(( وحـــيدة ))

المشاركة الأصلية كتبت بواسطة الامير النايف

مساء الخير

هذه ثاني قصيده لي انزلها في منتداكم الشامخ

اتمنا ان تنال شئ من اعجابكم

لصار ما تلقي هل الطيب بالطيب = باكر مع الايام تصبح وحيده
مليت من شوف الصور والمكاتيب = ومليت لاماها وهيه عنيده
احبها حب(ن) منزه عن العيب = حب(ن) خطاياها بعيني تزيده
حب(ن) يهيب شيخ ما عمره يهيب =لا والله الاهاب لوهو وليده
انثى وتخطي بعض الاحيان وتصيب= وبعد الخطأ تجي بعذر البليده
فحضورها الباهت عذرها لو تغيب = وبغيابها كل شئ باهت اعيده
الطيف ضيف(ن ) له عيوني معازيب=والعين شيخه مارضت بالنقيده
تموت ما مترخص في دمع المغاليب = وباليوم تصلب الف دمعه جديده
والشيخ كل ما غثرب (ن) المشاريب =اعلن عن العد المغثرب شديده
ولو هي تقابل راعي الطيب بالطيب = ما كان خلتها الليالي وحيده
ولو كان قلبي يعلم السر والغيب = ما جير شيوك الغلا في رصيده

وسلامتكم....