تابعوا كيف يخدع الشباب الصبايا !!!

قنبله للتحكم بالاخلاق سوف تكتشفها الفتيات الان

وهل ما سوف نشرحه لكم والضمانات التي تاتي من الواقع ومن الحياة اليومية لا تكفي .. اذا ذوقوا المر الان واستفيدوا ..
هل سمعتم جيدا ؟ استفيدوا .. استفيدوا ..يحاول ايقاظ الانسانية .. تابعوا الويلات خلال الواقع الذي ستعيشونه الان ..
ولا تنسوا كلمة " اخخخخخخخخ من هيك شباب" ..

اه والف اه .. هل سننقذ فتيات كادت ان تصبح فريسة لو لم تقرا هذا المقال الصاعق ؟!

الفتاة الاولى -

عندما يتصل بها ..

انت ايش اسمك

انا خالد .. انا الي اخذت رقمك ..

اهلا خالد .. تصدق هذه اول مرة بحكي مع واحد .. بس مش عارفة ليه انت بالذات لفتت نظري بصراحة كنت خايفة كثير وانا اعطيك الرقم ..
حسيت كل الناس شايفتني ..

بس خلينا يا خالد نتفق على شيء ..

انت تامري امر يا ريم

اياك .. اياك في يوم تقول بدي اشوفك ولا اطلعي معي ولا هالحركات .. لأنه مستحيل يصير هذا بيننا مهما حصل

ولاو عليك يا ريم شو شايفتيني .. يا بنت الناس انا ما برضالك إلا إلي ارضاه على اختي ..

***

الفتاة الثانية -

اقولك اشي خلود .. بدي اشوفك .. اخص عليك .. لو من بعيد

مستحيل يا رامي .. انا عمري ما سويت هذا الاشي .. اهلي لو شافوني ولا شكوا فيي رايحين يقتلوني ..
طلبت صورة واعطيتك اياها .. يعني خلاص شفتني

يا بنت الحلال .. لو ألف صورة ما تغني عيوني عنك .. بعدين انا متاكد إنك احلى مية مرة من كل الصور ..
ويش دراني يمكن هذه صور صاحبتك

معقول .. انت تفكرني هيك .. حرام عليك .. وانا الي بقول عنك بتحبني

يا بنت الناس والله بحبك .. ليه ما بتقدري الشوق الي في قلبي .. شو مفكرتيني حجر .. بس من بعيد ..
ولو مرة وحدة .. ولو اموت بعدها .. بس من بعيد... واكيد رايح اقول لاولادنا بالمستقبل انه امكم كانت خويفة ..

اولادنا ؟؟ .. ليه ما شاء الله اكم واحد بدك تجيب

عشرة اقل شي

لا .. انا بديش إلا اثنين بس

اهم اشي انهم منك .. المهم اشوفك ولا لع ..

طيب خلص .. مر جنب الباب وانا رايحة بفتح الباب وشوفني

ما ينفع .. افرضي حدا مارق من اخوتك ولا جيرانكم .. شو بقول عليك .. صدقيني انا خايف عليك مش على نفسي ..
خليها في الدكانة الي جنبكم ولا في super market.......

خلص تقلقش يا رامي .. بس عشان تعرف إني بحبك بتشوفني عن قريب super market......

***

الفتاة الثالثة

يا منال .. صدقيني .. بس منروح لفة زغيرة .. يعني وين بدنا نروح

ابدا يا هلال .. لو شو ما صار .. مستحيل اطلع معاك

ولك بس يا بنت الناس يعني شو بدو يصير .. رايح اوكلك .. انت عارفتني وعارفة اخلاقي وحبي الك .. ولا عندك شك في كلامي ..

اه حبيبي بعرفك منيح .. بس صعب علي اركب معك صدقني

قولي إنك مش واثقة فيي

انا .. ما واثقة فيك .. حرام عليك

اه .. طبعا .. ولا أخذتيني تسلية

كيف تقول هذا الحكي .. وانت عارف .. انا ليل نهار حابسة نفسي جنب التلفون عشانك

وشو دراني .. بس انا دايما حظي هيك .. مهما سويت ما اعجب ولا وحدة حتى الانسانة الي حبيتها من كل قلبي..

يا ابن الحلال والله بحبك بس صدقني صعب علي..

انت الي مصعبتيها .. كلها نص ساعة .. وارجعك .. ارحميني .. انا والله ما انام الليل إلا وصورتك قدامي ..
كيف تكون السعادة قدامنا وما نقطف منها .. انت ليه ما بتحسي بشوقي ولهفتي عليك

افرض صار شي .. ما اقدر ما اقدر .. اخلاقي تمنعني

يعني يا منال .. انت عندك اخلاق .. وانا لا .. هذه اخرتها تهزئيني

انا ما هزأتك .. انت ليش صاير عصبي

انا ماني عصبي بس كلامك الي يقهر .. روحي شوفي الشباب الي يسافر والي داير على حل شعره ..
شو طلبت انا غير شوفة عيونك من قريب .. كثير علي .. كثير على حبيب القلب

طيب .. وشو اقول لإهلي

قولي لهم أي شي .. قولي إنك عند صاحبتك بسمة وانا آخذك من هناك نص ساعة وارجعك وعد ..
انا عمري خلفت لك وعد .. انت عارفه إني افديك بعيوني

طيب خلاص .. نص ساعه بس .. احلف

والله

لا .. قول والله يخلي لي منال

والله يخلي لي منال

***

الفتاة الرابعة -

يا عبير خلينا ننزل .. ربع ساعة بس

ابد والله ... و لو دقيقة

يا عبير يا حبيبتي .. يا عيوني .. يا عمري .. ربع ساعة.. والله ربع ساعة بس .. نفسي مرة في حياتي ..
اشوفك من غير خوف .. املي عيوني فيك .. لوينتا انا وحبك والخوف بدنا نظل عايشين مع بعض .. حرام عليك ..
والله لو بتحبيني نصف حبي كنت نزلت

