تــنــحط على الجـرح يبرى <<< قصة رووووعة

وبعد صلاة العشا شغلوا الاستريوا وقاموا يرقصون البنات وموسعين صدرهم وبعدها نزلت ريم وخذاها خالد توقع وعشان يسالها الشيخ وقعت وقالت موافقه وهي توقع كانت يدها ترجف وخايفه طمنها خالد وبعدها سلم على اختوا وباركلها وامها سلمت عليها والكل باركلها وراحت قعدت للكراسي الي مجهزة لها هي وفيصل عشان يلبسها الشبكه وجو البنات وسولفوا معها وهي عادي ولاتقول ملكتها طبعا هذا من برة ولامن داخل خايفه ومرتعبه مووووت ............
دخل خالد على الرجال وبشرهم بالموافقه وفيصل من زود فرحته سلم على الموجودين مرة ثانيه
خالد:مبروك يافيصل
فيصل:الله يبارك فيك بس ماقلتلي متى بدخل
خالد:ه اصبر ترى ماهي طايرة
فيصل:ادري بس خلاص زهقت
خالد:ه طيب بس لاتموت علينا الحين
فيصل:وشو اموت ابي اشوف زوجتي
خالد:انت ماتستحي وتقول قدامي بشوفها
فيصل:شفيها زوجتي واقول لاتسوي لي فيها
خالد:خلاص ترى ذليتنا الحين بتشوفها
فيصل:الله يصبرني بس
خالد: اثقل يارجال والحين خلاص ندخلك بس بروح اشوف واجي
فيصل:بسرعه
خالد: طيب
وطلع خالد يقول لامه عشان يدخل فيصل يلبسها الشبكه وراحت ام خالد وقالت للحريم يتغطون ودخل فيصل بخوف وارتباك وكان نظره كله موجه لمكان واحد الي هو ريم وهي خافت وارتبكت وتمنت لو امل معها بس وحست بضغط على يدينها التفت شافت امل فابتسمت وردت لها امل نفس الابتسامه وقالت:هذا تو الي موخايفه وتبلع بالجالكسي
ريم:تكفين لاتخليني
امل:لاهذاني قاعده على قلبك وقلبه
ووصل فيصل وسلم على ريم وباس راسها وهي استحت وقعد جمبها وجو الناس طبعا الي يقربون لهم وسلموا عليه وراحوا وكان اخوها خالد وعمها موجودين سلموا عليها وطلعوا بعد كذا لبسها الشبكه وتوهق يوم جايلبسها الحلق وهي كانت ميته خوف وحيا وجت امل لهم وساعدته وبعد كذا ام خالد قالت للحريم يتفضلون على العشا
امل:يلا فيصل خذ زوجتك وروحوا للمجلس
اما ريم ارتبكت واستحت وتوعدت بامل...
فيصل مد يده لريم وحطت يدها بيده وراحوا للمجلس وقعدوا لحالهم .....
فيصل:مبروك
ريم(بصوت يالله ينسمع):الله يبارك فيك
وقالت بينها وبين نفسها ياربي هو سهله عليه مبروك كلمه اما انا شطولها وضحكت على نفسها شلون تفكر وجتها ضحكه ماقدرت تقاومها وهي عن فيصل شلون كانت تحسبه هندي
فيصل:دووم هالضحكه بس ممكن اعرف لشنو
ريم(تورطت)...
فيصل:طيب مو لازم تذكرين اول مرة تقابلنا
ريم(ضحكت وزادت ضحكتها بس على خفيف):ايه
فيصل(ابتسم):طيب شنو الي يضحك بالموضوع
ريم(افتشلت بس قالت لازم تقول ماتقدر تكتم):الي يضحك ان اول ماشفتك كنت احسبك هندي (قالت هالكلام بحيا وخوف)
فيصل(استغرب):شمعنى
ريم قالتله عن خالد وعن العمال الي قال عنهم فحسبته منهم اما هو جته ضحكه بس حب يلعب باعصابه وقال:تدرين انا حسبتك بعد مين
ريم(ببراءة):مين
فيصل(بضحكه):الخدامه حقتهم
ريم(عصبت):لاوالله
فيصل:اووه لا كل ولاتعصبين نمزح وخلاص سحبنا كلمتنا بس تدرين بقولك شي
ريم:ايش
فيصل:طااااالعه رووعه وتهبلين
ريم(استحت ونزلت راسها وهو مسكها من يدها وقال):خذي هذي هديه بسيطه لك (ومد يده بكيس فخم)..
ريم خذتها وقالت:مشكوور بس مايحتاج تعبت نفسك
فيصل(بابتسامه خلتها تذوب):مايحتاج تعبك راحه
ريم(استحت منه وماقالت شي اما هو قال:وخذي هذا رقم جوالي وعطاها الرقم وقال:بينا اتصال (هزت راسها وهو طلع وهي كانت فرحانه وهو نفس الشي).....
ومرت الملكه على خير ومانتهت من البنات الملاقيف وش صار وش قال وش قلتي وطفشوا ريم باسئلتهم اما هي عطتهم كلمه ان لايتدخلون لاتجي تحوسهم<< ماعندها وقت ه

