قصه خياليه

السلام عليكم ورحمة الله وبركاته


كيفكم وعساكم كول اها دوم ان شاء الله يارب

المشكله اللى اتورط فيها دايم ما اعرف اسنع المقدمه
ما عندى غير هذره وكلام كثير والزبده ما فيه والترتيب ما اعرف له
بس حافظ السلام وكيف الحال << راسب في مادة التعبير دايم لا واحتكار محد يرسب غيري

صح حاولت اسرق مقدمه شي
حتى الارشيف دشيت ما لقيت شي مناسب <<< ذوق يعنى انت وجهك وتقول

يله اعتبروها مقدمه الكلام اللى راح ه عسي حلوه

القصه تقول

صح سالفة حصريا انا اول مره اكتبها في النت بشكل عام
ما اعرف يمكن احد سمعها او قراها من مكان ثانى ويمكن احد كتبها غيري
بس الزبده انه حكتها لى جدتى طول الله عمرها
تعرفون لازم نتدلع عليها شوي ونخليها تقول حتوته
بس الله يسامحهم ما يقولوا لنا حتاحيت<<< يقولوا افلام رعب

اول كم واحد منكم عنده جده او جد ارفع يدك انت وياه

اها عدد لا باس به بس ليش مو منزلين من حكايتهم لكم شي لنا
<<< طيب طيب


اتوقع عافت انفسكم من القصه خلاص ما تبونها ايه تبونها طيب اسمعوا


تقول جدتى الله يحفظها <<< تبون اعلمكم اسمها عشان تركزون

خلاص ما يحتاج

المهم انه زى ما خبرتنى وقالت لازم احفظ لها حقوقها ها انا حفظتها

صح السالفه تتكلم عن الخيال الماضي ممكن واحد ما يفهم الكلام ولاشي
انا سويت لها تطوير وتحديث لزمن جيلنا عشان تستوعب قد الامكان

يله اتركم مع السالفه مو قصه << ضحكت عليكم


بسم الله الرحمن الرحيم

واحد كان يتيم الاب وبعد ما مات ابوه امه انتقلت تعيش مع اخوانها
المهم هو عاش من هو صغير مع امه وربته امهم اكيد كان كل الوقت
حنان وحب وتدليع تعرفون الحريم ما يحتاج المهم بعد ما كبر شوي
الولد وصار شباب نقول صار عمره 20سنه << من عندى العمر مو جدوه
قام يجلس مع خواله اخوان امه طبعا قديم ما كان الناس يتجمعون
ويشوفوا بعض الا في الليل حتى الاخوان لانه كان الامن معدوم << اللحين خيال ذا صدق دب
المهم الولد صار يجلس مع اخواله في الليل وكان يتسمع في سوالفهم فقط
ما يسولف ولا يقول شي.وكل يوم يجي يجلس معاهم يسمعهم من اول
ما يتجمعوا يسالون بعض . يقولوا لبعض هاه يولد هات السالفه
وش السالفه = وين رحت وين جيت وشو سويت اليوم ومنه قابلت...الخ

وكل يوم على ذا الحال المسكين مقهور محد يقول له هات السالفه
لانهم عارفينه طول اليوم جالس فى البيت لا يروح ولا يجي
المهم ذا الليله وهو يتسمع سوالفهم الحبيب قعد يفكر ويقول لنفسه
ليش ما اروح اجيب سالفه عشان يقولوا لى هات السالفه كل يوم
واصير زيهم واسولف ويحسون بوجودى<<< ما شاء الله طموحات الولد

المهم بعد التفكير خلصت السمره والكل راح ونام واخونا ذا قبل
النوم قعد يتقلب شوي يفكر يروح او لا <<< كانك معاه انت وجهك يالدب
المهم قرر انه يروح بكره يجيب سالفه الاخوء وقراء الدعاء ونام<<

