عنونهأ انتم

الــــــٍسلأام عليكم
هذي اول مشأركه لي وانشألله تعجبكم
:mo13:

تعالـي غربلـي قلـب ٍ تبعثـر داخــل آهـاتـك


تحمّـل كـل شــيّ الاّ ثـوانـي غيبـتـك عـنّـي



تعالـي ناظـري عيـن ٍ بكـت باحسـاس عبراتـك


تـذلّ لْعينـك عـيـون ٍ تمـنّـى نـظـرة ٍ مـنّـي


تـرى محـد ٍ بهـا الدنيـا تحمّـل هـمّ ويـلاتـك


ولكنّـي أنـا اتحـمّـل ولا اتمـنّـن ب( لكـنّـي )


أنـا رجّـال بـك هايـم أحـب تـراب خطواتـك


كثـر مـا احبـك انقهـرن بنـات النـاس وعافنّـي


أحبـك كثـر مـا إنتـي كرهتـي كثـرة شتـاتـك


كثـر مـا انتـي مواويـل التعاسـة صرتـي تْغنّـي


أحبك كثر ما قلتـي : ( أحبـك مـوت ) بسكاتـك


أحبـك كثـر مـا ودّك أصـيـر بـيـوم متهـنّـي


أحبك كثر مـا ( غابـت ) عـن الأنظـار بسماتـك


أحبك كثر ما ( صابـت ) خفوقـي هْمـوم تطعنّـي


أحبك كثر ما ( غار الشهـد ) مـن حالـي شْفاتـك


أحبـك كثـر مـا ( زار النكـد ) قلبـي ويسكـنّـي


أحبك كثر ما ( نلتـي ) بْحـلاك اسمـى علاماتـك


أحبك كثر مـا ( قلتـي ) : هُمومـي ليـه يتلنّـي ؟


أحبك كثر مـا ( حظـك ) نسـاك بيـوم أو فاتـك


أحبك كثر ما ( خظـك ) خبـر عنـي وصـل منّـي


أنا اكثر شخص بالدنيا يـذوق الويـل ( وحْياتـك )


حياتـي كلهـا صـارت مجـرّد شخـص متمـنّـي


حسافة ما تحقـق لـي عـدا انّـي أصبـح مْناتـك


قهـر واكبـر قهـر إنّ الأمانـي خيّـبـت ظـنّـي


تمنّيـت انّـي آشوفـك ألاعـب زيـن خصـلاتـك


أبعّدهـا .. واقرّبهـا .. واخرّبـهـا أنــا بسـنّـي


تقولين بدلـع : شعْراتـي احسـن ولاّ شعْراتـك ؟


أقـول : ان كانهـا أحسـن .. لعنْهـا الله ويلعـنّـي


تقولي لي : ترى أزعل ! أقول اشري أنـا رضاتـك


أبيـع الكـون لجـل انتـي تكونـي راضيـة عنّـي


تقولين استحـي منّـك .. أضيـع بعـذب كلماتـك


ألا يـا لعنبـو حـيّـك تــرى همـسـك يجنّـنّـي


دخيلـك إرفـق بقلـب ٍ تولّـع فـي جمـر ذاتـك


كثر ما صرت اهذري بك حـروف الحـب ملّنّـي !!


قسـم بالله لـو تبعـد تـرى تنـدم علـى سْواتـك


أقوم ادعي إلـه الكـون لا مـن مـت .. تدفنّـي !!


أنا مابـي أشـوف النـاس لـو عافتنـي نظراتـك


ترى نظرات مـن حولـي قهـر واحـزان تطعنّـي


تمنيـت انـي آضمـك أبسمـع عــذب ونّـاتـك


أبي فـي صـدرك الطاهـر ثوانـي الحـظ يرمنّـي


( أبلعب ) في ربى نحرك .. أبرقى فـوق لشْفاتـك


أبــي أسـتـدرج اللـولـو واخلّيـهـن يعظّـنّـي


( أبشرب ) من شهد ثغرك .. واناظر كيف ميلاتـك


أبـي مـع كـل ميلاتـك عيونـك مــا يشوفـنّـي


( أبقلب ) لونك لأزرق .. واحـسّ برجـف ديّاتـك


أببعـد عنْـك وانفاسـك أبيـهـا تقـتـرب مـنّـي


( أبكتب ) في ( حبر ) رمشك نهاية ( بحر ) مأساتك


أببـدى فرحـة سنيـن ٍ مـحـال بـيـوم ينهـنّـي


قبـل عاميـن انـا شفتـك .. سجنتينـي بنظراتـك


ولـيـن الحـيـن بعيـونـك ولا بيـهـن يخلّـنّـي


أبد ما نْسى غضب زولك .. أبد ما نْسى اندفاعاتـك


سمعـت خْطـاك تتخايـل : بنـات ومـا يهمّنّـي !


