جيتك مسيّر ولي طلب وانت قل : جاك
قلبي بعد هاليوم تخلي سبيله
*****
كلمه وفسرها على مشتهاتك
لو ما بقى بالكون غير انت
ما ابيك!!
******
تولم للفراق ولا تفكر ترجع لمغليك
حرام ان ما جعلتك تصفق اليمنى على يسراك
انا ما اقول كلمه و ارجع اسحبها عشان ارضيك
مدام رضاك في كسرة كلامي.. لا بلاش رضاك!!
*****
رضيت لي هون القدر والمذله
و ارخصتني وانا مع الناس مغليك
و طاوعت فيني ربوع قل لي وقل له
عدواني اللي طايلتهم حسانيك
قمت تعاتبني على غير زله
ومن اول حبي عن العيب معميك!!
*****
تبي تتركني اتركني تاكد اني ماراح ازعل
ولا أسأل وش تفاصيل البعاد وطوله ونوعه
ولكن قول انا ماشي ترى بعض الوداع أجمل
من هروب الحبيب اللي ترك له ناس موجوعة ..!!
*****
شفت الأذى منك ومن دون تقصير
زدت الجروح اللي سببها حناني
النفس طابت ما تبي منك تفسير
لا تحسب اني ارتجي من نساني
ما جيت ابي منك محبه وتقدير
حتى ولو دمعك وقلبك دعاني
أبشرك قلبي من غيابك بخير
رغم الجروح اللي بكتها الأماني
*****
الله يسامح قلبي اللي مواليك
اخذت كل اللي تبي منه وانكرت
منهار جيت العام تسبق خطاويك
واليوم ماكنك جيت ولا انهرت !!
*****
كنت بيديني مير مدري من خذاك
حسبي على تقصيري وحسبي عليك!!
*****
اقول احيان يمكن ما فهمني
واقول احيان هو نفسه عنيده
احسب ان المحبه فيه تكفي
واثر كل المحبه ماتفيده
عطيته كل شي كنت احبه
وعطاني كل شي مايــريـده!!
*****
خسارة كيف حبيتك ؟! نعم ...والله أنا ندمان
غبـي ادري نعم ادري .. مـادام انك سكنتيـني
*****
رح بشر اللي ملتفت لك يناديك
قله تركته لخاطرك ما تأخرت
صدقني انها غلطتي يوم اداريك
والا انت لولا غلطتي كان ماصرت
كبّرتك بعين البعيد وحواليك
ابيك تكبر والمصيبه تكبرت ..!!
*****
من متى صاير تحب وعاطفى؟!
من متى قلبك يحس فينى وحنون؟!
مايليق لحضرتك دور الوفى
اللي مثلك حتى مع نفسه يخون!!
*****
ابنشدك يالغالي ولا ابيك تحلف لي
هو انت انت يالغالي مثل ماانت يالغالي؟!!
*****
و انصحوني وانصحوني وانصحوني
لا تجي خطوات رجلينك عجوله
وكنت اكابر واحلف انك ماتخوني
لين جتني طعنتك في صدر يوله
*****
غصبن علي ماهو رضا تاهت عناويني
مني وكلي هارب برضاي مني لك
اسألك باللي كاتبك فيني وملغيني
ماودي اشكي منك لكن ودي اشكي لك
*****
شفت الغياب شلون خلاني انساك!؟
صوتك يمر بمسمعي ماعرفته!!
*****
شفتك قريب وقلت امد يمناي
واثر السما اقرب لي من مصافح يدينك..!!!!!!
*****
ماطلبتك اجيلك لين قلتي تعال
من وصلتك ونورك لحظه وانطفى!!
*****
ماضعت في بعادك ولا توهني زماني
مثل مااخترت قلبك بالاول اقدر اختار ثاني
ادري اني تغيرت وماعاد قلبي الاولاني
جروحك علمتني الصد!!
وعلمتني كيف اخلي الهم ينزاح عني ويتناساني..
*****
ليه انادي ؟ وانت ما تسمع نداي!!
كيف انادي؟ دامني ما اسمعت حيٌ!!
انت و الا الموت؟! ما تفرق معـاي
يعتمد مـن يسبـق الثانـي علـيٌ
*****
ياضعبف النفس قلي وش حصل؟
كيف هرج الليل يمحيه النهار!!
تونا البارح تناسينا الزعل
واتفقنا من بعد طول انتظار..!!
****
لعنبو قلب يعلق بك امل
والبقا براسك ياغاوي المسار
وان رجيتك بعدها لا ماني بـ رجــل !!
موت حبي لك ترى رد اعتبار
الموضوع الاصلي
من روعة الكون
آخر 10 مشاركات
15-09-2007, 09:33
العرض العادي
