طنت براسك فكرة إنك تروحين

بسم الله الرحمن الرحيم


مرحبــــــــا

مسائكم ورد أجمعيـــــــــــن



اليوم حبيت أنقل لكم قصيده من أجمل قصائد
الشاعر : -عاقل الزيد .. رحمه الله ..
قصيده رهيبه بمعنى الكلمه .. :scenic:
أتركـــم مع القصيده


7

7

7



(( طـــنت براســـــــك ))


والله وجيتي يالعنيده .. تخطين
عقب الجفا .. والصد .. والهجر .. جيتي

كلك أمل باحلام عمرك تغنين
وعلى أصدق رسوم المحبه بكيتي

جيتي ندم من لوعة البين تشكين
وأنتي من أول للقطيعه سعيتي

وش رجعك وانتي من أول تعامين
حتى عن أصدق من يحب انعميتي

وشلون حنيتي وقلتي تمرين
عقب الجفا وشلون عني رضيتي !!!

وانتي من أول حالفه ما تعودين
وعلى ونيني بالفراق احتفيتي

غبتي بكيفك ماجبرتك تغيبين
لكن عزاي أنتي بكيفك مشيتي

طنت براسك فكرة انك تروحين
ونفذتي الفكره وتوك صحيتي :huh:

توك بصدق احساس روحي تحسين
يوم انتهى صدق الغلا وانتهيتي

جيتي من اللوعات والهم تبكين
نسيتي انك باختيارك جفيتي

ونسيتي انك غايبه لك زمانين
مدري تناسيتي او انك نسيتي

تبنين مدري يالعنيده تهدين
قلب على دافئ وصاله ربيتي

قلب بظله لا تعبتي تنامين
واليا عطشتي من حنانه رويتي

وأنا لك الله ما احسب انك تمادين
حتى على قلبي بصدك قسيتي

غرك غلاك اللي من أول تخبرين
وعلى أصدق سلوك المحبة وطيتي

حتى وضعتي ( شاعرك ) بين نارين
نار الوصال ونار منها شكيتي

وما الله خلق في جوف مغليك قلبين
له قلب واحد في عذابه وفيتي

قولي وقلبه يسمع اللي تقولين
من رحلة غيابك وش اللي جنيتي ؟!

غير .. الندم .. والهم .. والنوح .. والبين
هذا هو اللي في غيابك لقيتي !!

طالبك قولي تم ما ابيك تبكين
تكفيك دمعة خافقي لا طريتي

ويكفيني انك يوم غبتي عن العين
ما بين جفني والخفوق اختفيتي !


وسلااااااااااااامتكم




الشاعر :- (( عاقل الزيد )) رحمه الله



تقبلوا تحياتي العطره


ونه <----:blush:

الموضوع الاصلي  من روعة الكون