قصيدة موت الرجل ضميان بالصحراء على بيض الثياب

شرعت ل آهات الحقيقه في ضميري كـل بـاب ودقيت فـوق اوتارهـا وتـر وتـر وتـر وتـر جهزت حالي للسفـر بـدري وشديـت الركـاب وكحلت عيني من تعب ليـام واطـراف السهـر رفعت في وجه المعاني كل بـاب ولـه جـواب وجاوبت كل الاسئله سطر سطـر سطـر سطـر الا سؤال كـان مضمونـه لا تبطـي ف الغيـاب علقت اجاباته ونـا صـادق علـى كـف القـدر حيث المسافـر سكتـه خطـره وزاده بالزهـاب حتـى صـلاة الله يصليهـا كـذا جمـع وقصـر سقت القدم للحلم وادرجـت المتاعـب بالحسـاب ونا من اول عـارف ادروب الوعـوره والخطـر امشي ولامنه عرض لي شئ من بعض السـراب او حدني لاهوب حر القيـظ فـي وقـت الظهـر الد وجهي للسمـا الصافـي وادور بـه سحـاب والقى الاجابـه مثـل ماقالـوا يجيـب الله مطـر وقدام اقرر قلت ابا اوقف لحظـة قبـل الذهـاب حيث الدروب اضحت تشابه كلبوهـا ف النظـر قلت اقتحم سور المدينه لو علـى روس الحـراب عل المدينه عندهـا عـن حاجتـي علـم وخبـر وصلت ل اطراف المدينه ونبحـت كـل الكـلاب ومن شان اسكت كلبها المسعـور لقمتـه حجـر دخلت من باب المدينـه وانفتـح بـاب وحجـاب عن مجلس الوالي ومـا يحويـه ديـوان القصـر قلت السلام ورد لي ثم قال علم الضيـف طـاب قلت ابدوي يعشق الصحـراء وعايـش بالحضـر قال البـداوه رمـز قلـت الا شعـار كالشهـاب قال الحضاره قلت نبـراس العـلا منهـا ظهـر قـال البنـادم قلـت بالآخـر مـرده للـتـراب والآخـره دار البـقـا واول منازلـهـا القـبـر قال المسافـر قلـت لامنـه دعـا الله مستجـاب مابيـن دعواتـه وبيـن الله حجـاب ولا سـتـر قال القلوب وقلت ذي صابونهـا صـدق العتـاب تحيى على صدق الوفا وتخاف من طعـن الظهـر قال الهماج وقلت ماهـو للرجـل مثلـي شـراب اليا ضميت انخى الحميه لعن ابـو الـذل الصبـر موت الرجل ضميان بالصحراء على بيض الثياب اخير له مـن شربـة همجـه تـورث لـه قهـر قال العصا وش علمها قلت العصا اللـي بالكتـاب هذي عصا موسى كلت مايصنعونـه مـن سحـر قال الشعر قلت الشعـر طيـر تعـلا بالهضـاب فيـه المجـال الحـر والشعـر المقفـى والنثـر لكن ليامن صار عنـد القـول مايلـوي الرقـاب يصبح سماعه مضيعه واهدار وقـت مـن العمـر قال انت شاعر قلت شاعر في حياتي ب اغتـراب وأشعر بما حولي من اللوعـات وهمـوم البشـر قال انت وش هي حاجتك قلت التلـذذ بالصعـاب اتـوق للعليـا واروم المجـد واحـب الفـخـر قال انت حاجتك انقضت مادمت في درب الصواب ون كان عندي مـن وصيـه فالله الله ف الحـذر قلت انت توصي واحد ل امر المصاعب مايهـاب ودعتـك الله عقـب ماحـان الـوداع المنتـظـر رجعت واوتـار الحقيقـه دونهـا مقفـول بـاب اذا انفتـح دقيتهـا وتـر وتــر وتــر وتــر

الموضوع الاصلي  من روعة الكون