روووح

بسالك كيف انتقابل دامنا ليـل ونهـار =لوتقابلنا تمـوت النـاس وتقـوم القيامـه
كيف واحنا بالتناقض قلب ثلج وقلب نار =قلب ماعنده هيام وقلب ميت مـن هيامـه
الوقت اللي جمعنا عاد واللي صار صار =ماعلى قلبي ملام والاعلى قلبـك ملامـه
لاكن اسف واقبل مني رسالـه اعتـذار =ظرف حب وفيه ورده وبين طياته حمامه
عله اخر مايكون من الوله والانتظـار =وعل مايبقى تحت جفني من الفرقا علامه
دام ماللحب عندك اي قيمـه واعتبـار =ليش عذبت خفوقـي واستغليـت غرامـه
ليش ماكنت معي للحب في نفس المسار =قبل اعيش ايام موت القلب والام انقسامـه
من عرفتك والاماني طايره والنوم طار =منطوي والبال يشرب وحشه الليل وظلامه
اعترفلك كنت احبك حب حد الانتحـار =كنت احس بضعف قلبي لاسمعتك وانهزامه
لين شفت ان الفراق احيان مامنه فـرار =قلت افارقه واموت ولا اعيش بلا كرامـه
والا انا والله قبلك ماعرفـت الانهيـار =لين شفت بموق عيني ناردمعه وابتسامـه
لو خذلت الحب قبلي واعتبرته انتصار =ماخذلت راسي اللي ماخضع للوقت هامـه
بالغلا ماعاد يجمع بيننـا درب ومـدار =كوكبين وكل كوكب له مدار ولـه نظامـه
اخذ اخر مابقالك في شفاهي باختصـار ="روووح"بحفظ الكريم وغادر مع السلامـه
وان خذتني غربة الفرقا لمستشفى شهار =قلت عاشق طار عقله ماتراجع عن كلامه
يوم شاف الليل لايمكن يقابلـه النهـار =قال روح والوعد يافـلان بيـوم القيامـه

__________________

الموضوع الاصلي  من روعة الكون