عرس بغداد

عراقيه وافتخر · #1 (**permalink**) 06-09-2007, 04:19

السلام عليكم
قريت هاي القصيدة الرائعة للشاعر المبدع ميثاق الهلالي فحبيت انقلها الكم مع اعتزازي

عرس بغـــــــــــداد

رضينه الإحتلال بحجة التحرير
وشعلنه شموعنه وبغداد شعلوها

أنهضمنه..ومارضينه الإحتلال يفوت
وفوگ المارضينه السرف مشوها

دعوني البارحة بحفلة عرس بغداد
دموع من الوطن للوطن دفعوها

وطن عّريس وعزوبية أمريكان
وبطايق زفته بالهمر ودوها

وگعدت لوحدي بشارع يصيح الغوث
وجه وبگصته اللچمات طبعوها

وجابو وأجت بس اشأجت بغداد
حته عيون من اللطم شلعوها

أجت بدلة عرسها البيضه دم و نار
النذال من الصدر للچعب شگوها

وبدل شدة ورد جابت بدي دموع
ومن من ايد من الشعر جروها

ماچن بعرس چن بحفل تشييع
عالدبابه تمشي الحلوه جابوها

شفقات وخوذ من كل فصيله ولون
تنطيهم زلم وگبور ينطوها

فضوا چم بكاره بساحة التحرير
وقضية ساحة التحرير فضوها

وأجه العريّس محني وعمره ست آلاف
چي تنزف حضاره عيونه شدوها

گعد مكسور خاطر والظهر مكسور
من شاف العلم ساريته كسروها

يعاين عالحفل شو كل غربه الناس!
أجت وادم غرب والعرف طشوها

بس بغداد أجته وعرفته من بعيد
حضن وحضنته والدنيه بچوها

وحجتله شلون شعلوا بالمخيم نار
من سلبوا خدر وصاحوا أخذوها

شلون مسلبه يودون لتكساس
بس مو عالهزل عالدرع ودوها

شلون مچتفه وشلون عد أيتام
شلون الحسره تطلع من يشتموها

لطم وج العراق وصاح ياكرار
وينك ياعلي بغداد باگوها

ونزفت عينه دم ومن بچه شافوه
باصابع من رصاص عيونه طفوها

وخذوه جثه وبقت بغداد بس تصيح
مبارك بس حلقته وياي خلوها

وجابوا حلقه بس مو ذهب من حبال
صعدوا عالمنصه وبي شنقوها
صعدوا عالمنصه وبي شنقوها

الموضوع الاصلي من روعة الكون

.-\الـنـوفـي/-. · 06-09-2007, 04:43

عراقيه وافتخر · 06-09-2007, 04:58

ابراهيم المرشدي · 06-09-2007, 06:28

عراقيه وافتخر · 06-09-2007, 08:22

سعد الحب · 06-09-2007, 11:17

عراقيه وافتخر · 07-09-2007, 07:37

سرور الحياة · 15-09-2007, 06:04

عرس بغداد

مــنــتــدى الــخــواطــر و الــنــثــر