مرحبا بكم

{{ هـــــــااااااانـــــــــي & شـــــــــــــــــــــدااااااد }} ... الجزء الاول

مــنــتــدى الــحــكــم والــقــصــص

آخر 10 مشاركات
عايش معاها
(الكاتـب : بحور الشعر ) (مشاركات : 1) (آخر مشاركة : عبدالله ماوقاو)
قصدك عذابي
(الكاتـب : عبدالله ماوقاو ) (مشاركات : 0)
برج الجدي
(الكاتـب : فاطمة أدهم ) (مشاركات : 0)
صفات الثور
(الكاتـب : فاطمة أدهم ) (مشاركات : 0)
نوعي الأبراج
(الكاتـب : فاطمة أدهم ) (مشاركات : 0)
وصفات صحية للصغار
(الكاتـب : فاطمة أدهم ) (مشاركات : 0)
البسبوسة
(الكاتـب : فاطمة أدهم ) (مشاركات : 0)
الشعر العربي القديم
(الكاتـب : فاطمة أدهم ) (مشاركات : 0)

 
العودة   منتديات روعة الكون > (¯`·._) الـمنـتـديات الادبــيــة (¯`·._) > مــنــتــدى الــحــكــم والــقــصــص
التسجيل التعليمـــات قائمة الأعضاء التقويم اجعل كافة الأقسام مقروءة
 
موضوع مغلق
 
LinkBack أدوات الموضوع انواع عرض الموضوع
  #1 (permalink)  
قديم 07-10-2007, 12:22
الصورة الرمزية منسم بس مرسم
 
تاريخ التسجيل: Jul 2007
المشاركات: 17
معدل تقييم المستوى: 79
منسم بس مرسم يستحق التميز

0205 {{ هـــــــااااااانـــــــــي & شـــــــــــــــــــــدااااااد }} ... الجزء الاول


بسم الله الرحمن الرحيم



السلام عليكم ورحمة الله وبركاته ....يأخوان ذبحتني الفرفرة بالاسواق مع أمي وأخواتي من شان مقاضي العيد ....رجليني تكسرت وهم ما تعبوا .. ... فعشان كذا أرسلتهم للسوق وقلت أنا بقعد بالسيارة لليين تجون ..تخبرون ما عندنا سواق لاننا ناطلينه أبن الكلـــ ..
ما يستحي على وج الهندي اذا يبي يريوس يقعد يقز أمي وأخواتي اللي ما يستحي ....فقلنا له اذا تبي تريوس ناظر قدااااااااااام . ... وما سمع الكلام ...... فعشان كذا كرشناه وأنا أكلتها كل يوم موديهم السوق وكل يوم مرجعهم وكل يوم وانا كذا وكل يوم وانتوا بخير ومنسمين...

هاك اليوم وانا جالس بالسيارة قلت ليه ما أسوي لي قصة وأمحطها بالمنتدى نشوف الشباب يبون قصص وألا... خلاص
فقلت بسوي ونشوف إن أعجبتهم أعجبتهم .... وإن ما أعجبتهم من اللي قال لهم يقرونها أصلاً

وقلت بكتب وأحطها على جزئين ان اعجبهم الجزء الاول كملنا وان ما أعجبهم كملنا ... ونخليكم الللحين

الجزء الاولاني


{{ هاااااااني & شدااااااد }}

من تأليفي طبعاً

في البداية حاب اقوللكم شخصيات القصة

{ عائلة ابو هاني }:
ساكنين بالرياض وعيال عز ونعمة لأن ابوهم من كبار التجار ...العائلة هم :
ابو هاني .........زي ما قلنا من كبار التجار
وأم هاني ...... اللي هي زوجة ابو هاني <<<<< إحلف
وهاني ....اللي هو ولد أبو هاني و أم هاني وكان عمره 25 سنة يدرس أخر سنة بالجامعة قسم حاسب آلي
و هيفاء ....اللي هي على ما اتوقع اخت هاني ....لاني تعبت اللين جبت أسمها ومع هذا ما راح تطلع بالقصة بس عشان تعرفون اسم أخت هاني
{ كم هاء بالللغز ؟؟ }
،،،،،،،،،،،،،،،،،
عائلة ابو شداد :
ساكنين بالديرة ....وعلى قد حالهم ....وهم :
ابو شداد وام شداد وابنهم معيض واختهم منيرة .....
وشداد خوينا هو المهم في القصة والباقين يعذرونا ....شداد عمره 26 سنة ....متخرج وما حصل وظيفة ..... قال بيشتغل مع ابوه عند الغنم والابل .. لين يحصل وظيفة وكل يوم يروح يقدم على وظيفة ويرجع للديرة ما يروح مكان ثاني ابد ...

