.. سألتكــ يا بـحـر ..

سألتك يا بحـر .. قلّي .. وش اللي يغيّر الأحباب
****** تفضل .. لا تعاندني .. و تكفى ، جاوب احساسي

أنا ما قلت لك مرة ؟ ترى بعض البشر كذاب ..
****** و أنا ما آمن بشر يخطي و عذره دوم : متناسي

عشقتك يا بحر لنّك .. تثور فموجك الأعشاب ..
****** تراقص .. تعزف لحونك .. و تبقى بالرغم راسي

يا طول الموج في صدرك .. كأنه يرتحل لغياب ..
****** و هو نفس الغياب اللي ، حرمني النوم و نعاسي

تخيّل لو جفيتك يوم و حاورت القمر باعجاب ..
****** انا اتوقع يجيلك يوم .. و تنطق : خانني القاسي

حكاية عاشقك يا بحر ..: جرح ٍ ينتظر ما طاب ..
****** جفاه الخل .. و اصبح كل يوم ، بزفرة انفاسي

غدر بي و ارتحل عني ، مثل موجك جفاك و تاب
****** لذا صرت اشبهك لنّي .. شربتك و ارتوى كاسي

أنا مدري .. كذا يعني ؟ نصير بلحظتين احباب ..
****** و لحظة تحرق الماضي و تخنق باقي احساسي ؟


بقلم /وحده من الناس

مع تحياتي نــــور

الموضوع الاصلي  من روعة الكون