تــنــحط على الجـرح يبرى <<< قصة رووووعة

دخلت الغرفه وحطت العقد بين ملابس رنا بكل حذر وكل هذا تحت انظار وحده وبعدها طلعت لغرفتها وهي تبتسم بانتصار ..............

بعدها بربع ساعه نزلت وقالت:يابوعبدالله ابي افتش الخدامات
ابو عبدالله:قالوا لك ماخذوا شي
وضحه:اكيد بيكذبون انا بفتشهم يعني بفتشهم
ابو عبدالله:خلاص سوي الي تبين
وراحت وضحه وفتشتهم كلهم وطبعا العقد مو معاهم وبعدها طلعت وقالت:مالقيت شي وابي افتش البيت بكل مكان وبكل زاويه
ابو عبدالله:قلتلك سوي الي تبين والي تبي تدور شي ضايع بيتها ماتقول افتش تقول بدوره
وضحه:لا ماقلت كذا الا لان بفتش اقصد بدور بجناح عبدالله
عبدالله:شلون يمه يعني احنا سرقناه
وضحه:انا ماقلت سرقتوه انا بس بدور يمكن اكون ناسيته عندكم
عبدالله:لا يمه مايصير مهما يكون يعني احنا متهمين شلون يعني
وضحه:قلت بدور بكل مكان حتى غرفة بسمه
بسمه(تتطنز):يمه فتشي غرفتي اول وحده لان بنام
رنا:خلاص عبدالله يمكن تكون ناسيته عندنا ماصار شي وامك مو غريبه
وطلعت وضحه وقعدت تفتش لين ماوصلت جناح عبدالله ونادتهم ان قصدها مايصير تدخله لحالها هم قعدوا بالصالون اما هي توجهت لغرفة النوم وبالذات المكان الي حطت فيه العقد وقعدت تدور بس مالقته ودورت ودورت واستغربت وين اختفى طبعا ماقدرت تقول شي طلعت بهدوء من الجناح وهي مستغربه وين ممكن يكون اختفى كانت بداخلها تغلي من الغضب والقهر دخلت غرفتها ولقت العقد على طاولتها انصدمت وحست بالدنيا تدور فيها شلون وصل لغرفتها معقول من ممكن ياخذه ويرجعه مكانه شلون؟ تمت هالاسئله تدور ببالها ......

(هالمرة نجت رنا من فعايل وضحه ياترى المرة الجايه وش ممكن يصير )

بسمه:هاه يمه لقيتيه
وضحه(بارتباك):أي أي لقيته
ابو عبدالله:مو قلتلك هالمساكين الي عذبتيهم الخدامات مالهم ذنب وانك بتلاقينه مايحتاج هالصجه والحوسه
وضحه:الايحتاج هذا عقد الماس وشاريته بمبلغ كبير
بسمه:خلاص يمه اهم شي انك لقيتيه

بعدها بدقايق دق جوال بسمه وطلع خالها ردت بفرح:ياهلا والله
محمد:هلا فيك وينك ماتسئلين يالقاطعه
بسمه:لاعاد حمودي من يومين مكلمتك وذاك الاسبوع شايفتك ماقطعتك ولاشي واذا تبي كل يوم ماعندي مانع بس كل شي وحسابه
محمد:ويعني
بسمه:واضحه خالي انت ادفع فاتورة جوالي
محمد:الله ادفع المبلغ الفلاني على كل مكالماتك وانتي ماتكلميني الادقايق صدق ياشين البخل
بسمه:قلنا لك كل شي وحسابه
محمد:زين يابسمه انا اوريك
بسمه:شبتسوي يعني
محمد:ابي ازوجك لسواق جيرانا (<< شفيه محمد يشتغل خطابه يبي يزوج عبدالعزيز خدامة بيت اخته وبزوج بسمه لسواق جيرانهم المشكله يشتغل خطابه من فئه آسيويه خخخخخخخخخ)
بسمه:ه فكرة مو بطاله
محمد:ايا الي ماتستحين
بسمه:ه زين انت خطبتني وانا وافقت
محمد:لا وقوية عين الله يرحم زمان اول
بسمه:اقول جدتي زمانكم ولا
محمد:
.................................................. ............

بدت المدارس والدوامات وانتهت هالاجازة القصيرة والكل رجع للشقى........

ريم:ياربي هذا وقته
هديل:شفيك
ريم:جاكيتي مدري وينه اختفى
هديل:انتي الي ماتجهزين اغراضك دايم حايسه بنفسك ومضيعه اغراضك
ريم:فكيني من نصايحك هذا وقتك الحين والحين دوري معاي مدري وين اختفى حشى
هديل:طيب عندك مليون جاكيت لازم هذا
ريم:ابي هذا شاريته جديد وهو مناسب للبسي
هديل:مو هذا هو
ريم:الا هذا وين لقيتيه
هديل:تحت السرير ياحظي
ريم:ثانكس هدوله
هديل:العفو
(وبعدها نزلوا تحت)...............
خالد:سنه لاتنزلون اخرتوني
ريم:شسوي انا من زمان جاهزة بس هديل الله يهداها مضيعه جزمتها وقعدت ادور معها
(هديل انصدمت من تنصيبها).......
خالد:وليه ماعندك الاجزمه وحده البسي غيرها وفكينا
ريم:اقولها بس تقولي هذي جديده شاريتها وابي اكشخ فيها
خالد:زين خلاص مرة ثانيه اذا تبين تلبسين شي معين جهزيه فاهمه
هديل:فاهمه
بعدها وصلهم خالد لان سواقهم كان ماخذ اجازة ونزل هديل على مدرستها وريم على الجامعه..........

الموضوع الاصلي  من روعة الكون