اما ام عبدالله طفرت رنا راسي مصدع بروح ودقي على عبدالله نروح وقامت تتشكى وكله عشان تخرب على رنا وبالاخير رنا دقت على عبدالله وجا واخذهم وطلعت حزينه لانها كانت ودها تكمل سهرة مع اختها وتشوفها وتسالها محتاجه شي بس ام عبدالله ماخلتها تتهنى بشي وبسمه بعد زهقت من امها الي تقولها لاتقومين لاتروحين ولاتتحركين وكانها بزر ........
(بجناح عبدالله)..........
عبدالله:الله وش هالشياكه والكشخه
رنا(استحت):عبدالله
عبدالله:يالبيه
رنا:انا تعبانه وبنام
عبدالله:ماعاش من يتعبك خلاص ياعمري ارتاحي
رنا:طيب تعشيت زين
عبدالله:ايه الحمدالله المفطح كان رووعه
رنا:ه مفطح لااحنا كان عندنا بوفيه تصدق قلت لامي يخلون الرجال بعد بوفيه بس خالد قال لاالرجال احسن لهم مفطح
عبدالله:وهو صادق ناكل من هالمفطح احسن من نجي ناخذ صحونه ونصف بالدور
رنا:ه حلوة نصف بالدور
وقطع عليهم صوت امه جت تبي تسهر معهم وتقول زهقانه وبس عشان تخرب على رنا وعاد رنا استقبلتها بترحيب واما وضحه تعاملها ببرود وقلة حيا وعبدالله مايقدر يسوي شي لانها امه وبعدها تركتهم وضحه على الفجر بعد مانكدت عليهم وخربت على رنا فرحتها....
بس طبعا كلام عبدالله ومواساته لها خفف عنها ونساها...
اما ريم كانت بعالم ثاني فرحانه ومبسوطه وخصوصا ان فيصل كلمها وماسكر منها الاقبل شوي ارتاحت له ولكلامه وفيصل بعد فرحان وحس ان حقق حلمه بزواجه منها وقرر انه يحطها بعيونه لاخر يوم بحياته..

