف دمـاه
يانفـس قلبـي لـو تعـب لاقويتـي
الوقـت والايـام تكفـل لــي دواه
خلاص كل شـي انتهـى وانتهيتـي
وزمـام قلبـي باليميـن استلمـنـاه
مسحتـك مـن الذاكـره واختفيـتـي
ملـف معطـوب وثقيـل وحذفـنـاه
تلقيـن لعـاب الخـنـا والخبيـتـي
اللـي بمزمـاره يـلالـي مــلالاه
معه اطربـي غنـي وغيبـي وبيتـي
لعـل تلقيـن الونـاسـات وايــاه
ماهـي غريبـه لاهتنـا واهتنيـتـي
طير ولقاله من بنـي جنسـه اشبـاه
طيري معـه \ لعـل ماكـان جيتـي
ماني بقيـس ولانتـي لقيـس ليـلاه
وانـا عـزاي انـك معـي ماوفيتـي
(ومن باعنا برخيص ببـلاش بعنـاه)
لامطفي ٍ شمعـي ولااحرقـت زيتـي
واللي علي مكتـوب باللـوح بالقـاه

منقوول

الموضوع الاصلي من روعة الكون

لحــ المفارق ـن · 16-05-2007, 04:37

احســ عابث ـــاس · 18-05-2007, 04:19

zeanalabden · 20-05-2007, 08:53

بـــــدر · 20-05-2007, 09:00

احســ عابث ـــاس · 21-05-2007, 07:22

احســ عابث ـــاس · 21-05-2007, 07:24

!! روعتي بكلمتي!! · 22-05-2007, 10:44

احســ عابث ـــاس · 23-05-2007, 11:39

معانده الجروح · 23-06-2007, 09:27

احتلال قلــ ب ــــ

مــنــتــدى هــمــس الــقــوافــي