÷************************************************* ÷

::المقدمة::

ابو شداد .. وابو هاني أخوان ...لكن الزمان فرق بينهم بسبب طمع أبو هاني بالورث حق أبوهم استولى على الورث وجحد أخوه وقال له اني معطيك منه .... وابو شداد ضعيف بالحيل وما يقدر على مقابل هالمحاكم وما عنده فلوس هالمحامين اللي يطلبون بالالاف وآخرتها تصفا القضية على من دفع أكثر

****************

في إحدى ليالي رمضان وبالتحديد { ليلة الخامس والعشرون }
كانت عائلة ابو شداد مجتمعه بعد صلاة التراويح في الصالة يشربون قهوه ويتناولون أطراف الحديث ..... وكان ابو شداد يعطيهم من بطولاته اللي اكثرها نصب × نصب وكلهم يستمعون ومصدقين بعض سوالفه اللي من جنبها غصب عليهم يصدقون
وبينما كان شداد منهمكاً مع أحد السوالف ...... يجيه اتصال ........من اللي يدق؟؟ ....ولازم البيت كله يعرفون من اللي يتصل ..
قال لهم ..... هذا ولد عمي هاني ...بأكلمه وارجع لكم ...... لا تكمل السالفة اللين أجيك شوي بس ..
وبعد ما كلمه قرابة الساعة في المكالمة مع هاني ...جاء شداد وقال لأبوه : يبه تصق ودي اروح للرياض ؟؟؟ قال ابوه : ليه وش عندك هناك ؟؟؟ قال شداد ..والله يبه ابي اروح اسلم على عمي وعلى ولد عمي اللي ما شفته.. ولا أعرف له صورة ....بس أسمعه على الجوال ولا أعرف له شكل بعد ..
قال ابو شداد : لا ...وألف لا .... بعد اللي مسويه لي ابو هاني من حقد ومن طمع خله يتقلع هو وعياله ... هم ما يبونك ولا يبون طاري اسمك... بس اذا طفش ورعه هاني دق عليك يقضي وقت ...
قال شداد : لا يبه انت ما تعرف هاني زين ما يمر يوم الا وأكلمه .... يقول المفروض تمرنا وتسلم علينا وتشوف الرياض الكبير مره ...وبصراحة انا مشتاق لشوفة الرياض اللي أعرف انه عاصمة فقط وما أعرف شي ثاني فيه ..
قال ابو شداد : طيب يمكن ما يبونك وانت بتغثهم وتراك ما أنت بمستواهم ....هم عيال فلوس ... الواحد منهم فراشه كله خمسميات ومناديله خمسينات وملاعقهم ريالات { كيف تجي ذي بس مشوووها } .... وانا ما ابيك تنصدم بأنك مانت بمستواهم ..
قال شداد : ولا يهمك يبه ..أنا كبير وأعرف كل شئ ...بعدين قال لي هاني عن كل شئ ويعرفون عني كل شئ بأن مستوانا على قدنا ...... بالله طالبك إنك توافق ..
قال أبو شداد : تم.... ما عندي مانع أبد ... بس هاه انتبه منهم لا تنصدم بأنك ما أنت بمستواهم ... ولا يضحكون عليك وألا شئ ... ويستهترون فيك بأنك بدوي...هم متحضرين شوي .. ما عليك منهم
قال شداد : ولا يهمك يبه ... بس بقعد عندهم أسبوع كذا حوالينها وماني بتأخر ان شاء الله .... وبكره ان شاء الله ماشي الرياض .... خلاص يبه
قال ابو شداد : الله معاك بس زي ما قلتلك لا تنسى ...

