اخاف منك

أخــــــــاف منــــــــك


أخاف منك ..أخاف تتغير علي ..وبلحظة أخسرك..؟

وأخاف تنغر بجمالك..وأخاف يتحول رماد وياي جمرك..؟؟

وأخاف يوم يمر علي وتشوفني ويزداد قهرك..؟

وأخاف نزوة وكت وتعوف المحبة...شلون بعد اكدر اذكرك؟؟؟؟؟؟؟

وانت حاااالف ما كلت كلمة (احبج)

يمكن تخاف اني اعيرك؟؟؟؟؟؟؟؟؟؟

غركتني بثكل شوكك وابحر مجنون ...وتريد اني اعبرك؟؟؟؟؟؟؟

والله قلبي يخاف منك...يا صعب وشلون اكدرك

انت كلماتك طلاسم ......منين اجيب الحيل حتى اكعد وافسرك؟؟؟؟؟

أخااااااااااااف أخسرك

أخاف افرحك
وأخاف من بعد الفرح تتركلي مرك

وأخاف احزنك
وأخاف من كثر الحزن انطيك عذرك

تعوفني وعذرك اقبله.....وخايف شلون اكدر اتحمل واهجرك

أخااااااااف أخسرك

أخاف قلبك ما يحبني؟؟؟؟؟؟؟
وأخاف انت تورطت وانطيت سرك؟؟؟؟؟

وأخاف اني اتجاوزت من ردت حبك
وانت ما بينت امرك؟؟؟؟؟؟

وخاااااااااف كلشي يصير
بس اني اعتقد ما طلع مني اللي يضرك

اني يا معود ضنوني وياي تلعب من كثر ما جيب ذكرك

اني احبك ....والله احبك
وكول شتريد
اعتبرني
طفل

مجنون

انتهازي

شلون ما تحب اني اخيرك

المهم تنطيني كلمة
وما تخليني افكر يوم أخسرك

بـــــــــس
أخاف أخسرك!!!!!!!!

الموضوع الاصلي  من روعة الكون