ماني بسائل مع منهو تخونيني
بس بسئلك من متى وانتي تخونيني
قبل امس كله معي للصبح سهرانه
والبارحة اذكر ابرقد ماتخليني
واليوم اشوفك معه يدك وسط يده
وامر قدامك ولا كنك تعرفيني
وشلون؟ ابفهم تعالي واشرحي ليه
نسيتي لامستحيل انك نسيتيني
مامداك تنسين يمكنك تناسيتي
وانا الذي ماضاقت ذكرتيني
العام جيتي ودمعك مغرقٍ جيبك
قلتي: اخذني على صدرك وغطيني
ماكنت اخذلك اليا منك طلبتيني
وانا قبل ما اطلبك وانتي خذلتيني
في عز ماحتجت لك في ضيقة الدنيا
جيتك ابي فزعتك لكن طعنتيني
للحين اكذب كل اللي حصل قدامي
ماني بقادر اصدق لاتلوميني
حتى الشعر والقصيد اللي على خبرك
احس عقبك ابد ماعاد يعنيني
كتبت فيك الوفا.. والصدق والطيبة
قصايد للاسف بتطيح من عيني
" من غدر الايام جيتك كارهن نفسي"
اول قصيدة بعد منتي عرفتيني
"ومحتاجلك حيل والله يقطع الحاجة"
آخر قصيدة بعد منتي تركتيني
عرفتي الفرق بين الشعر والشاعر
بس ماعرفتي وش اللي مرثعٍ فيني
احساسي اللي ذبحني وراح يذبحني
واللي يبي يقلب الدنيا على سنيني
الناس .. تسمع قصيدي فيك وتصفق
وانا .. اتذكرك يوم انك تخونيني
الموضوع الاصلي
من روعة الكون
آخر 10 مشاركات
18-09-2007, 09:49
العرض العادي