*************************************************

اتصل شداد بولد عمه هاني
ناظر هاني من يتصل ,, قال هاني : ألو أهلين شدادوه كيفك وكيف ايامك ياقطوع ما تتصل ...!!
قال شداد : الله يهديك مشاغل الدنيا تعرفها ... وبعدين ما كنت متصل علي قبل شوي يالاحول .. .
قال هاني : داري بس اشوف وش تقول
قال شداد : اقول هاني ,,, عندي لك خبر مفرح
هاني بسرعه : خبر مفرح ... وشو بسررررررعه فررررررررررحنا ترانا من زمان ما فرحنا
شداد :انا بأجيكم بكره وبأعيد عندكم ان شاء الله ...
هاني : هلا والله... الله يحييك ...... حسبت الخبر المفرح فوز ميلان ...
شداد مستغرب : فوز ميلان ....وشنهو ذا؟؟
هاني وهو يضحك : خخخ الله ياخذك انا داري انك تستهبل بس يالله مصيرك تنكشف على حقيقتك يا شدادوه

*************************************************
{اليوم السادس والعشرين} من رمضان
في الفجر بعد السحور:

ابو شداد : الله معاك ياوليدي انتبه لنفسك في الرياض لا أحد يلعب علاك والا شي .. او تتعرف لك على شله فاسدين ,,,, والله الله بالصلاة لا تنساها لأن لو نسيتها نسيت ربك اللي يحفظك
شداد : لا توصي حريص يبه توكل على الله وادع لي تكفى .... و أنا هالللحين ماشي تبون شئ من الرياض والا شئ ...توادع من ابوه وامه وسلم على اخوه واخته
وركب الددسن ومشى على الطريق ومشغل اذاعة القرآن ....تعرفون صايم الولد ما يبي يفسد صومه بصوت نانسي عقرب ... والا عزازي ...وبعد رمضان يصير خير
وقطع الطريق بخمس ساعات .......سريع مره سرعته خمسين في الساعة

ووصل الرياض حوالي الساعة عشر الصباح....ما عرف مداخلها من مخارجها ... وضاع وسطها وما عرف وين رايح ...وأقعد يفر بالشوارع ....ويجي يبي يتصل ... ولكن فجأه تذكر ما معه رصيد ...خلصه كله بمكالمته امس مع هاني
راح لأقرب بقالة وشحن جواله بعشرة ريال ......{طفرانين الناس } ..... واتصل على هاني ...وما رد عليه ويتصل عليه وما يرد ويتصل عليه وما يرد ويتصل عليه وما رضي يرد
ويقعد يدق على جوال هاني من الساعة عشر للييييييييييين أذن صلاة الظهر وما رد عليه هاني .......وراح شداد يصلي بعد ما حط جواله على الصامت
ويطلع ويناظر بجواله عشان يحطه على العام واذا فيه عشر مكالمات كلها من هاني ...... اتصل عليه
ورد هاني بسرعة : وش فيك ما ترد روعتني عليك ..عسى ما جاك شئ داق علي خمس واربعين مكالمة ...وش صاير قلي تراك روعتني .....قاطعه شداد : شوي شوي ياخوي وش بلاك ...ما فيني شئ شوفني أكلمك ... السالفة وما فيها ااني ما أدل بيتكم ..!!
رد هاني : الله يأخذك بعد ما اشوفك بدقيقة . ...روعتني عليك .. .بس كل هالمكالمات وآخرتها ضيعت البيت .....شوي وأرسللك السواق حقنا يدللك البيت ...أوكيه ,, قال شداد : خلاص انا انتظره هنا
قال هاني : وينك ألحين بالضبط ..؟؟؟ وين مكانك ؟؟؟ .... رد شداد : والله ما أدري ويني بالرياض .... اللي اعرفه اني بأحد هالشوارع الزينه تحت أحد هالعماير .... قال له هاني : طيب وش اسم الشارع ...وش أقرب محل لك عطني أسمه على الاقل ..؟؟
رد شداد وهو يناظر لوحات المحلات : أنا عند مطعم أتوقع ان اسمه الفخار ما أدري كيف جاي الخط .......رد هاني معها ضحكة : ه ه أخس ما أنت ببسيط على طول رحت التحلية . ...شكلك كول ...خلاص اللحين أرسل لك السواق وهو بيعرفك على طول ... بس وش سيارتك ورقم اللوحة من شان يدلها ؟؟
رد شداد : سيارتي دستن 82 اللوحة { د م ص 948 } ....بيحصلني هناك ....طيب وش سيارت سواقكم اللي بترسله ...؟؟؟؟
رد هاني مع استغرابه : ددسن .. . زين بيجيك سواقنا بالمرسدس بانوراما لون ابيض بعطيك رقم اللوحة عشان لا تضيع تلحق أي واحد يمر من عندك ...اللوحة { ر ي م 666 } أوكي ..
رد شداد : طيب اللي تقول اسمها بانونا ذي كيف شكلها ...قرب لي شكلها زي وش ؟؟؟ زي الكرلا والا الكرسيدا ؟؟؟؟. ......رد هاني وهو يضحك : ه ه شكلك تستهبل مره.... فيه أحد بهالدنيا ما يعرف البانوراما ...
رد شداد : خله يجي وبعدين أشوف هي موجوده بديرتنا والا .... لا .....

