تخيلتك تخون الود وتصنع في حشاي طعـون ..
عشان أكرهك لكني ... عشقت طعونـك زيـاده
/
غريبـة بـذرةٍ فينـي تغـذت حبـك المجنـون
غـدت صبّـار وجـذوره بنـار الحـب وقّـاده
/
كريمٍ حيل بصدودك شجاع وبس لـي مسجـون
ويومي كنـت محتاجـك طلبـت الصـد وبعـاده
/
ثلاث شهور من ودّع ... وقلبي للحزن مرهـون
ثلاث شهور وعيوني ... تعاف النـوم ورقـاده
/
ثلاث شهور ... ما كنه ابد في يوم بـي مفتـون
ثلاث شهور ... وأنفاسي تشوف الموت وعناده
/
ترجيته .. ترجيته ... بكيـت بحرقـةٍ وجنـون
وصلت لحدّ مـا قبلـي وصلـة وكـرر العـادة
/
وأنا اللي كنت له دنيا جميـل بجانبـي هالكـون
وكان اسمه على صـدري تزيّـن حبـة قـلااادة
/
كسرت بخاطري لجلـة وذللـت العمـر بظنـون
وعطيته قبل ما أعطـي عيونـي لحظـة مـراده
/
نسيت الدنيا من أجلـة وفضلتـه علـى مليـون
وخطاي إني لجل عينه رخصـت العمـر بزيـاده
/
أببعد بتـرك الدنيـا وبجبـر كسـري الملعـون
وببني سور لين إنـي أعيـش الليـل بسـواده
/
وأنا أوعدك وأحسب لي .. مجرد وقت لي وتهون
وتصبح في نظر عينـي فتيـل وطيـرو رمـاده
/
أبدفن ما بقى منّك في داخـل جرحـي المكنـون
وبنسى ما حصل منّـك ثـلاث جـروح بركـاده
/
عظيمة نفسي لا طابت كبيره في نظـر العيـون
عزيزة نفس وخساره تسـاوي عزتـي إيبـاده
/
خسارة كنت لي دنيا خسارة كنت لـي مضمـون
لأنـي صـادق بحبـك قتلـت الحـب فمهـاده
/
فمان الله .. لا تسأل وأنا بينـك وبيـن عيـون
وكنت أسوى فنظر عينك نظر هالعيـن وزيـاده
/
فمان الله .. والدنيـا كفيلـة بقلبـي المطعـون
تنسيّني تفاصيلك .... وأصل الجـرح وإعمـاده
/
فمان الله ... يا قلبـي أحبـك والغـلا مجنـون
ومع كل الغلا فيني ...... أنـا بنسـاك وزيـاده
الموضوع الاصلي
من روعة الكون
آخر 10 مشاركات
24-05-2007, 11:40
العرض العادي
