حبيبي.. بس يكفينا حياة البهذلة والجور=ترى ماعاد دون الموت واطراف القدم شعره
انا ماقدر اعبر لك عن اللي في الخفوق يدور=غرام ٍ كنة الموج الشديد بصفقة الصخره
لك الله مابكيت الا من الفرقا وانا مجبور=ولا هميت قول الناس :عيب ..ومن شره يشره
دخيل الغره البيضاء وليل ٍ مكتسيله نور=دخيل اجمل عيون ٍ ناعسه في طرفها سكره
تعالي واجمعي آخر بقايا كاسي المكسور= واذا خفتي من اطراف الزجاج ..فزودي كسره
تعالي لايطول الوقت ثم يرحل حمام الدور= ترى كل العذاب اهون علي من قولتك بكره
تعالي واسمعي صوت الرياح بصدري المهجور= وشوفي آخر اطلال الضلوع وقمة الحسره
دخيلك لا تزيدين المواجع داخلي ويثور=بي الطفل اليتيم ويظهر المكنون في صدره
انا ياما كتبت اسمك على الجدران بالطبشور=رسمت اجمل قلوب وعبرتين وجنبها جمره
انا ياما تمنيتك تداوي جرحي المحفور=وتآخذ ما بقي مني معك وارتاح بالمره
لو ان الوقت اسعفني بلحظه خلف ذاك السور=ورى ذيك المدينه والدروب الموحشه مره
لو ان الوقت يجمعنا سوى يافاطمه ونزور=ضواحي بيتنا ذاك القديم وتكمل السهره
ولكن هذي الدنيا وذا حظي.. وهو معثور=وعدني باللقاء واقفا.. وكانت خطوته قبره
للشاعر : فهد حمد مصلوم
دمتم بخير
الموضوع الاصلي
من روعة الكون
آخر 10 مشاركات
02-10-2007, 03:56
]
العرض العادي