************************************************** *

هاني راااح بسررررررررعه للين السواق وصحاه من نومه ...... قوم كومااااار ......يالله قوووووم .......يالله حنا بعد الظهر يالله قوووووووم ......يالله قوم جيب ولد عمي من شارع التحلية ما يعرف بيتنا يالله روح لا تتأخر ...شوف معه ددسن لوحه { د م ص 948 } على ما أظن كذا رقمها
وهو عند مطعم الفخار .......رد الهندي كومار : طيب هادا ما في معلوم بيت ؟؟؟ ......قال هاني : لا ما يعرف البيت ... من زمان ما في يجي هنا يالله قوم ...رد الهندي وهو متضايق : طيب كيف شكل هوه ؟؟؟ ....رد هاني : ما أدري قلت لك معه ددسن وعند الفخار ...وبس هذا اللي أعرفه ..

راح السواق بيجيب شداد

************************************************** ******
شداد واقف في شارع التحلية بعد الظهر... الناس جايين من الدوام ....وناس يتمشون في القايلة ....وناس جايين من مدارس وجامعات ومشطفين على التحلية
شوي ويوقف عنده بانوراما لون كحلي وينزل منها ولد مزيون خكري تمااااااااام ويبي محل هناك ..... لابس بلوزة برتقاليه وبنطلون " مطيحني " اللي طاحوا فيه الناس الله لا يبلانا . ...ويمر من عند شداد ...وشداد محرقه حرق قاعد يقزه بعيونه ويضحك عليه .....
رد الورع الخكري : وش مضحكك انت ؟؟ .....رد شداد : أضحك من اللي يلبسون سراويل أخوانهم . ...ردالورع : وش سراويل اخوانهم ..!!! ..وش تقصد ؟؟؟ ....قال شداد : هاللحين هالسروال اللي انت لابسه شوي ويطيح من كبره ثاني مره لا تلبس سراويل أخوانك يا بابا
قال الورع الخكري : انت وش تبي مني بالضبط ....ترا حركات نص كم معروفه عندنا انت تبي شئ ...؟؟؟ ......قال شداد : أيه ...اذا تبيني أشري لك حزام ..مطفر ما معك قيمته أعطيك ..
قال الخكري : أنت وش مدريك بالعالم ... يا بدوي يا بو ريحة ......ما خلص كلمته الخكري إلا وشداد ناقز عليه ...ويسدحه بالأرض ... ويعطيه هاك الكف اللي فتح النهر الاحمر في وج .... ويمسكه تصفيق وحصل فرصته ..من زمان ما صفق أحد ويقول شداد : أعلمك من هو البدوي
والخكري يصايح وبس : أي أي أي أي أي أي وااااااااااو إلحقووووووووووووووووووووني هيييييييييييييييييييييلللللللللللللللللللللللللللل لب هيلب هيلب أأأأأأأأأأأي