صعب يا سعيد .. لو شو صار ..انا طاوعتك في كل شي .. إلا هذه

طيب انت شفتيني طلعت زلمة في كل شي .. يعني هذه الي بطلع فيها خسيس .. هذا قصدك

انا ما قلت هيك

بسيطة بس .. هذا معنى كل كلامك .. إذا هذا رأيك فيي .. ليه تخليني احبك من اول .. ليه تخليني أفكر فيك ..
كيف تضحكي علي وتقولي ما اتزوج غيرك

انا ما أضحك عليك .. وما راح اتزوج غيرك ولو اموت

طيب الي يسمع كلامك يقول إني رايح اغتصبك .. انا عمري شكيت فيك .. ليه انت تشكي فيي

ومين قال إني شاكة فيك

هذا معنى كلامك ... نفسي بس احضنك واملي عيوني فيك .. ليه انت تحبي تعذبيني .. ليه انت قاسيه هيك .. وين حبك الي..
وين حنانك .. كل هذا وهم ..

انا قاسية !! المشكلة إني عمري ما سويت هيك .. عمري

عارف والله حبيبتي .. ومتأكد .. وهذا الي مخليني متعلق فيك ومستحيل اتزوج غيرك .. ويخليني اطلب منك أي شي ..
ولو مستحيل لاني عارف إنك بتحبيني وبتثقي في حبي الك ..

خلص .. بس بدي توعدني .. خمس دقايق بالزبط .. وترجعني

بوعدك يا اغلى انسانة على قلبي .. والله يحرمني من عيوني اذا اخذنا ازيد من خمس دقايق ..

***

الفتاة الخامسة -

لا وليد .. حرام عليك .. انت وعدتني

يا سميرة يا عمري .. ما احنا رايحين نتزوج .. ولا انت ماخذتيني للتسلية

كيف تحكي هالكلام .. خليها ليلة الدخلة ارجوووك

حبيبتي ما بتفرق .. كلها ايام وأكون في بيتكم

لا يا وليد .. لا .. خليها لما نتزوج .. انت وعدتني خمس دقايق

مستحيل إلا اليوم ..بدك الصراحة ... انا انضربت في راسي عشان أضمن إنك تكوني لي طول حياتك

والله انا لك .. بس ارجوك خليني ارج


سميرة .. روقي شوي .. هذا الي تقولي عنه الحب .. وافديك بعمري وبنفسي وانت بس الي

ارجوك يا وليد .. افديك بعمري وانت عارف ..لكن بلاش هسا .. خليها لما نتزوج .. الله يخليك حبيبي تضغطش علي ..

اسمعي .. والله دقت في راسي ..وما فيها كلام .. وانت قاعدة بتضيعي وقت .. ورايحة تتأخري على اهلك ..
يعني الفضيحة عليك ما هي علي .. مشيها بالطيب وخلينا نمشي حالنا .. بدل ما امشيها بشي ثاني

بكفي يا وليد .. بدك اياني احب على ايدك .. احب على رجلك .. الي بدك اياه بسويه .... طيب خليها بكره

لا تحبي على ايدي ولا على رجلي .. احمدي ربك .. غيري لو طلعتي معاه كان ما ستنا كل هالوقت وعرف بالقوة يوخذ الي بدو اياك منك ..
عشان هيك روقيها وخلينا نعيش اللحظة ..

وليد الله يخليك لاهلك ولو هذا اخر حبي الك .. خليني ارجع علدار وبوعدك اكون خدامة تحت رجليك..

اسمعي فكيني من اهلي .. ومشيها بالمليح من غير ما امد ايدي عليك وتروحي البيت وملابس مقطعة وحالتك حالة ..

وليد بكفي ,, صورني وخذ صوري ضمان .. والله والله بوعدك اجيك كمان مرة بس مش هالمرة .. وحياتك يا وليد ..

مبين مش رايحة تمشي بالمليح .. تعالي اقولك ..


***


الفتاة السادسة -

خالد ليش ما تتصل

مشغول

ليه كل ما اتصل عليك تقفل بوجهي

بقولك مشغول يا روان انت ما بتفهمي

لا خلص بفهم .. بفهم .. يا خالد لا تزعل نفسك .. لا تعصب نفسك .. بس .. بس .. انت وعدتني تيجي

وين اجي .. بقول لك مشغووووول .. انت ما بتقدري .. ما عندك احساس .. ما عندك تقدير .. خلص ما فضيت اتصل

حرام عليك يا خالد .. وين ريم حبيبة قلبك إلي ما تنام إلا على صوتها

عودنا لنفس الإسطوانة

خالد انا اجاني عريس

على بركة الله طيب الله يهنيك

على بركة الله .. هذه آخرتها .. ترضى هذا لأختك

بقول احترمي نفسك .. ما ظايل الا انت تحكي عن خواتي

***


وفي النهاية :



المشكلة ليست هنا .. ولا في أي مكان .. الذئب كلما كان شرس زادت حلاوة لسانه .. كلما ازداد سم الأفعى ازدادت نعومتها ..
وغدا ستكون هي مثله من قطيع الذئاب .. من جنس الأفاعي ..

المشكلة في كلمة واحدة ..غير غير غير .. انا غير ..

خالد.. رامي غير .. سعيد غير .. وليد غير .. وكلهم غير غير غير ..

متى سننهض من السبات ؟؟


منقول للفائده

الموضوع الاصلي  من روعة الكون