انواع الشباب ومقالبهم ه

لئيتوا هادا اعجبني ئلت اخليكم تقرأو

لمهم نبدابي عشاق الكوووره

ا(1) :: يا خووي احلى شي عاد الهلال يتصدر الدوري
(2) :: ايه والله .. شفت قول رونالدينو عاد شق المرمى شق فديته هالريال
(3) ::رووووح ياشيخ .. بجييكم الشبح المدريدي بيشوت هالعيال
(1) :: روح روح .. مدريدك ذيله الحمدلله فازو على الدرجه الثانيه

وتقوم المضرابة والتكفيخ .. وتلقى واحد منهم مسدوح عـ الارض
والثاني معلق على الباب

المغازلجـيـه:
(1) :: اااخ يا الحبيب شفتهاا .. هذي الي قاعدة ورى السواق
(2) :: تقصد هذي ام العباة فيها ستين فراشه ؟!
(1) :: لااا ياالخبل .. اللي عباتها الخفاش ..
(2) :: ايه هذي كشخه بس يقولون ماتعطي وجة
(1) :: ما عليك منها .. بتطيح بتطيح ..

عاد الاخو ايجيب تاريخ اهلها واجدادها على اساس ان انا عارفها ترى !


عشاق الكتب ( ما يشيل راسه من الكتاب ساعه )
(1) ( قاعد يراجع اخر درس من الماده )
(2) :: وين وصلت ؟!
(1) :: رقم 6 بس ماني فاهمها .. تشرحها لي ؟!
(2) :: اوكي ..

ويشرحون لبعض ويدور الباص ويدور وينزلون الطلبه كلهم وهم للحين في الباص .. لين يجيهم السواق ويقولهم يلاااا فكوني بروح بيتنا


شباب على غير العاده " هاذيله في حالهم"
(1) :: هلا شلونك ؟!
(2) :: بخير الله يسلمك شلونك انت ؟!
(1) :: الحمدلله بخير يعافيك

انتهت المحادثه .. واحد يطالع راسه من الشباك والثاني سرحان والا ينام.


عشاق الورق و الاونو
(1) :: العـــــب خلك مركز ياالخبل
(2) :: عشان اتجيك الاكـلـه العدلـه
(1) :: يا عمـــي .. بنشوف ترى الجوكـر جايك جايك
(3) :: العب العب حبيبي يقولك جوكر ما عليك منه زين

والصراخ ينسمع للشارع .. و لاكان احد جنبهم .. احيانا الكل ينزل الا هم يبقون بالباص


عشاق الاغانـي والطقطقه
(1) :: يا مونيتي يا سناااا خاطــــررري وانا احبك يا سلام
(2) :: ياهووو .. هلا هلا روووح ررروح
(1) :: ليه الجفااا .. ليه تهجرنــي وانااااا وانا وانا احبك ..
(3) & (4) :: احببببك .. احبببببك يا سلاااااام حبيبي انتـه روووح

مساكين ذيله .. تلقاهمـ يفكرون يغنون في عرس .. ويوم فكروا و راحو شاتوهم بالنعل(الله يكرمكم)؟

فئة الموضـه

(1) :: شفت وائل كفوري شمسوي والله عجيييب شعره مالي الا اروح الحلاق يسوونه لي صاير مو شي
(2) :: لالا ما عجبني احلى شي قصة عمرو دياب بس ناقصه صبغه اشقر على الشعر الناقز الي على الجنب cooooooool

مساكين .. اخرة هالقصات بيسوون تسريحة المطربة صباح !


فئة ياي
(1) دايس على رجل الثاني ب غير قصد
(2) :: آآآي يعوورني
(1) :: اوه سوري عورتك مره ؟!
(2) :: لا لا خلاص حبيبي
(1) :: لا صحيح عورتك ؟ اسف يا قلبي ما كان قصدي اجرح مشاعرك < ااااه ياليت عندنا من هالفئة الرقيقة )
لوتقول شوي ومن زود الرقة بيقعد يبكي وخوية يساندة عشان الفجعه

الموضوع الاصلي  من روعة الكون