قصة عائله رايحيين السووووووووووق ؟؟؟؟؟؟

اب وام وثلاث اخوات وولدين ..عائله اتوقع كانت سعيده ..داخلين لمجمع تجاري

* الاب فاك كشرته وكاشخ بغترته ويمشي بشويش لاتخرب سكبته ..

*الام عيونها تتتلاقط هنا وهناك.. تيور .فستان .ثوب. شنطه. جزمه.حلقات .

كل شي بهاللحظه فبالها ملخبط...تبي كل شي من هالشي الا شي مايصلح مع ذاك الشي..<<<<<

هواجيس حرمه

*ثلاث اخوات الاولى 19 سنة همها شنطه ماركه وجوال ..تعليقه وسلسال ..

نكها بالبلوتوث (ابي ريال)..الظاهر ناقصها شال للحفله وخلخال.. <<<<ياقدم الشالات

*الاختين 9 و7 مالهن من الشيطان طاري ..يمشون مسبهات بيدينهم القيم بوي وكل شوي يلتفتون على

امهم :يمه شوفيها طقتني والله لااصيحها . ه دايم حركاتكم بنات :mo13:

الام وبالها مهوب معهم ولا معها ((شوفوا تكفون هو عند احد منكم)) : يصير خير اخر مره اطلعكم معي.

*الولدين الاول 17 بفترة (الملاكمه)عفوا المراهقه.والثاني تفخ خلوه بحاله يمشي ويسحّب نعاله ..

-الاب قدام فترينة المحل باعلى صوت ينادي بنته الكبيره : فلانه تعالي شرايك بذي الساعه ؟

الولد (الملاكم )عفوا المراهق .. يجي داعس من بعيد .. يتمتم بصوت واطي عشان لايسمعونه الناس:

يبه كذا عادي تناديها باسمها باعلى صوت قدام العالم .. اخر مره اطلع معكم .. بالبيت نتفاهم

الاب: تزداد كشرته اتساعا ..يقول بداخله: الله ياوليدي صرت رجال ..ه الا زلابة قاعدة

-البنت تدخل المحل بتشوف الساعه..تقيسها بيدها ..

الولد (الملاكم )عفوا المراهق .. يجي داعس من بعيد .. يتمتم بصوت واطي عشان لايسمعونه الناس:

لا ..لا ..طلعي يدك كلها قدام الرجاجيل .. لكن هين بالبيت نتفاهم (على فكره المحل فاضي والبياع صاد

عنها)


-يطلعون من محل الساعات ..يدخلون الي جنبه الظاهر اكسسوارات .. الام تطالع الحلقات وتكاسر

الهندي وانواع الملاجج:

يامحمد هذي انا لاقيتها عند ابو ريالين شلون تقول بعشرين؟ تلعب علي انت؟ الهندي:

كلاس ماتبين روه >> بعذره بخاطره كولي تراب ورا ماشريتها والاتحكين مع شسمه

الولد (الملاكم )عفوا المراهق .. يجي داعس من بعيد .. يتمتم بصوت واطي عشان لايسمعونه الناس:

يمه فشلتينا وبعدين صوت المراءه عورة ..والله ماينطلع معكم ..نتفاهم بالبيت

الام بقلبها : الله ياوليدي صرت رجال ..


بعد صولات وجولات بالسوق ..ماشافوا فيها الا غبار (الملاكم )عفوا المراهق .. قرروا يتعشون ..

-الاب لبنته الكبيره : يله قومي اطلبي لنا شي على ذوقك ؟ البنت : طيب..

الولد (الملاكم )عفوا المراهق .. يجي داعس من بعيد .. يتمتم بصوت واطي عشان لايسمعونه الناس:

وين وين ؟ اصبري اجي معاك ؟ والا اقول وشوله تروحين ذيك المنطقه كلها شباب ..الله يهديك

يبه تخليها تروح لحالها ..ان شاء الله بالبيت نتفاهم

- قاعدين على الطاوله يتعشون ..البنت رن جوالها مسج ..مقطع فيديو طالعته وضحكت ..اعطته امها

تشوفه ..دار الجوال على الطواله

الولد (الملاكم )عفوا المراهق .. يجي داعس من بعيد .. يتمتم بصوت واطي عشان لايسمعونه الناس:

مشغله البلوتوث هاه؟؟ وانتي يمه مبسوطه عليها بعد .. سكريه يله..لكن هين بالبيت نتفاهم ..

الام والاب يطالعون بعض بابتسامه وبقلبهم يقولون: الله ولدنا صار رجال ..


رجعت العائله البيت ..الولد (الملاكم) عفوا المراهق راكب قدام .. واصله معاه.. الام والبنات انواع

اللجه كل وحده تعد وش شرت..التفخ نايم (لاتشرهون عليه )

ملاحظه: الشخصيات لاتمت للواقع بصله ماعدا المراهق ..فهو شخصيه اتوقع موجوده في اغلب

البيوت..

فهي محور الموضوع ..والدافع الي خلاني اطقطق بكيبوردي عشان اوصل لكم هالشخصيه باحسن

صوره




:mo13: :mo13: :mo13: :mo13: :mo13: :mo13: :mo13: :mo13::mo13: :mo13:



تحياتي للكل

عزووز


:a059: :a059: :a059: :a059: :a059: :a059:

يمدحون العسكريم :a059:

الموضوع الاصلي  من روعة الكون