عسى بفستان عرسها الشوك

احلى بنيه · #1 (**permalink**) 01-10-2007, 01:03

ثلاث سنين انا اخطــــــط لهذا اليوم ياســـــــــعود
تيسر حـالي وجاهـز اوفي وعـدي بوقته

وفجاءة جتني تتعذر تـقول تأخرت الوعود
وانا مسـتغرب واسمع كـأني وعدها خنته

حسبت انها تمازحني وتتصنـع جفا وصدود
ضحكت بوجا من قلب معنها بايخه النكته

وقالت ارضى بالوقع قلبي مـاهو بالمعهود
تغير كل شي صوبك نصـيبي ما اظـن انـته

كنت بيوم محبوبـي لكـن ماظـن نــــــعود
وصل من قبل ما توصل وانا ذاك الصبر عفته

ولكن تكفى صدقني ويشهد ربي المعبود
ترى ما ختنك بغفله ولا كلمته وشـــــفته

بصراحه اهلي قالولي انه ولد اصل وجود
وجتني امه بالصوره وبكلمات المدح اخته

سكت وقلت هي فرصه مدام الجود بالموجود
وقالوا كل من حولي علامات الرضى سكته

وانا فكرت مدام امه واخته ماعليهم زود
اكيد اني براضيهم اذا وافقت واختــــــرته

واراضي اهلي واخواني مدام الفرح مقصود
عطيت الناس انا كلمه ومعاهم وقت حددته

ولا اقدر اغيرها ترى عند العرب منقود
اوافق واعتذر باجر واقول الراي غيرته

تبي تشرحلي المنقود تصدق عاد يا بو سعود
تبيني اقتنع وارضى بحل عمري ماعــــشته

انا ماني بقايلها عسى يفرش ثراها ورود
بعد ماحطمت قلبي وطعم الموت جــــــربته

عسى بفستانها اشواك وبثوبه عقارب سود
ونارن تحرق الكوشه وتحرق بيتهم حـــــــته

وموتهم بليلة الدخلة يبرد حرتي ياكــــــود
ولا احس انها بحظنه يلامــس خد لامسته

علي اهون اذا ماتوا ولا بنفس السرير ارقود
ترا صعب علي اتخـــــيل الــــــي ما تخـــــيلته

عسى قاع الثرى يقسى ويتحول صخر جلمود
وحفار القبر يرفض يسوي فوق مقـــــــدرتة

ترا دفنت عديل الذات تلوع حتى جبد الدود
ومن خان العهود ومات تعافه حته مقبرته

عسى ربي يجازيهم حبل من مــــسد مدود
يعلقهم من اطــــرافه وفوقه نــــار وتحته

انا ماني حقود وشين ولاني من نسل نمرود
ومن حط نفسه بوضعي يقول الي انا قلــــته

مدام الفعل له ردت فعل والله ابشري بردود
بدعي دام اني حي وابغرس بالـــدعا نبتــــه

وبسيقها نزيف القلب ودمعن مارحم الخدود
وتكبر والثمر ثاري من الي خانني وصنته

انا نذرن علي اكتب وافجر القصــــيد رعود
واسمع كل البشر صوتي عجبته ولا زعلته

واردد للي يسمعني اذا حـــبيت حــــط حدود
انا حبيت دون حدود وشوف الي تكبتـــــــه

ثلاث اسنين وانا ابني وجت صوره بكل برود
وخذت مني شقا عمري وحلم قلت حـــــققته

ثلاث سنين وانا اخطط لهذا اليوم يابوسعود
تـــــــوافق من كلام اخته وصورة 4 في 6

الموضوع الاصلي من روعة الكون

بنووته هلاليه · 01-10-2007, 04:20

algohara · 01-10-2007, 09:00

فآقد إنسآن عزيز · 02-10-2007, 05:35

شاعرةالمليونksa · 02-10-2007, 07:30

احلى بنيه · 02-10-2007, 07:53

شذى الكون · 02-10-2007, 08:23

**الشقيه** · 02-10-2007, 09:57

عسى بفستان عرسها الشوك

مــنــتــدى هــمــس الــقــوافــي