كثر المواصل فالهوى ماهو بزين ..!!

قصيدة للرائع / عبدالله علوش




كثر المواصل فالهوى ماهو بزين
ودك بخلـك بيـن مـده ومــده


لن البنادم ماترك طبعـه الشيـن
لاحب له شي وشبـع منـه هـده


لكن لمنه جاك من حين لي حيـن
قـدرت جياتـه وقـدرت صـده


فأن قلت ابيك وقال ماهوب ذالحين
لاتبلشـه يمكـن ظروفـه تحـده


اصبر عليه ايام وشهور وسنيـن
ان كانـه يـودك وكانـك تـوده


وخلك لمنه اعطاك ماتطلبه ديـن
ماجاك منـه اخـذه ومـارد رده


ولاتسوي مثـل نـاس مساكيـن
اصلك وفصلك فالهـوى لاتعـده


الحب مايعـرف قبيلـه ولا ديـن
نكـس حكومـات وكسـر اشـده


جاووه عقـال وراحـوا مجانيـن
وكم واحد خاضه ولاهـوب قـده


يقوله اللـي جاحـد علتـه ليـن
بـارت محافيـره وبيـح بسـده


هذا كلامي وانت بتشوف بعديـن
والله ان تميز بين مزحـه وجـده

الموضوع الاصلي  من روعة الكون