صدفه وأنا في سوق حي السويدي

صدفة وانا في سوق حـي السويـدي
دالـه وقلبـي مايعـرف الغرامـي
صادفت من شكلـه بجيلـه فريـدي
غرو(ن)على وج رقيـق اللثامـي
قلت السـلام وشـوق قلبـي يزيـدي
وصدت وقلت ارجوش رد السلامي
قالت سلامك يابـن الاجـواد ميـدي
قلـت الله الله ياجميـل القـوامـي
قالـت دخيلـك روح عنـي بعيـدي
قلت العفو مااقـدر تزايـد هيامـي
قالـت ماتفهـم قلـت قلبـي بليـدي
ودمي ثقيل(ن) من بدايـة فطامـي
قالـت توكـل قلـت تكفيـن عيـدي
قالت حشى مابـك ادب واحترامـي
قلت اسمحيلـي ذاب منـش وريـدي
قالت عسى عينـك بعـد ماتنامـي
قلت ارحمي قالـت خفوقـي حديـدي
قلـت الله يعينـك بذنمبـي واثامـي
قالت تـرى ربـي عقابـه شديـدي
قلت اشكر الله ما وطيـت الحرامـي
قالت اجل وش انـت منـي تريـدي
قلت الهدف شوفك هواي ومرامـي
قالت وغيـره قلـت هرج(ن)مفيـدي
قالت وغيره وش تبـي ياالحرامـي
قلـت اتمنـى لمـس اياديـك بيـدي
في ليلة(ن) غطى الجبال الظلامـي
قالت وغيـره قـول كمـل ياسيـدي
واصـل كلامـك لايهمـك ملامـي
قلـت الهـوى راعيـه مايستفـيـدي
مادام مايشـرب اذا صـار ضامـي
قالـت نعـم هـذا الكـلام الاكيـدي
لوانـه اتعبنـي وحطـم عظـامـي
هذا ابرك الساعـات واليـوم عيـدي
واناهويـتـك يارفـيـع المقـامـي
راسي خضع لك عقب ماهو عنيـدي
وانشهـد ان الطـق فـك اللحامـي
قلت ارجو أني وسط قلبـك وحيـدي
قالت ما اعرف الاانت ياابن الكرامي
قلت احلفـي باللـي علينـا شهيـدي
اللي فرض حج وصـلاة وصيامـي
قالت قسـم بسـم العظيـم المجيـدي
اني فلا اعرف قبل اعرفك اسلامي
اخذ الصراحه دون كـذب وجحيـدي
وعطني الحقيقة بالوفـاء والتمامـي
قل لي وش اسمك قلت علي الفهيـدي
مـري انـا يابنـت مـري ويامـي
من لابة(ن) لاجاء النهـار الشديـدي
يردون حوض الموت ورد الضوامي
كم جندلو من شيـخ قـوم وعقيـدي
لاقيـل رده عنـد سـود الجهامـي
بفعالنـا تشهـد شيـوخ وعبـيـدي
ويدرون كل الناس شرق (ن) وشامي
قالت صحيح وقلـت هـذا الوكيـدي
قالـت تشرفنـا وعاشـت لسامـي




وسلامتكم

((((((((((((( منقول )))))))))))


تحياااااتي أمواج الغربية

الموضوع الاصلي  من روعة الكون