وشوي ويمر كومار سواق أبو هاني ..... ويعرف الددسن ويصفط بجنبها ..... ويشوف شداد فوق الخكري طايح فيه تصفيق .....طبعاً السواق كومار ما يعرف شداد ولا عمره شافه
و{يظن } كومار إن شداد اللي يقولون هو الخكري .... ويجيكم كومااااار ويمسك شداد ويلصقه بالجدار حق المطعم وتبدا مضاربة بين شداد و كومار
شداد ما يعرف كومار ...... وكومار ما يعرف شداد .... ..... والخكري بعد ما راح من يد شداد على طووووووول هرب ورااح المستشفى وتنووووم يومين وعنده موعد بعد العيد ب لندن يسوي عملية تجميل بعد التكفيخ المحترم اللي جاه من شداد { يا ترى منهو الخكري ؟؟}

الناس شافت المضاربة شداد مع كومار وهم ينزلون من السيارات يفرقون بينهم ...... شداد باقي في نفسه يضارب الهندي اللي ما يدري من وين جاي وما يدري وش يبي بعد ؟... والسواق يبي يكفخ البدوي اللي هو شداد... ليه يضرب شداد ؟؟{ الهندي يحسب الخكري هو شداد }
بعد ما هدوا الناس وقاموا يسألون وش السالفة ؟؟ وطبعا لازم يعرفون الملاقيف .......سألوا الهندي وشداد يسمع ...قال كومار : هازا مشكلة هاللحين وين حصل هادا نفر اسمو شداد ... وين هو روخ ... لازم روخ يدور من زديد ...بهدين ليه هو سوي بدوي مسكلة مع نفر صديق هازا هاني
سمعه شداد قال : الله يأخذك يا حمار اللهم اني صايم يا تبن يابن الكلـــ.. أنا شداد يا متخلف ياهندي ... .. قعد يناظر الهندي مستغرب من السالفة هو صدق كلام هالبدوي والا هو ينصب عليه ..والا يبي بيتوطا ببطنه اذا راحوا الناس... ضل ساكت الهندي
قال شداد : الله يرجك يا بو هنود ....يالله دلنا بيت هاني ... يالله قدامي يا متخلف ..

************************************************** *******

راحوا لبيت أبو هاني
وقعد يناظر شداد بالبيت بيت عمه وش كبره ...وش زينه ...وش دلعهم .... وش هالنعمه اللي هم فيها ...حدايق... وقصر كبير ما تشوف أخره ..وسيارات ..ونافوره بالنص
ودخل الددسن بوسط الحوش وسفط عند النافورة وطول وقته يناظر من وين تجي كل هالمويه ومتى تبي تخلص هالموية


وأستقبلوه على أذان العصر .... وحصل شداد ..هاني .... اللي دايم يكلمون بعض ....وما يعرفون أشكال بعض ... أخيراً حصلوا بعض
وسلموا على بعض ....وعناق حار جاء بينهم مع بعض ..... لسان حالهم يقول : أخيراً شفتك يا ولد عمي ..{ كم مرة ذكرت كلمة "بعض " مع بعض ...يااااااشين بعض تنكيتك }

وحصل شداد عمه البطران دراهم ...وسلم عليه ... وقعدوا أكيد بالمجلس ويسولفون ويضحكون ويستنانسون ويشوفون ولدهم اللي جاء يسلم عليهم وش هو من شنب ...هو غبي . .. هو منتهي ...هو من عيال الكول ....هو من المتحضرين . ...هو من الناس الهاي هاي . ..هو من الناس العاديين
وطول الوقت يناظرون فيه ويشوفون حركاته كلامه واتضح لهم قبل الفطور إنه بدوي مره جاي من الابل والغنم ما يدري وش السالفة ....عندهم طبعاً ..

وجاء وقت الفطور .... زي ما قلنا هم برمضان ليلة 26 صباح 27 ....

