مــاعـــاد .. فـيه حـــــب ..( الــحــب ) مـــــات !!

مات حبك ( وانتهينا ) ما على بالي تجين
والخفوق اللي رفضتي ليه جيتي تطلبينه


انتهيتي من حياتي لا شعور .. ولاحنين
والدموع اللي بعينك دور كنتي تلعبينه!!


ماني خاتم في يدينك كان ودك تفهمين
الهوى كله مشاعر والصراحة .. تجهلينه


ذنبي اني صرت وافي .. لكن انتي تلعبين
ما انكسر يصعب عليك لبغيتي تجبرينه !!


ضاع عمري في سرابك صرتي غلطه للسنين
منك قلبي يشتكيني .. كيف ترجع له سنينه


اذكر اني جيت كلي ( انسف ) العالم يمين
تايه الخطوه غريب .. يرسمك (حلم) ومدينه


من يقول انك نسيتي مانسيتي .. تذكرين
الغلا .. كله عطيتك .. ما تركتك ترتجينه


صادق إشعوري وهبتك جيتك بحب ٍ يقين !!
ماحسبت إحساب مثلي في ثواني تتركينه


مرخص ٍ وقتي عشانك ماشكيته لو يشين
كنت بحرك والمواني والشواطي للسفينة


لا يغرّك من ( دلالك ) ادري انك تفتنين
اعترفلك في جمالك من يشوفك تربكينه


المحبة في خفوقك مالها ( معناً ) ثمين
سهل جدا في حياتك من يودّك تهجرينه


وش بقالي مابقالي غير جرح ٍ لي دفين
والنهاية جتك مني عيشي بدوني حزينة


ماهقيت ان الموادع في خفوقي لك يحين
انتهيتي من حياتي باعك اللي ترخصينه

الشاعر.. محمد العسكر..

الموضوع الاصلي  من روعة الكون