شافت الدبلة في ايدي وزعلت ؟؟؟؟؟؟؟

شافت الدبله فيدّي وازعلــــــــــــــــت

والملامح في محيّاها غضــــــــــــوبه

وسكتت لحظه.. وجتنـي وسألـــــــــت

يا غلا..ليكون ملكه..او خطـــــــــوبه

ما قدرت اتكلم وعيني اخجلــــــــــت

قمت اطالع خاتمي..ونظاري صـوبه

حلّفتنـي حيل.. حيل اتوسلــــــــــــــّت

قلت آسف..وادري ما همّتها تــــــوبه

قلت كلمه..الدنيا فيها اتزلزلــــــــــت

قلت روحي ابروح غيرك امغصوبه

شفت دمعه اتحجرت ..بس انزلــــت

من عيونٍ ناعسه كلها عذوبــــــــــه

طالعتني وطالعت واتأمــــــــــــــلت

كنّها تلعن زماني وكل عيــــــــــوبه

وابصعوبه حروف من فاها اوصلت

والسكون اصبح كما الريح وهبـوبه

اكرهك قالتها ..بس متحمـــــــــــلت

والله مسكينه من قليبي وذنــــــــوبه

قالت الدنيا من افراحي خلــــــــــت

انحكم ابكي من ظروف امكتــــوبه

قمت انا اتبسم وضحكاتي علــــــت

وقلت اسف قصتي كلها كذوبـــــــه

كنت اجرب دبله ..يدي ابها ابتلـت

واعلقت ما تطلع الا بكلْ صعـــوبه

.................................................. .....................

لا تحرموني من ردودكم العطرة

الموضوع الاصلي  من روعة الكون