أنـا مـن كثـر إعجابـي بغيـت آكلّـم اخـواتـك


قهر وشلون ( حورية ) تجـي وتكلّـم ( الجنّـي ) !!


قهر وشلون انـا ووجهـي أبوقـف مثـل وقفاتـك


أنا اللي وجهي ( الأشهب ) أجـي وآكلمـك عنّـي !


ترى عيـب ٍ علـى عينـي تناظـر مثـل طلاّتـك


أناظر أبيض ٍ ناصع وانا ( حنطي ) على ( بنّـي ) !!


أنـا كنّـي ( بدائـي ) تـاه كيـف تْـدور آلاتــك


أخاف ابْعد أنا افقدهـا .. واخـاف اقْـرب يضرّنّـي


بعـد جلسـة أنـا وقلـبـي تباعـدنـا مسافـاتـك


نبـي كـلّ ٍ علـى قـدره يـروح اليـوم متعـنّـي


عقـب هـذا القـرار الصعـب شدّتنـي الْتفاتاتـك


أحـس عيونـك النجـلا ( بعـد عمـري ) ينادنّـي


وقفت اسأل خفوقي : يا خفوقـي فرصـة وْجاتـك


تبينا نْروح ؟ قال : اسرع تـرى النظـرات صابنّـي


مشيـت ومـا منعنـي عنْـك لوحاتـك واشاراتـك


حواجز من بشـر حولـك رفضْـت بْحـزم يْردّنّـي


وصلت وقلـت : لعيونـك , وممنونـك , وهيباتـك


أنـا داخـل علـى الله ثـمْ علـى عْيونـك يراعنّـي


مشيتـي مـا تكلمتـي .. مسكْـت بْلطـف ديّاتـك


أنـا داخـل علـى الله ثـمْ علـى يْدينـك يطقّـنّـي


مشيتي مـا تكلمتـي .. وقفْـت بْـدرب خطواتـك


أنا داخـل علـى الله ثـمْ علـى رجولـك يدوسنّـي


مشيتـي مـا تكلمتـي .. طلبـت اسمـع عباراتـك


أنـا داخـل علـى الله ثـمْ علـى حْروفـك يسبّنّـي


عطيتينـي الأمـان اللـي وصلـنـي بابتسامـاتـك


نطقتي ما سمعتك زين قلتي : ( إن.. تلي.. منّـي ) !


أنا ( مْفَهّي ) ولا أدري وش اللـي وسْـط كلماتـك


أثاريهـا ( انتظـر منّـي تليفـون ) وْضحَـك سنّـي


وصلت البيـت متلخبـط .. ذكـرت عْلـوّ راياتـك


أقـول الله يالدنيـا .. أخـيـراً صـرتـي تْحـنّـي !


( سبع من شهر ذي الحجة ) بدت أحلـى رواياتـك


بعَدهـا بيـوم ياعمـري ( تليفونـي ) بـدى يْـرنّـي


( ترن ) ثمّ ٍ ( ترن ) ويلـي ألا يـا محلـى رنّاتـك


تدودهت ونشـف ريقـي .. زهقتـي وانتـي تْرنّـي


بدت لي ( أربع وأربـع وسـت ) وْباقـي نمراتـك


ألو .. قلتي لي : غلطانة .. صرخْت : ارجوك إستنّي


أبد مانتـي بغلطانـة .. أنـا المجنـون فـي ذاتـك


أنا المجنون فـي كلـك .. رجيتـك مثلـي انجنّـي !


أنـا ذاك الخبـل والدلـخ يـوم ٍ شـاف نظـراتـك


أنـا المعتـوه والسدمـه هبيـل ٍ مختـبـص ظـنّـي


أنا الظامي ورى زولـك أبـي مـن مـيّ واحاتـك


دخيلـك لا تخلّـيـن الصـحـاري الـيـوم تدفـنّـي


أنا الهايم علـى وجهـه .. تخبّـط تحـت رمياتـك


سهـم يخطينـي وسهـم ٍ علـى السرجـوف يطعنّـي


أنا ( المنثور ) في زخمك .. أنا ( المبذور ) بشْتاتـك


أنـا المرحـوم لـو متّـي لأن كنّـك أنــا كـنّـي


أنا ( المسرور ) لو تحكي .. أنا ( المكسور ) بسْكاتك


أنـا اللـي حنّـت اقـداري وْعليـك اليـوم جابنّـي


أنا ( المغمور ) من دونك .. أنا ( المشهور ) بابياتك


لو اكتب عنْك يطلبني ( أبـو نـورة ) يبـي يْغنّـي !


