قالوا لي عنك
قالوا لي عنك البارحه ..... غلطت مرة قلـتــني
قالوا لي إنك من الخجل ..... السالفه راحت هدر
...
أخاف تاخذك الدموع ..... إذا حبيبي .. لمـتــني
واجط كفي لا تطيح ..... واغضب على دمعك حذر
...
اقول بنساك وعبرت ..... مدري قدرت وخذتني
واصد عن كل النجوم ..... واقول ما شفتوا .. بدر
...
مريتك البارح سهر ..... مدري حبيبي شفتني
مريت وفلسانك سكنت ..... ما بين قولين وصدر
...
هذا الحديث اللي تبي ..... أدري بحبك .. نلتني
بس البدايات بـقـــدر ..... حتى النهايات بـقــــدر
رسالة حــب
ابكتب لك رسالة حب .. تعبر عن عذاب القلب
قصيده شعر تحكي لي .. ألم روحي تناديلك
نسيتيني تركتيني .. في ليل الياس واقفيتي
اهيم بعالم الأحلام .. ادور للهنا قدام
يصير أو ما يصير القاك .. ما دامي ما قدرت أنساك
والى انتي ذكرتيني .. وفي هجرتك تماديتي
امان العمر .. يا اغلا الناس كان انتي
عذاب وصبر .. وشوق وياس تجاهلتي
نسيتيني تركتيني .. في ليل الياس واقفيتي
جرح مشتاق .. لقيا بعد .. غيبتنا
ألم وفراق .. سميتيني .. نهايتها
انادي لك ولكنك سمعتيني وصديتي
وحـشـتني سواليفـك
وحشتني سـواليــفــك ..... وحشة شوفتك أكـثــر
كل لـيله مع طيـفــك ..... حبيب الروح أنا أتحسر
طاير من عيوني النوم ..... على ذا الحال أنا كل يوم
سمعني حبيبي الصوت ..... وسيرني على كـيـفــك
كلامك فيه نشوة روح ..... يحرك فيني الوجـــدان
يعطيني أمـــــل مفتوح ..... في لقياك مهما كـــــان
ساعة يختفي صوتك ..... أعيش بعالم الحرمان
لا تقطع علي الصوت ..... أنا ما اقدر على الحرمان
فــاقــد الشي
اخطيت يوم اني طلبتك حنانك ...... لاصرت فاقد شي ..وشلون تعطيه
مهما نطق لي بالمشاعر... لسانك ...... شيٍ بدون احساس .. ما اقتنع فيه
احساسك المصنوع خنته وخانك ...... جاملتني به وانت تجهل ..معانيه
مني نصيحه تنفعك في زمانك ...... إلا شعورك .. لا تبيعه وتــشـــريه
كانك تقدر قيمه الحب .. كانك ...... اللي يودك .. لا تحــــاول تعنيه
يا كـثـر ما حبك فوادي وصانك ...... مع كـثــر ما تبعده .. كـنـــك تناديه
غيرك امانه خوف والخوف امانك ...... ما كل من راعاك تقدر تراعيه
حتى لو عليت بالقلب ...شانك ...... ابقى يتيم الحب .. جرحي اقاسيه
اعذرك ..لاحطيت نفسي مكانك ...... لا صرت فاقد شي وشلون تعطيه
مــا أوعــدك
ما أوعدك من يضمن اظروف الزمان ..... لا تصدقي من قال للدنيا امان
ميعادنا خليه في كـــف الظروف ..... لا تحرجيني بالزمــان وبـــالمكـــان
محـــدن عن احبابه بيختار البعاد ..... لولا الحياء اطلقت للرجل العــنـــان
اسري بليلة ضيق لشموس الفرج ..... وركبت موج الخوف للشاطي الامان
كـثــر الليال اشـتـاق لك كثر السنين ..... انتي حنان العمر ما غيرك حنــان
لمعانقك شوقي كثر شـــوق الرمال ..... لمعانــقــة غيمة لها عنـه زمــــان
خــلــك معــي
خلك معي دايم وأنا أكون مبسوط ..... لا تغيب عني يوم ويضيق صدري
قلبي وهب لك صادق الحب مصفوط ..... والأعلى غيرك من الناس بدري
مدري وش اللي بالهوى شاطني شوط ..... والا ترى قلبي من الحب حذري
طبعي هواوي لكن اليوم مضبوط ..... صار الوفا في دمي اليوم يسري
حبك غزاني دون تحذير وشروط ..... وأُر على طابع سلوكي وفكري
صوتك وهمسك والحلى فيك مفروط ..... ولا صرت أنا مجنون حبك بعذري
الـعـــنــا
العــــنا ..
العنا .. وشهو العنا ؟
غيرانتي واجروحك وأنا
ابجرحك بظما .. وارضي علي مره
دامك حياة الماء
يا بنت منهو غاب ..
ضحك و حكي و أحباب
و انتي و أنا و قلوبنا .. صرنا
حديث أغراب
أثر المفارق صعب ..
غيمة سواد وليل
أنساك هذا صعب .. لا مابقى بي حيل
يا عيونك الظلما .. مافي الجفا كلمه
ومال الغياب اللسان..
..اتصوري
مره نسيتك .. وابتسمت
واتصدقي ..
اني على البسمه ندمت
و الأكيد اني بكيت .. ما ابتسمت
أبسألك ..
وشهو الشبه ..؟
بين النهايه والأخير
كلها نفس المصير
وأبسألك ..
من قال لك ان الهوى جرحه عذاب
وأجمل أيامه غياب
عمر الحزن ما يلبس اثياب جداد
مثل الهجير ما يعرف أنفاس البراد
العنا .. وشهو العنا ؟
ابجرحك بظما .. وارضي علي مره
دامك حياة الماء
الشاعر الأمير سعود بن عبدالله
الموضوع الاصلي
من روعة الكون
آخر 10 مشاركات
25-09-2007, 03:21
العرض العادي