كانوا جالسين بالمجلس .... ويسولفون وشوي يدخل عليهم الطباخ السوداني ويقول لهم ...يالله جهزنا السفرة وباقي على الاذان خمس دقايق .... وراحوا لصالة الطعام ودخل شداد صالة الطعام .. .. وش هالكبر كله ... طاوله طولها يمكن عشرة أمتار فيها قدور وتجلس تختار الاكل اللي تبيه ....{يقصد بوفيه بس معليش ما عمره شاف مثل هالزين كله }
طبعا مشى ابو هاني وأخذ صحن وملعقة وشوكة وقام يختار وجلس على الكرسي وحط الاكل على الطاولة .....أما شداد حلف على هاني أن يمشي قدامه ... وأي شئ ياخذ هاني أخذ معه شداد حتى لو ما عجبه طعمه ... وياخذ شداد من التمر والتمر أشكال وانواع ... وأخذ كم حبة سمبوسة وبعض الفطاير
وجلسوا على الطاولة وقاموا ياكلون يوم أذن المؤذن ......طبعا هذا الفطور الاول

راحوا صلوا المغرب ورجعوا واذا بالطاولة مليانه بالمأكولات منها السمبوسة سته انواع ...ومكرونه الباشميل.... والشوربة ثلاثة انواع وأنواع السلطات ...ما تركوا شئ
ويجلس شدااااااد على الكرسي ويقول : اقووول عمي ورا كومار والطباخين ما يجون ياكلون معنا ...{ عن حسن نية قالها ما فيه استهبال }....ذا بيكفي له ميتين شخص أقل شئ
ويطقها ضحكة هاني .... ويسكته أبوه ...قال أبو هاني : لا فطورهم عندهم ......قال هاني : من صدققك انت تتكلم ... اترك الهندي وحاله والخدم وأشكالهم .. مانا طايقين ريحتهم ...قال شداد : الله اكبر .. اللي تقول عنهم مروحين هم اللي مسوين الفطور ... صدق من قال (إعمل خير(ن) شر تلقا ) ...بعدين حنا بالديرة اذا فيه عامل يشتغل عند أحد لازم ياكل معه بالفطور والغداء والعشاء اللين يخلص شغله ...
وناظر شداد في عمه وقال : بالله عطني من الكيك اللي عليه مكرونه بعيد عني قربه مني . . أبي أذوقه.....ضحكوا عليه شوي ...وقال ابو هاني : ياشداد هذا إسمها مكرونه بالباشميل ... أتوقع والله العالم انك تنكت علينا بس والله حلوه منك ....رد شداد وهو يحاول يصرف ..: ايه ايه عمي داري بس أشوف وش تقولون ..ويقول في نفسه (( والله لو يسألوني وش اسمه ما قلت لهم.. نسيت اسمه باشلليشم او حوله ))
كملوا فطورهم وطلعوا المجلس

************************************************** **

صلوا التراويح وبعد التراويح رجع شداد البيت ودخل المجلس
وهو اللي يتفاجاء من اللي هنا ؟؟......... اذا هي الخدامة تكنس المجلس بعد القهوة والكيك االلي تناثر بالمجلس بعد الفطور ...وهو يجيكم شداد ويدخل ويغطي وج بالشماغ ويقعد بالزاوية ويستغفر الله ويقول في نفسه: اطلعي طلعة روحك ..يازوجة كومار .. أكيد زوجة كومار ذي لانها شب الله يرجها ويرجه
كنست الخدامة المجلس ...وطلعت .... ويدخل هاني ... ويناظر في شداد ويناديه :: شداد ...شداد ...وش فيك مغطي وجهك ...شداد ...ولد ..ما تسمع ...ويبعد الشماغ عن وجه شداد اذا به في عز النووووم ..
قام هاني وصحى شداد .. وقال له قوم لغرفتك .......قام شداد وعيونه حمر ويوديه هاني لحجرته ....وأول ما دخل شداد الحجرة ... وهو يطيح بالفراش نووووووم ....لانه تعباااااااااان من السفر وغثاه ...وبرضوه حاجه ثانيه اللي هي انه متعود ينام بدري مره بعد التراويح إن تأخر مره نام الساعة 10

************************************************** ********

انتظروا الجزء الثاني من {{ هاااااااني & شدااااااد }}

وش صار وش ما صار

خلوكم بالانتظار

زي العادة الجزء الثاني هو الاحلى

** يا ترى من يطلع الفتى الخكري ؟؟؟
** شداد بيروح السوق ..!!
** شداد بيقابل اصدقاء هاني ..!!
** ???????

هذا وأكثر بس إنتظروني يوم الربوع إن شاء الله .....

