خساره صرت أحبك؟؟؟

المحبين · #1 (**permalink**) 13-09-2007, 11:56

أنا اللي قلت في نفسي .. احبك.. وابتدى التمثيل
بديت اكذب على نفسي .. و اقول انك نظر عيني

خطاك انك تصدقني .. تبادلني الهـوى و تميـل
صدقت بكل اشواقك .. وكاذب كـل مـا فينـي

خدعني واهم إحساسي .. بلا غايـة ولا تحليـل
ظلمتك يوم جاريته .. أجامل .. و انت تعطينـي

لقيتك غارق بحبـي .. ولا لـي للأمـر تبديـل
حرام أحطم احلامٍ .. بناهـا الحـب .. بيدينـي

وسايرتك ..على كيفك .. لقيت القلب حبّك حيـل
وفجأة صرت لي نبضي .. سكنت أقصى عناويني

ولا فكّرت في جرحك .. ولا ودي تـذوق الويـل
ولا حبيت نتفـارق .. وعينـك يـوم تبكينـي

ولكن بانت الكذبـة .. وعـزّم قلبـي التعديـل
تنبّه بعد مـا فـات الأوان .. ومـرّت سنينـي

علينا دارت اللعبة .. مثـل دورة نهـار و ليـل
تحب وكنت انا لاهو .. عشقتك و انت جافينـي

خلاص الحزن ما ينفع .. تبادلنا الهوى تمثيـل
خسارة صرت أنا أحبك .. و انت اللي تجارينـي

الموضوع الاصلي من روعة الكون

algohara · 13-09-2007, 01:02

مزآ‘جي $ · 13-09-2007, 03:57

خساره صرت أحبك؟؟؟

مــنــتــدى هــمــس الــقــوافــي