أنا ( المأسور ) برْموشك .. أنـا مسحـور نظراتـك


أنـا اللـي أطلبـك إنتـي واحاسيـسـك تـزورنّـي


أنا ( المأمور ) والمنهي .. أنا اللي رهـن اشاراتـك


تبينـي أذبـح العالـم ؟ بسيطـة .. إنـتـي اتمـنّـي


همستي مدري وش قلتي .. درر , بلّـور همساتـك


أظنّك قلتي ( تسلم لي ) .. أظن ومـا اجـزم بظنّـي


لأنـي وقتهـا كنّـي سـكَـرت بْلـحْـن آهـاتـك


ترى ( آهك ) كما ( الغارة ) علـى أسماعـي تْشنّـي


وعدتينـي وْحلفتـي لــي تعيـديـن اتصـالاتـك


وانـا مـن فرحتـي أشهـق واهنّـي قلـب ٍ يْونّـي


ختمتي بْقولتك ( بايات ) انا افـدى كـل ( باياتـك )


وانا مالت على وجهي .. حروف ( الباي ) يجفنّـي !


عجزت آقولها مثلك .. مـن اللـي يسـوّي سْواتـك


حروفـك تنصهـر منّـك .. عليهـا إرفقـي وْحنّـي


بكـت سماعـة الهاتـف عقـب أحلـى سلامـاتـك


قعـدت آبوسهـا كنّـي أبـوس شـفـاه باسـنّـي !!


أواسيـهـا وانــا مـحـد ٍ يواسيـنـي بغيبـاتـك


أسلّيهـا وانـا اللـي مـا خَـبـر أشـيـا يسلّـنّـي


رغم حزنـي .. أنـا الأسعـد إذا اتذكّـرت جيّاتـك


أقـول لْدنيتـي : ( دِنّـي .. أهـا لا يكثـر وْدِنّـي )


أنـا يـا دنيتـي مـارْضـى تذلّيـنـي بمأسـاتـك


أنا هالحين من قدّي .. وعـود ٍ مـن ( وفـا ) جَنّـي


أنـا يـا دنيتـي أرفــض حـيـاة ٍ باحتمـالاتـك


أعيش ارجي أنا عطفك !! حشـا .. ماطيقـك تْمنّـي


أنـا مانـي صغيـر الـسـن تلهيـنـي حكايـاتـك


أنـا فاهـم ألاعيبـك .. فهمتـه مـن صغـر سنّـي


حشرتينـي وسَـط ( دهليـز ) وسدّيتـي ممـرّاتـك


قهرتك قلت : انا طالع .. سكتّي , قلت لـك : فِنّـي ؟


طلعـت بكـل ( إصـرار ) وتمشّيـت بْمتاهـاتـك


إذا انتي ريح انا ( إعصار ) غاشم .. إحـذري منّـي


أنـا يـا دنيتـي ذقـت البـلاوي مـن مضـراتـك


أبد ما اذكر نفعتينـي .. وش اللـي واصلـك عنّـي ؟


حرمتينـي مـن الـوالـد .. رميتـيـه بْمـداراتـك


وانـا تـوّي ولـد ستـة .. تركتـي أمــي تْـونّـي


تركتينـي أنـا واخـت ٍ صغيـرة فـي مجـرّاتـك


ورانـا أمّ ٍ تْـصـارع جـيـوش ٍ مـنْـك يلفـنّـي


حرمتينـي مـن اللـي يْقـول : أعمامـك وعماتـك


حرمتينـي مـن اللـي عـن خوالـي جـا يطمـنّـي


عزلتينـي عـن العالـم .. سقيتيـنـي مـراراتـك


فرضْـتـي يتـمـي وفـقـري هقيتيـهـن يذلّـنّـي


تركتينـي بليّـا قلـب .. انـا ماخْشـى اجتياحاتـك


أسـودك يـوم شافنّـي غـصُـب يالدنـيـا هابـنّـي


واذا انتي من بعد عشقـي فتحتـي بِيـض صفحاتـك


تـرى مـا عـاد يعنينـي إذا الصفـحـات يطـونّـي


تبيني عـن ( وفـا ) أبْعـد ؟ كـذا دايـم سخافاتـك


أنـا مـاتْـرك ( وفــا ) إلاّ إذا الـديـدان ذاقـنّـي


وفا .. يا ( شهرة ٍ ) مدري متـى أوصـل نهاياتـك


وفا .. يا ( مهرة ٍ ) حـازت صفـات ٍ حيـل تفتنّـي


وفا يا حبـي العـذري .. جزمـت بْصـدق نيّاتـك


سقـا اللهْ ليلـة ٍ فيهـا عِـيـون الـحـب يسقـنّـي


أنا موجود في بالـك .. ترانـي ( مختـرق ) ذاتـك


برامـج يحمـن الخافـق تـرى خـافـن يـردّنّـي !


