باب الحاره

اليوم موضوعنا عن مسلسل باب الحاره ..
على ما اظن انه اغلبكم مابدي اقول الكل بيحضر هالمسلسل الي بقدر اوصفه بأكتر من رائع..
المهم وبلا ما اطول عليكم ..
المطلوب منكم ياحلوين كل واحد يحددلي اكثر 5 شخصيات حبها بالمسلسل ..

واكتر 5 شخصيات كرهـهـا .. وشو السبب يا ترى ..
وطبعا المجال مفتوح للجميع بالحكي والمناقشه بأي شي بيخص المسلسل وابطاله ..
ومتل العاده رح بلش انا واعطيكم رأأي ..
ورح بلش مع اكتر 5 شخصيات بحبها بالمسلسل ..
واولهم وبلا منـــــــــــازع ..
ابو شهاب

يعني رجل بكل معنى الكلمه .. بس يفوت بمكان الكل بيقوم يوقفله وبيعملوله الف حساب..
شخصيــه اكتر من رائـــــــــــــــــــــــــــعه ومن اكتر الشخصيات يلي بتشدني بالمسلسل ..

~*¤ô§ô¤*~
معتز

ابو العـــــــــــــز .. يقبرني شو شهم ..
صح دمه فاير ومرات بستعجل كتير بس شهم شهـــــــــــــــــــــــــــــــم ..
وياهيك الرجال يا بلا ..
~*¤ô§ô¤*~
ابو عصام

انسان نضيف وطيب جدا جدا .. بجد بحسه بيحمل قلب ابيض متل البفت ..
وما بيكره حدا ولا بيعادي حدا .. وبيرد الاساءه بالحسنه ..
واحلى شي فيه اعترافه بخطأه رغم انه رجال كبير واله مكانته بالحاره ..
بالفعل شخصيه مميزه ..وبتشعر انو هو العقل الكبير..والقلب الدافئ ..بيعمل للجميع.وما حدى
زيه ولا حتى ابو شهاب
~*¤ô§ô¤*~
ابو بشير

انسان اصيل اصيل اصيل بكل معني الكلمه ..
ويا هيك الصحبه يا بلا ..
وقف وقفه رجال مع صاحبه بالوقت يلي الكل تخلى عنه ..
~*¤ô§ô¤*~
دلال

طيبه جدا هالبنت ومعطائه بشكل مميز ..
بس مشحره مقضيتها بين الغسيل والكنيس والمسح والطبيخ ..

وهلأ اكتر 5 شخصيات بكرهـها ..
اولهم وعلى راس القائمه
~*¤ô§ô¤*~
فريــــــــــــــــــــــــــــــــال

حسبي الله فيها انسانه غير محترمه بتااااتا ..
اكتر كلمه بقدر اوصفها فيها انها ... حيه ...
والباقي عندكم

~*¤ô§ô¤*~
ابو غالب النذل

مرات كنت احزن عليه بس اثبت انه ما بستاهلها ..
يخرب بيته لو انه تعامل منيح مع اهل الحاره كان ماحدا بهدله هيك ..
وختمها بقصه القفل <<< والله لياكل قتل ويوزع من معتز خخخخخخ
~*¤ô§ô¤*~
ابو^ بطيخه ^ بدر

لاحول ولاقوه الا بلله بجد بنفز بس اشوف هالانسان ..
لايمت للرجوله بصله .. مرته ام لسان فيها زلوميه اكتر منه !!!!!
بس فشلي قلبي اليوم معتز ه
~*¤ô§ô¤*~
ام زكي
هاي المخلوقه بوجه .. منافقه بشكل مو طبيعي ..
ودايره من بيت شقاع لبيت رقاع..
بكره هالنوع من البشريه بحسهم زي السووووس ..
بس بكيف عليها بس تسب على فريال .. بتمسح فيها الارض خخخخخخ
~*¤ô§ô¤*~
ابو جودت
قال امن قال ..
تطبق عليه الجمله ^ حاميها حراميها ^ بالفعل ..
اعوذ بلله منه شو فجع وزنخ وحرامي ..
~*¤ô§ô¤*~
واخيرا وليس اخرا .. في شخصيه مابقدر اكتب هيك موضوع وا اجيب سيرتها

الفنان الكبير بسام كوسا والي قام بدور الادعشري ..
والله اشتقنا لوجوده بالجزء هاد ..
بس يلا ان شاء الله بنشوفه برمضان الجاي بشي احلى ..
~*¤ô§ô¤*~
وهلأ عاد بيجي دوركم لشوف راي كل واحد فيكم بشخصيات هالمسلسل الرهيب ..
ملطوش لطشه حلوة
لم استطع ان انزل الصور اسف

الموضوع الاصلي  من روعة الكون