هديل قاعده تكلم رهف (محمد) على الماسنجر.....
هدول:حسافه كان ودي تجين
رهوف:والله ظروف بس شلون الملكه انبسطتي
هدول:ايه والله طلعت شي وناسه
رهوف:الحمدالله تعالي هديل ودي اسئلك سؤال من زمان بس مستحيه
هدول:امري قولي
رهوف:شخبارك مع الحب
هديل قالت بنفسها هالسؤال جا بوقته
هدول:والله لو تدرين وقعت بغرام واحد
محمد انقهر وغار وحب يعرف من هو فتكلم طبيعي عشان لاتشك
رهوف:ه يالخاينه من وراي
هدول: أي من وراك لاتو جديد
رهوف:طيب مين
هدول:هو مدري وش مشاعره تجاهي بس انا حبيته
رهوف:طيب وشلون
هدول:شفته صدفه
رهوف:شلون؟؟
هدول:كنت ببيت بنت عمي بسمه الي قلتلك عنها
محمد قال لايكون تقصدني بس خل الحين بعرف
رهوف:ايوة كملي
هدول:وبعدين دخل صدفه وشافني وشفته بس وترى يصير خال بسمه
محمد قال ياحليلها تحبني شعور متبادل بس مدري شلون لو عرفت ان انا ولد والي تحبه شنو بتسوي انا لازم اكلم بسمه وهي بتحل لي الموضوع بهدوء واطلع رهف من حياتها مثل مادخلتها
هدول:ياهو وينك
رهوف:معالك هلا طيب يمكن يحبك
هدول:ياريت بس مدري عنه ماشفته الامرة واظنه نساني
محمد يقول بنفسه وانا اقدر
رهوف:لاانشالله يحبك ويخطبك ويتزوجك
هدول: كل ذول مرة وحده بس امين
رهوف: وجهك مغسول بمرق انتي
هدول: لاعادي امون
رهوف:ه صح عادي
وقاموا يسولفون وراحت هديل صلت الفجر ورجعت تسولف معها وهديل حبت رهف الي هي محمد وتعلقت فيها وصارت كتومه لاسرارها ونفس الشي محمد حبها وبالذات يوم عرف انها تحبه حبها بزياده وكل يوم يتعلق فيها ويحب فيها شخصيتها المرحه والصريحه وقال لازم اتكلم مع بسمه واشرح لها لان هي قريبه من هديل ومني وبتفهمني وبتقولي وش اقدر اسوي .............
بالمكتب الصبح عند ابو عبدالله........
خالد(وهو يفكر):خلاص ياعمي موافق وبعد خل نستانس ومدام انت مقترح هالفكرة يكون حلوو
ابوعبدالله:بارك الله فيك ياولدي انشالله يوم الخميس الفجر نطلع واعزم خويك فيصل لان صار ياولدي منا وفينا
خالد:انشالله ياعمي اكلمه واقوله تامرني بشي
ابوعبدالله:لاياولدي الله يوفقك
خالد:فمان الله
ابوعبدالله:فمان الرحمن
وطلع خالد من عند عمه الي اقترح عليه انهم يروحون يكشتون بالبر ومعاهم الاهل واكيد هذا الخبر بيكون وناسه للكل......................
رنا قامت من النوم على ازعاج قامت تشوف صراخ من هذا لبست روبها وطلعت تشوف فتحت الباب واتسعت خطواتها لين ماوصلت للصوت وكان صوت ام زوجها وضحه قاعده تهاوش الخدامه ومتهمتها انها سارقه منها عقد الماس وقاعده تضرب بالخدامه ورنا قربت تفك الخدامه المسكينه من وضحه الي مارحمتها........
رنا:خالتي خلاص
وضحه:بعدي خل تطلع الذهب هالحقيرة (وتدف رنا بقوة ورنا تالمت)
وضحه(وهي ماسكه الخدامه بقوة وقاعده تضرب فيها):طلعيه يالمنحوسه يالحراميه طلعيه(وتدفها بقوة):طلعييييييييه (وبصراخ):ردي ليه ساكته ولااقولك ماينفع معاك كذا انا بروح افتش اغراضك
وراحت وضحه والخدامه قعدت تصيح المسكينه موعارفه شنو تسوي قربت منها رنا وقالت:انتي تعرفين وين مكان العقد او خذيتيه
الخدامه هزت راسها بالنفي وقعدت تصيح وتحلف انها ماشافته ورنا رحمتها المسكينه وعرفت ان مستحيل تكون ماخذته وبعد شوي جت وضحه تصارخ وتقول:يالحقيرة ماشفت شي باغراضك اكيد مخبيته بس انا اوريك ورح اطلعه منك غصبن عنك واذا مالقيته مخصوم كله من راتبك وانتي(تاشر على رنا):مالك دخل مرة ثانيه لاتتدخلين فاهمه انا اعرف احل مشاكلي بدون احد (والمسكينه رنا نزلت دموعها هي شذنبها ليه تعاملها كذا وراحت رنا لغرفتها وهي منكسرة وحزينه ومعلنه ابتداء يومها بالغم والحزن والنكد)........
وراحت وضحه وهي على شفايفها ابتسامة مكر ودخلت غرفتها وطبعا العقد ماانسرق ولاشي وموجود بس وضحه في براسها خطه بتسويها ايش الخطه الي بتسويها انشالله مع الاجزاء بنعرفها........

انتهى الفصل الاول من الجزء السادس.......

الموضوع الاصلي  من روعة الكون