عطوني أرائكم .... اكمل والا لا

الموضوع الاصلي  من روعة الكون

 


قديم 07-10-2007, 11:46   رقم المشاركة : 2 (permalink)

معلومات العضو

نادر الوجود

مصمم روعة الكون

إحصائية العضو





نادر الوجود غير متصل

المستوى: 13 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  0 / 323

النشاط  74 / 11681

المؤشر 94%

إحصائية الترشيح

عدد النقاط : 10
نادر الوجود يستحق التميز

افتراضي

يعطيك الف عافيه

وما قصرت

لا عدمناك

 

 

 

   

قديم 07-10-2007, 10:30   رقم المشاركة : 3 (permalink)

معلومات العضو

إحصائية العضو





كلي لها غير متصل

المستوى: 38 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  0 / 933

النشاط  734 / 33981

المؤشر 35%

إحصائية الترشيح

عدد النقاط : 10
كلي لها يستحق التميز

افتراضي

مشكووووووووووووووور

 

 

 

   

قديم 08-10-2007, 03:33   رقم المشاركة : 4 (permalink)

معلومات العضو

إحصائية العضو





منسم بس مرسم غير متصل

المستوى: 2 [♥ Bأ©-Yأھu ♥♥ Bأ©-Yأھu ♥]
الحياة  0 / 46

النشاط  5 / 1687

المؤشر 86%

إحصائية الترشيح

عدد النقاط : 10
منسم بس مرسم يستحق التميز

افتراضي

اخوووووووووووووووووووووووووووووووووووي

نادر الوجووووووود

مشكوووووووووور على الرد الحلو

************************************************** **********

اخوووووووووووووووووووووووووووووووووووي


كلي لها

مشكوووووووووووووووووووووووووووووور على الرد الحلو

 

 

 

   

قديم 09-10-2007, 12:57   رقم المشاركة : 5 (permalink)

معلومات العضو

إحصائية العضو





بسووومي غير متصل

المستوى: 22 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  0 / 534

النشاط  199 / 19339

المؤشر 39%

إحصائية الترشيح

عدد النقاط : 10
بسووومي يستحق التميز

افتراضي

مشكوووووووووووووووووووووور
©§¤°يسلموو°¤§©¤ــ¤©§¤°حلوو°¤§©
©§¤°يسلموو°¤§©¤ـــــــــــــ¤©§¤°حلوو°¤§©
©§¤°يسلموو°¤§©¤ـــــــــــــــــــــ¤©§¤°حلووو و°¤§ ©
©§¤°يسلموو°¤§©¤ـــــــــــــــــــــــــــــــ ــ¤© §¤°حلوووو°¤§©
©§¤°يسلموو°¤§©¤ـــــــــــــــــــــــــــــــ ــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــ ــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــ ــــ ـــــــــــــــــــــــــــــــــ¤©§¤°حلوووو° ¤§©
©§¤°يسلموو°¤§©¤ـــــــــــــــــــــــــــــــ ــــ ــــــــــــــــــــــــــــــــــــــــ¤©§ ¤°حلو ووو°¤§©
©§¤°يسلموو°¤§©¤ــــــــــــــــــــــــ رائع جدا جدا جدا جدا ـــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــ يعطيك العافية والمزيد من الابداع ــــــــــــــــ¤©§¤°حلو ووو°¤§©
©§¤°يسلموو°¤§©¤ــــــــــــــــــــــــــ منسم بس مرسم ـــــــــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــ ــــ ـــــــــــــــــــــــــــــــــــــ¤©§¤° ح لو ووو°¤§©
©§¤°يسلموو°¤§©¤ـــــــــــــــــــــــــــــــ ــــ ــــــــــــــــــــــــــــــــــــــ¤©§¤° حلو ووو°¤§©
©§¤°يسلموو°¤§©¤ـــــــــــــــــــــــــــــــ ــــ ـــــــــــــــــــــــــــــــــــــــ¤©§¤ °حلو ووو°¤§©
©§¤°يسلموو°¤§©¤ـــــــــــــــــــــــــــــــ ــــ ـــــــــــــــــــــــــــــــــ¤©§¤°حلوووو° ¤§©
©§¤°يسلموو°¤§©¤ـــــــــــــــــــــــــــــــ ــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــ ــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــ ــ¤© §¤°حلوووو°¤§©
©§¤°يسلموو°¤§©¤ـــــــــــــــــــــ¤©§¤°حلووو و°¤§ ©
©§¤°يسلموو°¤§©¤ـــــــــــــ¤©§¤°حلوو°¤§©
©§¤°يسلموو°¤§©¤ــ¤©§¤°حلوو°¤§©
مشكوووووووووووووووووووووور
مشكوووووووووووووووور
مشكووووووووووور