صحى الصباح الحبيب طبعا قديم الكلام في الجاهليه ما فيه لا صلاه ولافيه
شور ولا شي قوم وتثاوب وانت تمشي << قبل شوي كان دعاء ومدري شنوه
يله عاد لا تتدققون هذا خيال جدوه الواسع يصير فيه كل شي فديت البها
المهم بعد ما صحى راح حب راس امه لاول مره في التاريخ << مراقبهم الاخ
طبعا الماما عرفت انه البوسه ذي وراها تلب قالت اتلب ياسيدي
تبي اعتيك عيونى تامر امر قالها لا تثلم لك عيونت يامامتى العذيذه
بث لى تلب ثغيرون<<< اقول بطل دلع وهات السالفه عدل
مو بكيفي لانه جدتى كان تتدلع لما وصلت هنا وهى تحكى السالفه
قلت يمكن فيه سر او شي حرام اخبيه عليكم تعرفون اعزك مقدر اخبي
المهم قال طلبتك تخلينى اليوم اروح اجيب سالفه زى خوالى صدق تهور
قالت له ياولد انا ما عندى ولد غيرك وانت تعرف انى احتاجك
واطلب كل شي انا بجيبه لك هنا المهم لا تطلب تكون بعيد عنى
قال افا يا اغلى ام فى والعالم والمجره << شو عرفه في الكون مو
بنحكى عن الجاهليه نحنا
كم مره قلت لا تدققون اللى ما عجبه يطلع بري هذى سياسيت التحديث خخخ
قالها افا بس انى ما بغيب السالفه بيجيبها اليوم واجى عشان اقولها
لـ خوالى ع المساء قالت ودعتك الله ياظنايه << مو لاقي لها تطوير
قالت له على الاخطار وعن اللى ممكن يواج وعطته فكره سريعه عن
الحياه خارج البيت الصرح العائلى <<<
وعطته شياء من الدقيق والماء وقليلا من التمر الصالح للتناول<< بطل
المهم توكل الحبيب بعد ما دعن له امه وراح وطول اليوم كان يمشي
وما حصل سالفه هع هع هع.
لما جا المغرب وقبل ان يدنى الليل خيوطه المتبعثره على هذه الارض
طفشتوا صح كل شوي لهجه ولغه ومدري شنوه<<< هو المطلوب انكم تطفشون

يله نكمل بعد التوقف قليلا

شكرا اختى كويتيه ع المساعده << الكل يسال هنا هع هع هع اعرف حب
الاستطلاع من اختراعات هذا الزمان والفضول يقتل الانسان احيانا

سالفه جوة سالفه ه طولوا بالكم شوي بس
السالفه انرسل الموضوع قبل لا اكمل وهى ساعدتنى وطشته قصدتى صار بح

شتبون بالسالف اسمعوا القصه افضل

اعتبروه فاصل اعلانى سموه تشكرات

المهم عند الغروب الاخ شافله شجره كبيره بدون اغصان << حاله من الاغصان عندى تعرفون انتم

قال بروح تحت الشجره ذيك انام وابدا بكره من هنا ادور سالفه <<الا يجيب

بعد ما جلس وشب النار الحبيب عشان يحضر الاكل عاد وصلت مره عدم التطوير
طبعا ما اعرف كيف يسوون الخبز قديما لانى ما عشت معاهم
بس لا تخافوا حافظ كلام جدوه انا بقوله لكم وانتم افهومه << شاطر
بسمع كلام الجده العزيزه
بعد ما ولع النار ياوليدي << انا وليدها فديتها بس
وصارت جمر حط الخبز فيه طبعا قديم بح ادوات مساعده تعرفونها الادوات مو قابل
بعد ما حط الخبز جلس شوي على اساس ينتظره يجهز ويقوم بتناوله
سلم الله حالكم الا الولد يسمع اصوات قام واقف ويناظر الا ذاك الاسد
كذب مو اسد امزح بس عشان تروحون بخيالكم بعيد عن السالفه

نكمل فيوم ثانى وش رايكم انا تعبت << افا يله استحمولوا شوي بحاول ارجع اكمل في الليل بس توها تبدا الاثاره في القصه

الموضوع الاصلي  من روعة الكون