لعنبو جد المفارق فيه هم وفيه ذله !!

والله اني كنت الوم اللي يضيق إن غاب خله

لين جربت المحبه والفراق وقلت توبه

لعنبو جد المفارق فيه هم وفيه ذله

واثر كل الحب لذه .. والفراق اكبر عيوبه

امس فارقت الغلا ومفارق الخلان عله

والعلاج الوصل لا تبلشنا طبيب ولا حبوبه

الزعل هو سبه الفرقاء يهز الحب كله

ليتني طولت بالي قبل لا يعلن غروبه

واهني اللي وسيع الصدر صدره وسع فله

غلطه الصاحب تجي وترووح ماهيب محسوبه

سامح الله طبعي اللي للتغير يالعله

قاضبن خلك عزيز لين صارت لي عقوبه

ليش تحسب غلطه الصاحب على الصاحب مذله

ليش ما تحسب ميانه لو تجي تسعين نوبه

لا وربي كنت احبه حيل مادورت زله

لا تشكك في غلاه ولا تساعد في هروبه

لايمي قبلك تعبت الوم شعار المجله

وكن مؤمن في مقوله اعذب الشعر الكذوبه

واثر كلن في حياته له تجارب مستقله

وانت لا تشره على مثلي وتبلابك بحوبه

كان جابتك الحمياء روح له تكفى وقله

لا يخليني وإذا وده يخفف من ذنوبه

يستخير وله غلا قلب صدووق مايمله

فدوه له كل قلبي من شماله لي جنوبه

يوم قفى..والخفوق يفوح عقبه فوح دله

وصط وقدة واحد وسط الشتاء والسهر دوبه

لا تقهوا من بارده من برد فنجاله وزله

ثم قربها على جال الجمر وارها شبوبه

وين يقدع هالخفووق وكل مايدلا يتله

طاري اللي ياكثر ما تعبت رجلي في دروبه

لا طرى جريت ونه من بلاده مستحله

مثل ماراحت بلادي مع شعارات العروبه

كل هاجوس(ن) يجيبه جعل شعري فدوة له

وا عذابي كل ماجابت لي القبله هبوبه

مشغل قلبي بحبه دون خلق الله من الله

هيه ياللي ممتلكني حسن واسلوب وعذوبه

ما سمعت إن الخوي له بالخوي تسعين زله

وانت طوف زلتي ياعل تفداك اللعوبه

صاحبي سيف الهجر لا سرت تقدر لا تسله

ما تضن إن العفو عند المقدره اكبر عقوبه

إيه انا اللي كنت اللوم اللي يضيق إن غاب خله

بــــــــــــــس جربت المحبه والفراق وقلت تووووووووبه





:icon_mn:



اللله لا يحرمني من ردودكم


ولا من الزيارات


ولكم خالص الامنيات..

الموضوع الاصلي  من روعة الكون