يسلموووووو على الموضــوع الرائـــع... ربي يخليـــكـ
يعطيـــــكـ الف الف عافيـــــــه ..
ما أجمل الكلمــات عن الحزن والفرح .... هذهـ الدنيا لما تحمل من الحزن والزعل .. والفرح والحب ..
لا تحرمنـــا من مواضيعـكـ الحلــوهـ ..



تقبل تحياتي & احترامي //
أخوكـ بسووومي

 

 

 

   

قديم 09-10-2007, 05:40   رقم المشاركة : 6 (permalink)

معلومات العضو

إحصائية العضو





شاعر الأحزان غير متصل

المستوى: 26 [♥ Bأ©-Yأھu ♥♥ Bأ©-Yأھu ♥]
الحياة  0 / 634

النشاط  290 / 23198

المؤشر 39%

إحصائية الترشيح

عدد النقاط : 10
شاعر الأحزان يستحق التميز

افتراضي

منسم بس مرسم ...

يعطيك العاااافيه على هالقصة الاكثر من رائعة ..

لا تحرمنا من جديدك ..

ولا تطووووووووووول علينا بالجزء الثاااااااااني ..

ترااني انتظر ..

الله لا يهينك سجلني ضمن المعجبين ..

 

 

 

   

موضوع مغلق

مواقع النشر (المفضلة)

آخر مواضيع مــنــتــدى الــحــكــم والــقــصــص

منتديات روعة الكون


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة



الساعة الآن 02:04.

أقسام منتديات روعة الكونت

الــمــنــتــدى الــعــام | الـمـنـتـدى الإسـلامــي | مــنــتــدى الـترحـيب والـتـعارف والأهداءات | مــنــتــدى الــــصـــور | مــنــتــدى الأنـاقـة و الـتـجـمـيـل | مــنــتــدى الاســرة و الطفـل | مــنــتــدى الــصــحــة والــطــب | مــنــتــدى مـائــدة روعـة الكــون | مــنــتــدى الــحــكــم والــقــصــص | مــنــتــدى الــخــواطــر و الــنــثــر | مــنــتــدى هــمــس الــقــوافــي | مــنــتــدى الــريـاضــة والــشـبـاب | مــنــتــدى الألــعــاب والــمــســابــقــات | مــنــتــدى الــفــرفــشــة والــدجــة | مــنــتــدى البرامج والكمبيوتر و تبادل الخبرات | مــنــتــدى الاتــصــالات والالـكـتـرونـيـات | مــنــتــدى الـجـرافـيـكـس والـتـصـمـيـم | مــنــتــدى آخر الأخبار والأحداث | الخيــمــة الرمضــانيــة | مــنــتــدى القضـايا الساخنـة والحـوار | مــنــتــدى مجلس الاعضاء | الـصوتيـات والمـرئيات الإسلامية | مــنــتــدى الأنمـي و الألعـاب الإلكترونية | مــنــتــدى الديكور والاثاث المنزلي | قـسـم الـسـيـارات | مشاكل وحلول القسم الـتـقـنـي | مــنــتــدى الماسنجر والايميل | مــنــتــدى الفيديو والافلام والمسلسلات | ملحقات الفوتوشوب والفلاش , ودروس التصميم | مــنــتــدى السيـاحـة والسـفـر | منتدى اللغات الاجنبية | قسم تصاميم الفلاش والسويتش | :: مســآبقة " روعــة الكــون " الرياضيـــة :: |



Powered by vBulletin® Version 3.8.7
Copyright ©2000 - 2019, vBulletin Solutions, Inc.

منتديات روعة الكون