جاني وانا في وسط ربعي وناسي " "
جاني نشلني مثل ما ينشل النـــاس
مني نشل روح تشيل المآســـــــي " "
تشكي من ايام الشقى تشكي اليـاس
اثر الالم في سكره المـــوت قاسي " "
ماهالني مثله وانا انسان حـــساس
جابوا كفن ابيض مقاسه مقاســــي " "
ولفوا به الجسم المحنط مع الـراس
وشالوني اربع بالنعش ومتواســي " "
عليه ومغطى على جسمي البـــاس
وصلوا علي وكلــــــهم في مــآسي " "
ربعي ومعهم ناس من كل الاجناس
ياكيف سوا عقبنا تاج راســــــــي " "
وامي الحبيبه وش سوى بها الياس
اسمع صدى صوت يهز الرواسي " "
قولو لها لاتلطــــلــم الخــد يانـــــاس
قولولها حق وتجرعت كاســـــــي " "
لاتحترق كل يبي يجرع الكـــــاس
اصبحت في قبري ولابه مواسي " "
واسمع قريع نعولهم يوم تـــــنداس
من يوم قــــــفوا حل موثق لباسي " "
وعلى رد الروح صوت بالاجراس
هـيكل غريب وقال ليه التــناسي " "
صوته رهيب وخلفه اثنين حـــراس
وقف وقال ان كنــت يانـمر نـاسي " "
هاذي هي اعمالك تقدم بكــــــراس
ومن هول ماشفته وقف شعر راسـي " "
وانهارت اعصابي ولاارد الانـفاس
يالـيتــني فكرت قبل انغمـاســي " "
بالـغفله اللي منتـهاها لــلافلاس
وفزيت من نومي على صوت ناسـي " "
واصرخ واقول الموت وأحذر الناس
الشي المحزن
ان قائل القصيدة توفي في حادث مروري بعد يومين
(رحمه الله وأموات المسلمين )
اللهم ارحمنا برحمتك يا أرحم الراحمين
الموضوع الاصلي
من روعة الكون
آخر 10 مشاركات
05-09-2007, 02:38
وفزيت من نومي على صوت ناسـي !!!!!!
العرض العادي
