قصه طريفه

قصه طريفه
هذي قصه حقيقيه حصلت مع احد كبار السن :

احد الشياب الي كانو ساكنين بالبر اصابه مرض شديد.. وكانت مبينه عليه آثار المرض وكل مايقولون له عياله.. يابعد كبدي تكفا خل نوديك للطبيب..

يقول لا انا ما اتعالج بغير الكي بس والدوا الشعبي .. او اموت اشرف لي يعني "اغسلوا ايدكم تودوني مستشفيات "

فلما اشتد عليه المرض وما قام يحس بنفسه ودوه للمستشفى وتعالج وهو مايدري.. فلما قعد وشاف كل شي حوله بياض السرير.. "الممرضه".. البرادي.. حتى الجدران والارضيه بعد كل شي ابيض

قال الظاهر اني بالجنه الحين.. ولما شاف الممرضه قال ياحوريه"على باله الحور العين" تعالي هنا

لما جت له قال لها وين ابو فلان.. هو متوفي من مبطي"من زمان" شوفيه قولي له ابو فلان يبي يعرف وش اخبارك ويسلم عليك... الشايب عل باله انه دش الجنه خلاص ويحصل رفيقه ه

راحت على نياتها اتدور بالسجلات ومالقت هالاسم.. يمين يسار، فوق تحت مالقت اسم الرجال!!
قالت له والله مالقينا صاحبك..

ضحك وقال ايييييه والله اني خابر انه قليل صلاة...!!

الموضوع الاصلي  من روعة الكون