لـــحــــــــول
لحول من آه انزعت صـدر رجـال
لحـول منهـا يـا ثمانيـن لحـول
آه زفرتها كبـد تحـرق بالأوصـال
وآه استجرتها الحنايـا مـع القـول
وآه قطعت للعقل من شعـرة هبـال
لين أستوى العاقل على درب مهبول
أمسيت منها والدمع جـزل همـال
وأنا على هالحال قد فات لي حـول
أرجي حلول المعجزه بيـد حـلال
دام الحلول الحاضره ماهي حلـول
وشلون حل ينساك يازهـرة الحـال
وشلون أفارق وأكتب لزهري ذبول
وشلون بنسى فل شعرك تحت شال
يا شال عاجز والشعـر دوك فلـول
وشلون مايعجز وهو صـب شـلال
الا ان عفت عنـه وخلتـه مفتـول
وشلون بنسى حجاج في رسمة هلال
كنه كما قوس قزح فجـوّ مهطـول
وشلون بنسى عين في وسع فنجـال
يغدي بنظراتـه امتقهويـه مقتـول
حكيه بغمزه لا حكى معجم أقـوال
يعني الحكي بغمزته له فيه مدلـول
مدلولهـا كحـل الـى منـه سـال
سالت معه روحي وأمسيت معلـول
من حول ذيك العين رمش له ظلال
ظلال يحرس رمشها كنـه الـزول
من دونها خشم كمـا سيـف قتـال
سيف المهند صارم الحـد مسلـول
من دونها خد حضن حبـة الخـال
لا الخال له حول ولا الخد له حول
وش حولها لا صار كـلاً بيحتـال
منهم على الآخر ويمكن عسى ينول
ينـول اعجابـه ابخويـه ويختـال
وخويه يجـر الهزيمـه لـه ذيـول
آمالهـم تخلـص وتـبـدا بـأمـال
لا من دروا من دونهم شيء بيهـول
من دونهم فم اشبقى فيه مـا انقـال
ما انقال لو آقـول وآقـول وآقـول
دام الشفايف فيه من صنـع نحـال
ودام العسل داخله يصول ويجـول
ودام ان ريقه ابطعـم حبـة الهـال
ودام الثنايا صف جوهر معـا لـول
ودام الحكـي منـه ترانيـم مـوال
ودام الغنج ماليه بالعرض والطـول
ما كنه إلا ثامـن السبـع الأهـوال
وش منه أحسن فيه تمثال أبوالهول
من دونها نحر سرى فيـه سلسـال
سلسال عقد شاف في دربه الغـول
الغول عنقـاً حكمهـا حكـم دجـال
جنته نار ونارهـا شهـد معسـول
من دونها صدر اشتكى ثقل حمّـال
الحمل كايـد والبلايـا لـه حمـول
النهـد بـارز برزتـه كنـه جبـال
آجا وسلمى وفرقتـه كنـه سهـول
شلون بانسى قد خصـره ليـا مـال
وقام يتثنى كن تقـرع لـه طبـول
من دونهـاردفٍ ولا كـن لـه وال
او هو وليّه قطن في مـاي مبلـول
يروي لها جالو يسقي ظمـا جـال
من ساقها لين ارتوت عقبه رجـول
رجول تكفخ في جناحيـن خلخـال
والساق تلمع كنها ذهـب مصقـول
سبحان خالقها خلقهـا بـلا خـلال
كمال خلق وكملـه خلـق مكمـول
والله ما انساها كود تدفنـي رمـال
ويصير جسمي فوق نعشين منقـول
معقول انا انساها ذا حكـي عقـال
اليا طلبتـب شـي يخليـه معقـول
كبي التغلي وأرفعـي بـس جـوال
ودقي علي وقولـي ألـوه عـدول
وبقـول عـدول عـادل وعــدال
اللـي تبينـه لـو تبينـي معـدول
بس أرجعي وبدلي فـراق بوصـال
وخليـه فعـلاً دام أتعبنـي القـول
لا يا رحيل العمر أنا عمـر رحـال
والعمر رحلة حب ما اظن بتطـول
لحول من آه انزعت صـدر رجـال
لحـول منهـا ياملاييـن لـحـول
أن شــــــــــأء نـالـت على آعجـــابــكــم
الموضوع الاصلي
من روعة الكون
آخر 10 مشاركات
30-05-2007, 07:06
العرض العادي
