مسيتم بالخير وكل عام وانتو بخير ومبروك عليكم الشهر
زقارة المغرب لها نك مهيب صاحيه تصمخ الراس
وهذي مهيب دعوه للمارسة التتن للعليميه
زقارة المغرب من امزها احس اني ملك جزر الخرتيت اللي ورى منغوليا
واحس اني انفر على بساط منتجعى لي بجبال القلب واخره بسهول ام رقيب
ياما تعافرت انا والتتن مرتن اعفطه واقطه
إلين زادت علي الكحه ثم اهون
واضمه ضمت ولهان لغرنوق تقطر دلع
الى منها قفلت بوجهي ما اعين رفيق غيره
ولا اعين من يواسيني غيره يفرح بفرحي ويحزن بحزني
ان ضاقت بي الدنيا لفى يقول دندن يابعد قلبي تدلل يا قلبي
وان زانت بي الدنيا وفرحت لفاني يبارك ويقول احرقني يا مال الشحم وفلها
قلت ابشر لاشبك وانا شباب النار يا مال السعد
نرجع لزقارة المغرب
اليوم عقب الفطور طبعا فطوري قدوع ومهيله(طبعاُ أفطر مع عمي ) وغيره معصي
المهم عقب الفطور صليت وعينت من الله خير ثم قربت فال السعد
وطلعت منه القناد وقدحته ولا مزيت اول مزه الا وعيوني اتخالف(وأحس نفسي بسطح برج المملكه)
المزه الثانيه الا وانا منسدح بسطح (المزيرعي) على فكره المزيرعي جيراننا واناظر القاع تحتي
المزه الثالثه قمت اوزع شرهات واعتق رقاب
والحمد لله لقيت من الدعاوي الطيبه الين قلت بس
المزه الاخيره سويت انقلاب بامريكا وصرت الرئيس
وعينت جنيفر لوبيز مستشاره ووظفتها تحت طاولتي بالبيضاوي
عشان تربط الجوتي وتلمعه وانا قاعد على كرسي المكتب
حدثني عبدالله أبن عمي عن لهفته الشديده لزقارة المغرب فقال
زقارة المغرب معدلة الاحدب ومزينة الاجرب
تعدل المزاج وتنفخ الاوداج وهي فرحة كل داج
قلت يا ابا زويد هل بما ان تعتقد اني اقدر اترك التتن
فرد علي بعقله الراجح وصوته الفاضح وقال صه صه يا ابا بشاااااا
فلو ترك التتن معاشر الانس والجان فلن تتركه انت
قلت الله لا يبشرك يا وجه العنز وصدري اللى غدى تقل منخل
قال دع عنك صدرك فلن تفنقش قبل يومك يالاجرب
فودعته بحبة خشم وقلت انا اشهد ان فالك فال اجودي
منت من الخبول اللي يقولون قربت نهايتك لو ما تترك التتن
هذا الحكي السنع محد بيموت قبل يومه وزقارة المغرب ما تفوت
الموضوع الاصلي
من روعة الكون
آخر 10 مشاركات
18-09-2007, 11:50
سيجارة المغرب !!
العرض العادي
