هذه الأبيات كتبتها أعبر فيها عن حياة لقيطة كيف تعيش حياتها والله يكون بعونهم وأتمنى أنها تعجبكم وترى اللي كتبته جزء بسيط من اللي يعانونه والله يجبر بخاطرهم,,,,
لقيطة أذرفت دمعي وخـلتني أعـيش الــهم
سـببها عـشت ماضيها وعـالم كـلها احزاني
شكت لي عن طفولتها كلاما ً به يجف الـدم
يشيب الراس من يسمع يقول الحزن عـنواني
شكت عن والــدٍ ظـالم وقـسـوة أم ماترحم
شكت عن ظلمت الدنيا حياة ً مابها احساني
رموها رمية الظـالـم وهي اللي تذوق الظلم
رموها عند باب البيت وكن الباب أحضاني
لــقاهـا عـــابر ٍ مسـلم وسـلمها لـدار الـيتم
بدت قـصتها مـحصورة حياة ً بين جـدراني
شكت أني أذوق الويل وجرحاً بي مايلتم
هوية ضايعة وبدون وكني ماني انساني
على أية دليل أرمى وكني فاعلة لي جرم
من اللي ياخذ بيدي من اللي كان يرعاني
دخلت الدار مكسورة حسافة جاهله بالاسم
إذا يسـألني الــزاير أوطـّي راس الحـاني
إذا أطلع علي الصبح أناديها ياأحلى أم
ويرجع لي صدى صوتي حياتي كلها فاني
وأرجع للسرير ابكي ويركب فوق همي غم
يارب الموت بي أرحم لك الشكوى يارحماني
إذا عشتم طفولتكم طفولة عمري ماله علم
أعيش اليوم وراه اليوم وراه اليوم حسراني
تمر اعياد بعد اعياد ولكن ليش انـا أهتم
ياكيف استنى أعيادي ولا به أحد هناني
وين الأم ويـن الأب ويـن الخال ويـن العم
وين اللي إذا يعـايد بوسط الأهـل يلقـاني
وين اللــي إذا أقبل عــلي بوج اتبسم
أزين حالي واتدلع واقوله شوف فستاني
أوزع من هدايا العيد والم من الحلاوه لم
أعبي شنطتي الوردي ووازع بين جيراني
أنادي أختي ونلعب وعلى لوحاتنا نرسم
حكاية حــب ماتنسى ونخلـط بين الالوانـي
وإذا حــلـّت لــيالينا وكـلا ً فينا يتحــلـم
نبحر بعالـم الفـرحـة ونسـرح بين الاوطاني
لاهذا صـــار ولا هـذا وكل اللي أقوله حلم
حياتي كلها بالـدار وراضي باللي اعطاني
نهاية قصتي عبرة لكل من هو يعاني الهم
ترى شكر الإله أوجب إذ انك بين الاعواني
حياتك بين أهل وحل وغيرك بالحزن يكتم
ياربي تلطـف بحـالي وتجـمعني باخـواني
الموضوع الاصلي
من روعة الكون
آخر 10 مشاركات
20-09-2007, 12:15
العرض العادي