أنا مانـي أبـد طالـع .. ولا همّتنـي ( فُرماتـك )


أنا ( الرستارت ) شايلها .. وفـا لا تزعلـي منّـي !!


أنا ( الهاردسك ) يا عمري أنا احسن كل ( راماتك )


أنـا ( خلفيّـة الشاشـة ) عِيونـك بـس يشوفنّـي !


وفـا ليتـك تشوفينـي شَسـوّي وقــت غيبـاتـك


أغنّي باسمك وأضحك .. أحـد يضحـك إذا يغنّـي !!


كثـر مـا اشتـاق لـك أدري واحـسّ بْإشتياقاتـك


أحاسيسـي لأحاسيـسـك كثـيـر احـيـان دلّـنّـي


علـى فـراش المنـام ارسـل سلاماتـي لحاراتـك


واصيـح ارجـي مـن احـلام الليالـي لـك يودّنّـي


ألا يالله يــــاربّ ٍ تـعـلّـيـت بـسـمـاواتـك


طللبتـك يالولـي تبـعِـد هُـمـوم ٍ حـيـل أذّنّــي


أبـي شملـي مـع الغاليـن يتْجـمّـع بمرضـاتـك


أبيها .. وْغيرها ما ظـنْ يجـي فـي يـوم يعننّـي !


وفـا تكفيـن دعواتـك أبيـهـا بْـكـل سجـداتـك


عسـى دعواتـك مْـزون ٍ تهـلّ عْـلـوم يـرونّـي


أبـي تدعيـن رب العـرش يقصّـر لـي مسافاتـك


أبمشـي فـي وسَـط درب ٍ بـه الريحـان يفتـنّـي


( أعوّض ) عينك ( النجلا ) شنيع وقشْـر شوفاتـك


أخلّـي رْموشـك ( الكسـلا ) بْكسلهـن دوم يرمنّـي


( أروّض ) رجلك اليمنـى مـع اليسـرى بمشياتـك


واخلّيـهـن عـلـى دربــي .. يدلّـنّـي ويتلّـنّـي


( أبـدّل ) نـارك بجنـة .. واهيـم بريـح جناتـك


أقوم وألتقي وجهـك واردّد : ( مـن أهـمّ منّـي ؟ )


( أعدّل ) برمجة وقتك .. وارتّـب وقـت ساعاتـك


أبـي منهـا أنـا ( أربـعْ وعشريـن ٍ ) .. يكفنّـي !


أبـي جْروحـك يلومـنّـي إذا خيّـبـت هقـواتـك


وانـا اتْحـداك واتْحـدى جروحـك لـو يلومـنّـي !


لأنّ المـوت أحسـن لـي إذا سبّـبـت لوعـاتـك


أنا وش عيشتـي لامـن عليـك اصبحـت متجنّـي ؟


أبي لامـن جمعنـا الـرب تقضـي كـل عبراتـك


أبـد مانـي ولـد رجّـال اذا جـا يــوم يشكـنّـي


أبي من قلبك ( المغـرم ) يـذوق رْ كـود أزماتـك


أبيـه يحـس بالراحـة .. عقـب مـا كـان متعنّـي


أبي من ليلـك ( الأظلـم ) يطفّـي نـور شمعاتـك


أبيه يحس وش معنى ( الأرق ) فـي عيـن ٍ تْونّـي !


أبي من صبحك ( الغابر ) يشـوف شلـون طلاّتـك


أبيـه يحـس فـي طعمـك عقـب ماليلـك يمِـنّـي


أبي من عقلـك ( الصابـر ) يجـي يستنتـج اثباتـك


قدرتي تملكيـن العقـل ونفـس الوقـت .. تنجنّـي !!


وفا .. هاويك انـا لْذاتـك .. ولـو تـزداد شيباتـك


واذا تـزداد شيبـاتـك .. تظنّيـهـن يصـدّنّـي ؟!!


وفا .. عيّـا القلـم يوْقـف واشوفـه طـوّل ابياتـك


لو اكتب عنْك انـا ( مليـون ) بيـت ٍ مـا يكفنّـي


وصلت الحيـن ( للميّـة ) .. أبنهـي كـل آهاتـك


واذا فـي عشقـي تْشكّـي .. أمانـة إبعـدي عـنّـي


--------------------------------------------------------------------------------

الموضوع الاصلي  من روعة الكون